პოლიტიკური დაძაბულობა საქართველოში, ფაქტობრივად, დასრულდა. შესაბამისად, ამ მხრივ ეკონომიკას პრობლემები აღარ ელის. არეულობის გამო ქვეყნის განვითარება დიდად არც შეფერხებულა, მაგრამ ამის არაერთი მცდელობა იყო საქართველოში. ბოლოს ასეთი მცდელობა იყო ბიზნესის 15 იანვრის გაფიცვა, რომელიც უშედეგოდ დასრულდა. კომპანიების ნაწილმა პროტესტით და გაფიცვებით საკუთარი თავი დაიზარალა. 

მიმდინარე წლიდან მომხმარებელთა უფლებების დაცვის კუთხით ახალი ცვლილება ამოქმედდება. მალე ძალაში შევა გადაწყვეტილება, რომლის მიხედვითაც, მოვაჭრეები ვალდებულები იქნებიან ფასდაკლების დროს ნივთს ის ფასიც მიუთითონ, რაც ფასის დაკლებამდე ჰქონდა. უმეტესად სწორედ ეს პრონციპი ირღვევა სავაჭრო ობიექტებში, ამიტომ მისი დარეგულირდება აუცილებელი გახდა. ახლა საინტერესოა როგორ გაკონტროლდება შემოღებული ნორმა.

ახალი წლის დღეებში საერთაშორისო ბაზარზე ნედლი ნავთობი გაძვირდა. ფასის მატება განსაკუთრებით დიდი არ არის და როგორც ითქვა, ეს ამბავი საახალწლო სამზადისს და გადააადგილებს უკავშირდებოდა. სამომავლოდ კი ნავთობის ფასის სტაბილიზაცია და გაიაფებაა მოსალოდნელი, რაც დონალდ ტრამპის განცხადებიდან გამომდინარეობს. საინტერესოა, ამ მოვლენების პარალელურად რას უნდა ველოდოთ საქართველოში, სადაც ბოლო პერიოდში ლარის კურსი მერყევია.

სადისტრიბუციო ავტომობილებისთვის თბილისში 550 საპარკინგე ადგილი უნდა გამოყოფილიყო, მაგრამ, ამ დროისთვის, მისი ნახევარიც არ გაკეთებულა. კომპანიები მუდმივად საუბრობენ ჯარიმებაზე, რაც მათთვის პრობლემას წარმოადგენს და საქმე იქითკენ მიდის, რომ მალე პროდუქციის ფასშიც აისახება.

დონალდ ტრამპი ჯო ბაიდენის პოლიტიკას სრულიად ცვლის. მან უკვე რამდენიმე დოკუმენტს უკვე მოაწერა ხელი. ერთ-ერთი მათგანი საგარეო დახმარებების 90 დღით შეჩერებას გულისხმობს. საინტერესოა, რა სიგნალია აღნიშნული გადაწყვეტილება იმ ქვეყნებისთვის, რომელთაც აშშ ფინანსურად ეხმარება და იმ არასამთავრობო ორგანიზაციებისთვის, რომლებიც ამერიკული ფულით იკვებებიან. 

უმაღლეს სასწავლებლებში ცვლილებების ახალი ეტაპი იწყება. პირველ რიგში, ეს შეეხება საუნივერსიტეტო რეფორმას, რომელმაც თვისობრივად უნდა შეცვალოს განათლების სისტემა ქვეყანაში და პრიორიტეტები გადააწყოს. საუნივერსიტეტო რეფორმაზე  სამთავრობო კომისია, პრემიერ-მინისტრის ხელმძღვანელობით იმუშავებს. სპეციალისტები იმედოვნებენ, რომ მთავარი აქცენტი პროფესიულ დარგებზე გაკეთდება, რომ შრომის ბაზარს საჭირო კადრები სწორედ უნივერსიტეტმა მიაწოდოს, რა მხრივაც საგანგაშო მდგომარეობაა ქვეყანაში. 

ტრამპის მმართველობის პერიოდში აშშ-საქართველოს ეკონომიკურ ურთიერთობებში ცვლილებები ნაკლებად მოსალოდნელია. ქართველი ეკონომისტები ღიად აცხადებენ, რომ ქვეყნებს შორის ბოლო პერიოდში, მდგომარეობა გაუარესებულია და მისი აღდგენის ალბათობა ჯერჯერობით მცირეა. ახლა მთელი ყურადღება აშშ-კენ არის მიმართული, სადაც ახალი პრეზიდენტის ინაუგურაცია ჩატარდა. საქართველოსთვის ეს პროცესები საყურადღეობა იმ მხრივ, როგორ შეიცვლება მისი პრეზიდენტობის პერიოდში გლობალური ეკონომიკური პოლიტიკა და  როგორ აისახება  საქართველოზე.

არჩევნებიდან მოყოლებული ქვეყანაში არსებული დაძაბული პოლიტიკური პროცესების მიუხედავად ეკონომიკა წინსვლას მაინც ახერხებს. ლარის კურსის შენარჩუნებაც მეტნაკლებად ხდება, თუმცა თუ მდგომარეობა არ დარეგულირდა, სფეროს სპეციალისტები მიიჩნევენ, რომ კრიზისი გარდაუვალი გახდება და ვერც ეროვნული ვალუტა შეძლებს კურსის შენარჩუნებას. ზოგადად, იანვრის ბოლო და თებერვალი ლარი გამყარებისკენ მიდრეკილია, მაგრამ შექმნილი პოლიტიკური ვითარებიდან გამომდინარე რა მოხდება წელს, ამის პროგნოზირება სპეციალისტებისთვის რთული აღმოჩნდა.

ქართული საავტომობილო ბაზარი კვლავ პრობლემების წინაშეა. ავტოდილერები ვერ პროგნოზირებენ თუ რა მდგომარეობა ექნება სფეროს იმპორტისა და რეექსპორტის კუთხით. არსებობს ალბათობა, რომ უახლოეს მომავალში რეექსპორტის მიმართულებას ყაზახეთი გამოაკლდეს, რაც 2025 წლისთვის ჩვენი ავტოიმპორტიორებისთვის დიდი დანაკარგი იქნება. შექმნილი ვითარებიდან გამომდინარე ავტოდილერთა ნაწილი იმედიანად არ არის განწყობილი, ნაწილი კი მიიჩნევს, რომ სფეროში მდგომარეობა სტაბილურია.

ბოლო წლებში საქართველოს ეკონომიკის ზრდის ტემპი დამაჯერებელია. პანდემიის დასრულების შემდეგ აღებულ გეზს რთულმა პოლიტიკურმა თვეებმა ვერაფერი დააკლო და ქვეყნის ეკონომიკა სწრაფ განვითარებას განაგრძობს. როგორია მოლოდნი 2025 წლისთვის? ეკონომისტთა ნაწილი ფიქრობს, რომ ეკონომიკური ზრდა არ შეფერხდება, მიუხედავად იმისა, რომ საქართველოში პოლიტიკური არეულობა არ დასრულებულა. 

შუა დერეფნით გადაზიდული ტვირთების რაოდენობა იზრდება. სპეციალისტები ფიქრობენ, რომ ჩინეთიდან გადაზიდვაზე მოთხოვნის ზრდა 2025  წელსაც მოსალოდნელია, რაზეც მხარეებს შორის მოლაპარაკება მიმდინარეობს. კონკრეტულად რა შეიძლება შეიცვალოს ან ბოლო პერიოდში მოცემულობა გამოიკვეთა,  ექსპერტებს  საუბარი უჭირთ, თუმცა დიდ იმედს ამყარებენ შუა აზიის დერეფანსა და კონკრეტულად ჩინეთზე, რომელმაც  ბოლო დროს საქართველოსთან სავაჭრო-ეკონომიკური კავშირი საგრძნობლად გაამყარა.

საქართველში უცხოეთის მოქალაქეების მიმართ უძრავი ქონებით დაინტერესება ძალიან დიდია. რუსეთ-უკრაინის ომის შემდეგ ეს ტენდენცია გაიზარდა და შეიძლება ითქვას, რომ უკვე საგანგაშო ნიშნულს მიაღწია. ეს კი ისედაც რთულ დემოგრაფიულ პირობებში, სიტუციას კიდევ უფრო მეტად ამძიმებს. სპეცალისტები ფიქრობენ, რომ გარკვეული სახის ზომებია მისაღები, რათა უცხოელებს საქართველოში უძრავი ქონების შეძენა შეეზღუდოთ.