ფემიციდის მორიგი მცდელობა თბილისში - ახალგაზრდა კაცმა ცოლი დაჭრა. შემთხვევა  დადიანის ქუჩაზე 1 ნოემბერს მოხდა. ადგილობრივები „რეზონანსს“ უყვებიან, რომ კაცმა, რომელიც ციხიდან რამდენიმე დღის წინ გამოვიდა, ცოლს სამსახურთან ჩასაფრება მოუწყო და დანით მისი მოკვლა სცადა. ქალს  ჭრილობები სახის არეში დანით მიაყენა. თუმცა დაზარალებულის დახმარება მეორე ქალმა სცადა, რომლიც ასევე დაშავებულია. 

წალენჯიხის სოფელ მედანში 55 წლის კაცმა 60 წლის ძმა სანდირო თოფით დაჭრა. როგორც ადგილობრივები ყვებიან, ძმებს შორის ყოფით ნიადაგზე დაწყებული სიტყვიერი დაპირისპირება ფიზიკურ ანაგრიშსწორებაში გადაიზარდა, რის შემდეგაც ერთმა მეორე, სანადირო თოფით შორი მანძილიდან დაჭრა. კაცმა დაზიანება მუცლის არეში მიიღო. 

მეზობლებს უჭირთ კონკრეტულად საუბარი რა გხადა ძმებს შორის დაპირისპირების მიზეზი, თუმცა ამბობენ, რომ სავარაუდოდ კონფლიქტი ქონების გაყოფას უნდა ეხებოდეს. 

გორის რაიონის სოფელ ატენში 50 წლამდე კაცი მოკლეს. როგორც ადგილობრივების მონაყოლიდან ირკვევა, შუახნის მამაკაცს შელაპარაკება თანასოფლელთან მოუვიდა, რის შემდეგ მათ შორის დაწყებული სიტყვიერი დაპირისპირება, ფიზიკურ ანგარიშსწორებაში გადაიზარდა. ამის შემდეგ კი 50 წლის მამაკაცს თანასოფლელმა ცივირი იარაღით ჭრილობები მიაყენა, რის შედეგადაც კაცი ადგილზევე დაიღუპა. მისი გადარჩენა სასწრაფო დახმარებამ ვეღარ შეძლო. მამაკაცი უკვე სისხლისგან იყო დაცლილი. 

ე.წ. ქოლცენტრების საქმეზე გამოძიება გრძელდება - ფინანსური პოლიცია „ვაკე პლაზაში“, სადაც კომპანია „კონცენტრიქსის“ ოფისი მდებარეობს, საგამოძიებო მოქმედებებს 25 ოქტომბერს ღამემდე ატარებდა. კომპანიაში აცხადებენ, რომ მათ არანაირი კავშირი არ აქვთ დანაშაულებრივ „ქოლცენტრებთან“, თუმცა თუ ვინმე მათ სახელს უკანონოდ იყენებს, იმედი აქვთ, გამოძიება დაადგენს.

24 ოქტომბერს ფინანსურმა პოლიციამ ქვეყნის მასშტაბით რამდენიმე სახლში სპეცოპერაციების სერია ჩაატარა. როგორც ცნობილი ხდება, პოლიცია შევიდა ამერიკულ ორგანიზაცია Concentrix Georgia-ში,  „შაბათის შოუს" მსახიობის, ონისე ცხადაძისა და მისი ძმის სახლში, ჩხრეკები ჩატარდა Atlantic Council-ის თანამშრომლების  სოფო გელავასა და ეთო ბუზიაშვილის სახლებშიც.      

სისხლიანი გარჩევა ორბელიანზე - სასამართლომ 20 წლის ნიკი ტააგიევის განზრახ მკვლელობაში ბრალდებული, 2005 წელს დაბადებული18 წლის სანდრო პაკელიანია დამნაშავედ ცნო და მას 13 წლით თავისუფლების აღკვეთა მიუსაჯა.

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები.

თბილისში, ისნის რაიონში, კლდიაშვილის ქუჩაზე 37 წლის მამაკაცი მოკლეს. მას ავტომობილიდან ცეცხლი მაშინ გაუხსნეს, როცა მეზობლებთან და ბიძაშვილთან ერთად ქუჩაში იდგა. როგორც ადგილობრივები „რეზონანსთან“ ყვებიან, 37 წლის თემურ აივაზიანი და მკვლელობის ბრალდებით დაკავებული პირი ერთმანეთს იცნობდნენ. მომხდარს კი ერთი კვირის წინ მათ შორის დაწყებული კონფლიქტი უძღოდა, თუმცა ზუსტად არავინ საუბრობს, თუ რა იყო ამ დაპირისპირების მიზეზი. 

თბილისში მომხდარი მკვლელობის ახალი დეტალები ხდება ცნობილი. ფიროსმანის მოედანზე ორმხრივი სროლის შედეგად მოკლულია 27 წლის ტატო ფირცხალაიშვილი, რომელსაც ყოფილმა მეგობარმა ჯერ მანქანა დააჯახა, შემდეგ სცემა და ბოლოს, 4 ტყვია ესროლა.

რუსთავის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და რუსთავში მომხდარი ოთხი ადამიანის მკვლელობის და ერთის მძიმედ დაჭრის  ფაქტზე ბრალდებული დამნაშავედ სცნო და სამუდამო პატიმრობა მიუსაჯა. საქმე ეხება რუსთავში მომხდან გახმაურებულ დანაშაულს, როდესაც სამსახურიდან დათხოვნილმა მამაკაცმა პირდაპირ ბაზარში მოკლა თავისი ყოფილი დამსაქმებელი, რომელიც ბიძად ეკუთვნოდა, და მასთან ერთად კიდევ 3 ადამიანი.

იტალიაში თავდასხმისა და ყაჩაღობის ბრალდებით საქართველოს 33 წლის მოქალაქე დააკავეს. ადგილობრივი მედიის ცნობით, დაკავებული 1991 წელს დაბადებული დათო ადეიშვილია. როგორც იტალიური მედია ამტკიცებს, ქართველი კაცი ადგილობრივ კრიმინლურ დაჯგუფებასთან ერთად მოქმედებდა. ისინი თავს ყოფილ დამსაქმებელს დაესხნენ და სასტიკად სცემეს ცოლ-შვილის თვალწინ. 

ძრაცვა ქუთაისში - უცნობმა პირმა მაღაზიიდან თანხა გაიტაცა. თვითმხილველების თქმით, ამ დრომდე დაუდგენელი პირი, თამარ მეფის ქუჩაზე, მაღაზია “ნიკორას” ფილიალში შეიჭრა და თანხა გაიტაცა. 

როგორც  ქსელური მარკეტის თანამშრომლები იხსენებენ, უცნობმა პირმა სალაროს თარო, სადაც თანხა იყო, მთლიანად მოგლიჯა და გაიქცა. წაღებული თანხა 220 ლარამდე შეადგენს. 

თურქული მედიის ინფორმაციით, ანტალიაში 16 წლის ქართველ გოგოზე მეზობელმა სექსუალურად იძალადა. როგორც მედია წერს, მოზარდი შშმ პირია, ძალადობაში ბრალდებული კი დაკავებულია.  

მედიის ცნობით, მეზობელი კაცი ქართველების ოჯახში ელექტროობის შესაკეთებლად იმყოფებოდა. კაცმა შეზღუდული შესაძლებლობის მქონე არასრულწლოვანი თავის სამუშაო სივრცეში წაიყვანა და იძალადა. მას შემდეგ, რაც მომხდარის შესახებ გოგონას ოჯახმა გაიგო, სამართალდამცველებს მიმართა. პოლიციამ გოგონა დაკითხა და მისი ჩვენების საფუძველზე მამაკაცი დააკავეს.