უპრეცედენტო თაღლითობის სქემა, რომელშიც არა ერთი მოქალაქე აღმოჩნდა მოტყუებული,  პროკურატურამ გაშიფრა. პროკურატურაში უკვე მრავალტომიანი საქმე დევს, სადაც თაღლითების მსხვერპლი არაერთი ადამიანი გახდა. ირკვევა, რომ კარგად ორგანიზებული თაღლითური სქემით, კრიმინალირმა დაჯგუფებამ ქვეყნის მასშტაბით ათობით ოჯახი დააზარალა. 

საბურთალოზე მომხდარი სისხლიანი ანგარიშსწორების ახალი დეტალები ხდება ცნობილი. როგორც ირკვევა, კონსერვატორიის სტუდენტი 23 წლის გიორგი საყურაშვილი შემთხვევით მოკლეს, რადგან ის ჩხუბის მონაწილეების გაშველებას ციდლობდა. როგორც საქმის მასალებიდან ირკვევა, გლდანელებს და საბურთალოელებს შორის დაწყებულ კრიმინალურ გარჩევაში მუსიკოსი არ მონაწილეობდა, ის ადგილზე შემთხვევით მოხვდა. ჩხუბის მონაწილე პირები იცნო და მათ გაშველებას ცდილობდა. სწორედ ამ დროს მას გულ-მკერდის არეში დანით ჭრილობები მიაყენეს.

სისხლიან გარჩევა ახალგაზრდებს შორის თბილისში, რომელიც მკვლელობით დასრულდა. 23 წლის გიორგი საყურაშვილს ღამის საათებში ცივი იარაღით რამდენიმე ჭრილობა მიაყენეს. სასწრაფომ ის კლინიკაში გადაიყვანა, თუმცა მედიკოსებმა მისი გადარჩენა ვერ შეძლეს. ტრეგიკული შემთხვევა სააკაძის მოედანთან, საბურთალოს ქუჩაზე მოხდა. როგორც ადგილობრივები ყვებიან, სისხლიან ანგარიშსწორებას წინ ხმაური უძღოდა. მათ დაინახეს, რომ რამდენიმე ახალგაზრდა ერთს ფიზიკურად უსწორდებოდა. მათი ვარაუდით, ბიჭს ჩასაფრება მოუწყვეს. 

ტაქსის მძღოლის მკვლელობის ბრალდებით დაკავებული 14 წლის გოგოს საქმე, შესაძლოა თავდაყირა დადგეს. ბრალდებული არასრულწლოვანის ადვოკატი ირწმუნება, რომ საქმის გამოძიება დარღვევებით მიდის. ასევე ჯერ კიდევ უცნობია მოტივი, რა გახდა ტაქსის მძღოლის მკვლელობის მიზეზი. პროკურატურა აცხადებს, რომ ეს იყო შურისძიება,  თუმცა დეტალებს არ ამხელს. 

დიდ დიღომში გვაინ ღამით ახალგაზრდა კაცი დაჭრეს. როგორც ირკვევა,  ურთიეთშელაპარაკების ნიადაგზე, მათ შორის ჯრ ფიზიკური, შემდეგ კი სისხლიანი ანგარიშსწორება მოხდა. კაცს ცეცხლსასროლი იარაღიდან ესროლეს. ის მძიმე მდგომარეობაში ადგილზევე მიატოვეს. თვითმხილველები ამბობენ, რომ დამნაშავესთან ერთად კიდევ ორი მამაკაცი იყო, რომლებიც ადგილდან მიიმალნენ. დაჭრილი ახალგაზრდა კი გამვლელებმა იპოვეს. სასწრაფო დახმარება გამოიძახეს და კაცი საავადმყოფოში გადაიყვანეს. ადგილზე პოლიცია მივიდა, რომელმაც სამივე მამაკაცი ცხელ კვალზე, რამდენიმე სააათიანი სამძებრო - საგამოძიებო ღონისძიებების შედეგად დააკავეს. 

სპეცოპერაცია კრიმინალური სამყაროს წინაღმდეგ - გურიაში მომხდარი კრიმინალური გარჩევის შესახებ ახალი დეტალები ხდება ცნობილი. შინაგან საქმეთა სამინისტროს გურიის პოლიციის დეპარტამენტისა და ოზურგეთის რაიონული პროკურატურის თანამშრომლებმა ერთობლივად ჩატარებული ოპერატიული ღონისძიებებისა და საგამოძიებო მოქმედებების შედეგად, მოსამართლის განჩინების საფუძველზე, თბილისში, ოზურგეთსა და ლანჩხუთში ქურდულ სამყაროსთან კავშირში მყოფი 5 პირი დააკავეს.

სიღნაღში, ქედელის დასახლებაში ბრმა ტყვიას 52 წლის კაცის სიცოცხლე ემსხვერპლა. არსებული ინფორმაციით, მეგობრები ფრინველებზე ნადირობდნენ, რა დროსაც ერთი მათგანი ასხლეტილი ტყვიით დაიჭრა და სასწრაფოს მოსვლამდე გარდაიცვალა. კაცს დაზიანებები გულმკერდის არეში ჰქონდა. როგორც ადგილობრივები ყვებიან, დაჭრილის გადარჩენას თავად მისი მეგობარი ცდილობდა, რომელმაც საბედისწერო გასროლა განახორციელა, თუმცა უშედეგოდ. 

რატომ დაბრუნდა საქართველოში „ნაციონალური მოძრაობის“ ერთ-ერთი ლიდერისა და ყოფილი დპუტატის, გივი თარგამაძის აფეთქებაში ბრალდებული პირი, რომელიც 8 წელი იძებნებოდა? დარჩო ხეჩუაშვილს  დაუსწრებლად, 18-წლიანი პატიმრობა აქვს მისჯილი. ძებნილი ქვეყანაში შემოსვლის დროს, საზღავრზე აიყვანეს.  

კესარია აბრამიძის მკვლელობისთვის დაკავებული 26 წლის ბექა ჯაიანი ამ ეტაზე დუმილის უფლებას იტოვებს და ბრალის წარდგენას ელოდება. მას უკვე შეხვდა ადვოკატი, რომლის განცხადებითაც, ეჭვმიტანილი დუმილის უფლებით სარგებლობს და ოფიციალურად ჩვენება არ მიუცია. ასევე არ საუბრობს ადვოკატი დაკავებულის პოზიციაზე და ამბობს, რომ ეს კონფიდენციალური ინფორმაციაა, რომილის გასაჯაროებას არ აპირებს. 

თვითმკვლელობა თუ უბედური შემთხვევა - რა გახდა კახეთში, დედოფლისწყაროში 38 წლის კაცის გარდაცვალების მიზეზი, ახლა ექსპერტიზამ უნდა დაადგინს. ახალგაზრდა კაცს, რომელიც მეგობრებთან რთველზე წავიდა, უკან არ დაბრუნებულა. ორდღიანი ძებნის შემდეგ კი ის სოფელ ქვემო ქედში ერთ-ერთი ადგილობრივის კუთვნილ ვენახში გარდაცვლილი იპოვეს.

30 წლის ფიქრია ტუგულაშვილის ახლობლები, რომელიც ქმარმა გურჯაანის რაიონის სოფელ ახაშენში მარიამობის დღეს მოკლა, მკვლელის უმკაცრესად დასჯას ითხოვენ. სასტიკი  დანაშაულის ირგვლივ ახალი დეტალები ხდება ცნობილი - მეზობლები ყვებიან იმ უმძიმეს სიტუაციაზე, რომელშიც მოკლული ქალი წლების განმავლობაში ცხოვრობდა, თუმცა ამ ყველაფერს ოჯახს უმალავდა და ცდილობდა ქმრის ეჭვიანობა დაეფარა. ქალი ამბობდა, რომ არ სურდა ბავშვების უმამოდ გაზრდა. 

ცხრაწლიანი ძებნის შემდეგ საქართველოში ექსტრადირებულია პირი, რომელმაც, გამოძიების ვერსიით, 9 წლის წინ ბიზნესმენი ბესიკ ხარძიანი მოკლა. წითელი ცირკულარით ძებნილი ფარიდ გურბანოვი თურქეთში დააკავეს. სამართალდამცავ უწყებებს იმედი აქვთ, რომ იგი დაკითხვისას დანაშაულის შემკვეთის ვინაობას დაასახელებს. გურბანოვს უვადო პატიმრობა დაუსწრებლად ჯერ კიდევ 2016 წელს მიუსაჯეს.