ია აბულაშვილი
22.11.2020

„კონსტიტუციის დებულებები წაკითხული უნდა იქნას კონსტიტუციის სხვა ნორმებთან ერთობლიობაში და კონსტიტუციის პრინციპებზე დაყრდნობით. კონსტიტუცია არ უარყოფს საყოველთაოდ აღიარებულ უფლებებს, მათ შორის თანამდებობაზე ყოფნაზე უარის თქმას“, - ასე ეხმაურება კონსტიტუციონალისტი ვახტანგ ხმალაძე  „ოცნების“ ერთ-ერთი ლიდერის ირაკლი კობახიძის განცხადებას, რომ კონსტიტუციის თანახმად, პარლამენტს შეუძლია კენჭისყრაზე არ დააყენოს პარლამენტარების უფლებამოსილების შეწყვეტის საკითხი და შესაბამისად, ოპოზიციის წარმომადგენლები, რომლებიც პარლამენტში შესვლაზე უარს აცხადებენ, ფორმალურად პარლამენტის წევრებად დარჩებიან ად პარლამენტიც, ფორმალურად მაინც, არ იქნება ერთპარტიული.

თამთა ჩაჩანიძე
22.11.2020

ცესკომ საპარლამენტო არჩევნების მეორე ტურში ყველა საარჩევნო უბანზე ხმები უკვე დათვალა, რის შედეგადაც წინასწარი მონაცემებით, 17-ივე ოლქში „ქართულმა ოცმებამ" გაიმარჯვა, ამ შედეგების თანახმად კი პარლამეტში „ქართული ოცნება- დემოკრატიული საქართველო" 90 მანდატი აქვს, „ერთიანი ნაციონალური მოძრაობა - ძალა ერთობაშიას" - 36, „ევროპულ საქართველოს" - 5, 4-4 მანდატი ერგოთ „სტრატეგია აღმაშენებელს", „ლელო საქართველოსთვის", „პატრიოტთა ალიანსსა" და „გირჩს", ალეკო ელისაშვილის „მოქალაქეებს" - 2, ხოლო „ლეიბრისტულ პარტიას" - 1.

ელზა პაპოშვილი
21.11.2020

საქართველოში შექმნილი პოლიტიკური კრიზისის პარალელურად, აშშ-ის ახალი ადამინისტრაციის მიმართ კიდევ უფრო მეტი ინტერესი ჩნდება. ახალი პრზიდენტი ჯო ბაიდენი 20 იანვრიდან გადაიბარებს, მანამდე კი აქტიურად მიმდინარეობს მისი ადმინისტრაციის დაკომპლექტება. შაბათს გარკვა, რომ ახალი სახელმწიფო მდივანი ტონი ბლინკენი იქნება, რომელიც კარგად იცნობს საქართველოს, თბილისში ორჯერ არის ნამყოფი და 2009 წელს საქართველოში შექმნილი პოლიტიკური კრიზისის მოგვარების პროცესშიც იყო ჩართული.

მარიკა ხორავა
21.11.2020

2020 წლის 19 ნოემბერს, გამოქვეყნდა ევროპული სასამართლოს გადაწყვეტილება 2008 წელს ბათუმში მოკლული სერჟანტის, როინ შავაძის საქმეზე. ევროსასამართლომ სიცოცხლის უფლების დარღვევა დაადგინა. ადამიანის უფლებათა ევროპულმა სასამართლომ საქართველოს მთავრობას ასევე დააკისრა მომჩივნის სასარგებლოდ 40 000 ევროს გადახდა მორალური ზიანის ანაზღაურების სახით.

მარიკა ხორავა
21.11.2020

„ქართული ოცნების" მხრიდან ჩვენ ადეკვატური შემოთავაზება უნდა მივიღოთ, რომელიც ხალხს დააკმაყოფილებს - ასე აფასებს „რეზონანსთან" „სტრატეგია აღმაშანებელის" ლიდერი გიორგი ვაშაძე ირაკლი კობახიძისა და მამუკა მდინარაძის განცხადებებს, მოლაპარაკების მესამე რაუნდის შესახებ.

მარიკა ხორავა
21.11.2020

მმართველი პარტიისა და ოპოზიციის მოლაპარაკების მესამე რაუნდი, რომელიც სავარაუდოდ უახლოეს დღეებში შედგება, შესაძლოა გადამწყვეტი აღმოჩნდეს და მოინახოს შეთანხმების ისეთი ფორმულა, რომელიც ახლანდელ კრიზისს დაასრულებს. ამაზე მინიშნება შაბათს „ქართული ოცნების" ერთ-ერთმა ლიდერმა ირაკლი კობახიძემ გააკეთა. იგი შესაძლო შეთანხმების დეტალებს არ აკონკრეტებს, თუმცა აცხადებს, რომ ეს იქნება არა რაიმე დათმობა ხელისუფლებისა და ოპოზიციის მხრიდან, არამედ მათ მიერ ერთობლივად გადადგმული ნაბიჯები.

მარიკა ხორავა
21.11.2020

მმართველი პარტიისა და ოპოზიციის მოლაპარაკებების მესამე რაუნდის წინ, ფასილიტატორი ელჩები ოპოზიციის წარმომადგენლებთან ინდივიდუალურ შეხვედრებს მართავენ. რა შეიძლება იყოს „რაღაც საშუალო" ხელისუფლებისა და ოპოზიციის მოთხოვნებს შორის? ანალიტიკოსი რამაზ საყვარელიძეს „რეზონანსთან" საუბრისას აცხადებს, რომ სავარაუდოდ რაღაც გადაწყვეტილება უკვე მომწიფებულია.

მარიკა ხორავა
20.11.2020

გერმანიის ელჩი საქართველოში ჰუბერტ ქნირში აცხადებს, რომ საქართველოს დასაკარგი დრო არ აქვს - ახლა ყველამ უნდა იმუშაოს იმისთვის, რომ ქვეყანაში სიტუაცია უკეთესი გახდეს და ქვეყანა გამოწვევებს გაუმკლავდეს. ეს აღქმული იყო, როგორც ოპოზიციის ბოიკოტის კრიტიკა, ამიტომ ოპოზიციაში გაღიზიანება გამოიწვია. შარშანდელისგან განსხვავებით, როცა „ნაციონალური მოძრაობის" ლიდერები ელჩს უმძიმეს ბრალდებებს უყენებდნენ, ახლა ეს პარტია უფრო თავშეკავებული იყო. თუმცა ეს ბრალდებები გაიმეორა შალვა ნათელაშვილმა.

ელზა პაპოშვილი
20.11.2020

„ერთპარტიული პარლამენტის მიღება ყველას წარუმატებლობას ნიშნავს და ვინც სხვანაირად გეტყვით, გატყუებთ. „ქართული ოცნება“ დაზიანდება ერთპარტიული პარლამენტით-მაგრამ დიდი ალბათობით, არც თუ ისე, რომ ხელისუფლების შენარჩუნება 2021 წლის ადგილობრივ არჩევნებამდე ვერ მოახერხოს“ - „ნაციონალური მოძრაობის“ წევრი სალომე სამადაშვილის ამ განცხადებას ფეისბუქზე დიდი გამოხმაურება მოჰყვა. 

ქრისტინე კაპანაძე
20.11.2020

 ოპოზიციის პარლამენტში არშესვლა ხალხის დაკვეთა არ არის, ეს მათი პირადი სურვილია. ისინი ელოდებიან თუ როდის ალაპარაკდებიან ჩვენი უცხოელი პარტნიორები ერთპარტიული პარლამენტის უარყოფით მხარეებზე, თუმცა ამ შემთხვევაშიც ხელისუფლებას ექნება არგუმენტი, რომ ისინი ცდილობდნენ მოლაპარაკებების გზით ოპოზიციის პარლამენტში შეყვანას - აცხადებს „რეზონანსთან" პოლიტოლოგი რამაზ საყვარელიძე.

მარიკა ხორავა
20.11.2020

„ქართული ოცნების" აღმასრულებელი მდივნის კახა კალაძის განცხადებით, ე.წ. სირცხვილის დერეფნების გაუქმებასთან დაკავშირებით ოპოზიციის გადაწყვეტილება სწორია. თბილისის მერმა აღნიშნა, რომ იმ ამომრჩეველზე ზეწოლა არ უნდა მოხდეს, რომელსაც არჩევნებში მონაწილეობა სურს.

თამთა ჩაჩანიძე
20.11.2020

წერეთლის გამზირზე მიკროსაფინანსო ორგანიზაცია „ემბისის" შენობასთან პოლიციაა მობილიზებული, როგორც საპატრულო პოლიციიის დეპარტამენტის ხელმძღვანელმა ვაჟა სირაძემ მედიასთან აღნიშნა, შენობაში ერთი თავდამსხმელი და ცხრა მძევალია, მან მედიასაშუალებებს მოუწოდა, რომ პირდაპირი ჩართვებისგან უსაფრთხოების მიზნით თავი შეიკავონ.


Copyright © 2006-2020 by Resonance ltd. . All rights reserved
×