პრეზიდენტმა სალომე ზურაბიშვილმა პირობა შეასრულა და საარჩევნო ცვლილებებს ვეტო დაადო. მისი მოტივირებული შენიშვნები უკვე პარლამენტშია, თუმცა მმართველი პარტია ახლა ვეტოს დასაძლევად ემზადება და აცხადებენ, რომ ეს მათთვის პრობლემას არ წარმოადგენს. 

ნიკა მელიამ პარტიის შექმნამდე საარჩევნო ნომერი დაასახელა. როგორც იგი სოციალურ ქსელში წერს, მისი გუნდი არჩევნებზე „#4"-ით წარდგება. რაც შეეხება თავად გუნდის შემადგენლობას, არსებული ინფორმაციით, შესაძლოა შედგეს მელიას გაერთიანება „ლელოსთან" და „მთავარი ახრის" დამფუძნებელ ნიკა გვარამიას ასევე ახალ პარტიასთან. ანალიტიკოსი ვახტანგ ძაბირაძე მიიჩნევს, რომ ნებისმიერ შემთხვევაში შედგება ასეთი გაერთიანება, თუ მელია დამოუკიდებლად გავა არჩევნებზე - ე.წ შუაშისტ ამომრჩეველზე მუშაობა მისი მხრიდან არ იქნება სწორი გადაწყვეტილება.

ჯანდაცვის მინისტრის პოსტიდან ზურაბ აზარაშვილის გათავისუფლება კვლავ პოლიტიკური განხილვის საგანია. უკვე ყოფილმა მინისტრმა თავის გადადგომასთან დაკავშირებით სოციალურ ქსელში საგანგებო პოსტი გამოაქვეყნა, სადაც „მძლავრი დაჯგუფების ბიზნეს ინტერესებზე" საუბრობს. ამას პრემიერ ირაკლი კობახიძის პასუხი მოჰყვა, რომ „როდესაც ჯანდაცვის სექტორი იზრდება, რისკებიც ჩნდება". ოპოზიცია კი აცხადებს, რომ ეს პროცესი „კლანებს შორს ფინანსების, გავლენებისა და თანამდებობების განაწილებაა".

ორშაბათს ავიაკომპანია „ვიზეარის“ მემინგენი-ქუთაისის რეისი რუმინეთში ავარიულად შემდეგ  დაეშვა. მიზეზი ის იყო, რომ ბორტზე ქართველ და რუს მგზავრს შორის სიტყვიერი კონფლიქტი ფიზიკურ დაპირისპირებამდე მივიდა. მგზავრები „რეზონანსს“ უყვებიან, რომ დაპირისპირების მიზეზი, ნასვამ მდგომარეობაში მყოფი რუსი მგზავრის მხრიდან გვერდით მჯდომი ქართველი გოგონას შევიწროვება გახდა.  

ექსპრეზიდენტ მიხეილ სააკაშვილის გათავისუფლების მითხოვნით ხელმოწერების კამპანია გრძელდება და როგორც სააკაშვილის პირადმა წარმომადგენელმა სოფო ჯაფარიძემ თქვა, პრეზიდენტ სალომე ზურაბიშვილს ამ ხელმოწერებს სამშაბათს წარუდგენენ. ენმ-ს წარმომადგენლების მტკიცებით, მესამე პრეზიდენტის გათავისუფლებას ასიათასობით ადამიანი ითხოვს, თუმცა, ანალიტიკოსებთ ეეჭვებათ, რომ მხოლოდ ამის საფუძველზე შეცვალოს გადაწყვეტილება ზურაბიშვილმა.

ოპოზიციონერი ლიდერები, „ქართული ოცნება" და დასავლელი დიპლომატები არ გამორიცხავენ, რომ რუსეთი 2024 წლის საპარლამენტო არჩევნებში ჩაერიოს. პოლიტიკურ მხარეებს განსხვავებული პროგნოზები აქვთ - ოპოზიციას მიაჩნია, რომ რუსეთს საქართველოში ხელისუფლების ცვლილება არ აწყობს, ამიტომაც „ფარული ჩარევა არ სჭირდება". მმართველი პარტიის მტკიცებით კი, „არავინ იცის მოსკოვი ვის სასარგებლოდ ჩაერევა" და რა პოლიტიკას განსაზღვრავს.

იგეგმება თუ არა მთავრობაში ახალი საკადრო ცვლილებები? ჯანდაცვის მინისტრის გადადგომის შემდეგ, მედიაში გავრცელებული დაუდასტურებელი ინფორმაციით, შეიძლება იგივე ბედი ეწიოს საგარეო საქმეთა და იუსტიციის მინისტრებს. ანალიტიკოსთა შეფასებით, საკადრო ცვლილებები ლოგიკურიცაა, რადგან ახალი პრემიერი ირაკლი კობახიძე საპარლამენტო არჩევნების წინ ეცდება შემოიკრიბოს ისეთი გუნდი, რომლის მიმართაც საზოგადოებას ნაკლები კითხვა და პრეტენზია ექნება.

თუ პუტინი უკრაინაში წარმატებას მიაღწევს, მისი შემდეგი სამიზნე საქართველო იქნება - ამის შესახებ აშშ-ის ყოფილი მაღალჩინოსანი ლეო პალეტა საუბრობს. ანალიტიკოსთა შეფასებით, ის, რომ ომის შესაძლო შედეგებზე უკვე არის მსჯელობა ნატოს ქვეყნებში, დასავლური ჯარის უკრაინაში შესაძლო განთავზებაზე საფრანგეთის პრეზიდენტის ემანუელ მაკრონის განცხადებაც ნათლად ადასტურებს.

პრემიერმა ირაკლი კობახიძემ მთავრობაში ცვლილებების  მეორე სერია დაიწყო. ჯანდაცვის მინისტრმა ზურაბ აზარაშვილმა თანამდებობა დატოვა - ღარიბაშვილის ერთგული კადრად მიჩნეული აზარაშვილი პოსტიდან დილით გაუშვეს. ანალიტიკოსი ვახტანგ ძაბირაძე ამაზე „რეზონანსთან“ ამბობს, რომ აზარაშვილის გადაყენება წინასაარჩევნო სიტუაციასთანაა დაკავშირებული - პრობლემურ მინისტრებს თავიდან იშორებენ . მისი თქმით, ჯანდაცვის მინისტრის მიმართ დაწყებული უკმაყოფილება ახალი არ არის და ეს უკვე დიდი  ხანია გრძელდება. 

„ნაცმოძრაობა" 20%-ს ძალიან დიდი ხანია ჩამოცილებულია. ვერც ერთი სხვა პარტია დღევანდელი მოცემულობით 5%-იანი ბარიერის გადალახვას ვერ ახერხებს. ჩვენი მხარდაჭერა დღეს 60%-მდეა, „ნაცმოძრაობის" ხელისუფლებაში დაბრუნება სალომე ზურაბიშვილის აუხდენელ ოცნებად რჩება - ამის შესახებ პრემიერ მინისტრმა ირაკლი კობახიძემ განაცხადა. მისი თქმით, „ქართული ოცნების" რეიტინგის ფონზე, კოალიციური მთავრობა პრაქტიკულად გამორიცხულია.

„ოცნება" ამზადებს საკანონდებლო ინიციატივას, რომელიც უმრავლესობის თქმით, „საზოგადოებას ფსევდოლიბერალური იდეოლოგიისგან და მისი გარდაუვალი მავნე შედეგებისგან დაიცავს". პარტიის აღმასრულებელი მდივნის მამუკა მდინარაძის თქმით, შესაძლოა ქვეყანა ისეთი რეალობის წინაშე აღმოჩდეს, როდესაც "მოგვთხოვენ ე.წ. სამოქალაქო პარტნიორობის დაკანონებას". ოპოზიციის შეფასებით, ესაა გამოგონილი საფრთხეები და მსგავი თემების პერიოდული განახლება „რუსული პროპაგანდის ნაწილია".

მას შემდეგ, რაც დასავლეთმა ოჩამჩირეში რუსული სამხედრო პორტის აშენებასთან დაკავშირებით კრემლის ინიციატივა დაგმო, დე ფაქტო რეჟიმმაც და რუსულმა მხარემაც ამაზე დუმილი ამჯობინეს და სიახლეები ამ საკითზე არც რუსული და არც აფხაზური მედიიდან აღარ ისმის.