პარტიამ „გახარია - საქართველოსთვის" 26 ივნისს პარლამენტში მომხდარ მასობრივ ჩხუბზე პროკურატურაში საჩივარი უკვე შეიტანა. დანაშაულის ჩადენის კონკრეტულ მუხლსაც ასახელებენ და ითხოვენ, ხელისუფლების წარმადგენლების დასჯას. პარლამენტის სხომაზე დეპუტატების ფიზიკური დაპირისპირების გამო გამოძების დაწყების პრეცედენტი საქართველოში ჯერ არ ყოფილა, თუმცა, როგორც იურისტი ლია მუხაშავრია „რეზონანსთან" ამბობს, პროკურატურას საქმის აღძვრისა და გამოძიების დაწყების უფლება ნებისმიერ შემთხვევაში აქვს.

გერმანიის ელჩმა საქართველოში პიტერ ფიშერმა დიპლომატიური მისია დაასრულა და საქართველოს დაემშვიდობა. „ქართული ოცნების" ლიდერები ფიშერს კვლავ მიკერძოებულობასა და საქართველოს შიდა პოლიტიკაში ჩარევაში ადანაშაულებენ. ოპოზიცია კი აცხადებს, რომ ელჩი საქართველოს ევროპული ინტეგრაციისა და დემოკრატიული პროცესების ერთ-ერთი ყველაზე აქტიური მხარდამჭერი იყო.

პრეზიდენტ მიხეილ ყაველაშვილის ირანის ყოფილი სულიერი ლიდერის აიათოლა ალი ხამენეის დაკრძალვაზე დასწრების გადაწყვეტილებამ მწვავე პოლიტიკური დისკუსია გამოიწვია. მთავარი საკითხი ისაა, თუ როგორ აისახება ეს საქართველოს ხელისუფლების მხრიდან აშშ-სთან ურთიერთობის გადატვირთვის მცდელობაზე. ანალიტიკოსთა უმრავლესობის აზრით, იმ ფონზე, როდესაც თავად აშშ ცდილობს ირანთან ურთიერთობის დალაგებას, ყაველაშვილის ვიზიტი ოფიციალური ვაშინგტონის მხრიდან ანტიამერიკულ ნაბიჯად არ იქნება აღქმული.

ენმ-ის მოქმედ თავმჯდომარეს, თინა ბოკუჩავას უფლებამოსილების ვადა ერთ კვირაში უმთავრდება, თუმცა ამ დრომდე არც ყრილობის ზუსტი თარიღია ცნობილი და არც თავმჯდომარეობის კანდიდატთა ვინაობა. ამის ფონზე „ნაცმოძრაობა" შიდა რეფორმაზე დაიწყო საუბარი, რომელიც მართვის დეცენტრალიზაციასა და საწევრო გადასახადების შემოღებას გულისხმობს და ესეც, შესაძლოა, სწორედ მომავალი თავმჯდომარის კანდიდატურას უკავშირდებოდეს.

ორშაბათს მრავალსაათიანი მოლაპარაკებების შემდეგ გადაწყდა, რომ „დროას" ლიდერ ელენე ხოშტარიას საპატიმროდან მრავალპროფილურ კლინიკა „ვივამედში" გადაიყვანენ. ეს გადაწყვეტილება ჟურნალისტებს პენიტენციური სამსახურის დირექტორმა გიორგი პატარიძემ აცნობა და განაცხადა, რომ ხოშტარიას ეტაპირება ორი დღის განმავლობაში მოხდება.

საქართველოს ახალი სტრატეგიული პარტნიორი ჰყავს - ყაზახეთი. ეს გადაწყვეტილება წინასწარ არ იყო დაანონსებული და გარკვეული თვალსაზრისით, მოულოდნელი აღმოჩნდა. შესაბამის ერთობლივ დეკლარაციას ორშაბათს ასტანაში მოაწერეს ხელი საქართველოს პრემიერ-მინისტრმა ირაკლი კობახიძემ და ყაზახეთის პრეზიდენტმა კასიმ-ჟომარტ ტოკაევმა. აღნიშნული პარტნიორობა მიზნად ისახავს ურთიერთსასარგებლო კავშირების გაძლიერებას, სავაჭრო-ეკონომიკური ურთიერთობების გაფართოებასა და საერთო ინტერესების დაცვას საერთაშორისო ასპარეზზე.

ექსპრეზიდენტი მიხეილ სააკაშვილი, ოპოზიციონერების კრიტიკის შემდეგ, ყოფილ პრეზიდენტ სალომე ზურაბიშვილს დაუპირისპირდა. მისი შეფასებით, ოპოზიციამ შეცდომა დაუშვა, როდესაც თავის დროზე ზურაბიშვილი ერთადერ ლეგიტიმურ ხელისუფლების ორგანოდ გამოაცხადა. გარდა ამისა, სააკაშვილი წერს, რომ ზურაბიშვილი საქართველოს ისტორიაში „ყველაზე უარესი საგარეო მინისტრი" იყო და ამ მოსაზრების გასამყარებლად კონკრეტულ ფაქტებსაც ასახელებს.

ზუსტად ერთი თვეა, რაც სიძულვილის ენის წინააღმდეგ ბრძოლის სამმართველო ფუნქციონირებს. ამ პერიოდში უკვე რამდენიმე ათეული საქმეა სასამართლოში გადაგზავნილი, მათ შორის რამდენიმე გახმაურებული. სანქციები შეეხო როგორც ხელისუფლების წარმომადგენლების, ისე „ქართული ოცნების" ოპონენტების მიმართ შეურაცხმყოფელი პოსტების ავტორებს. შემცირდა თუ არა სიძულვილის ენა და გაამრთლა თუ არა სამმართველოს შექმნამ?

ოპოზიციურ პოლიტიკურ ველზე ახალი გაერთიანებების ფორმირების პროცესი აქტიურდება. 28 ივნისს ბიძინა ივანიშვილის ყოფილმა ადვოკატმა ვიქტორ ყიფიანმა ოფიციალურად დააფუძნა პარტია „ჯერ საქართველო". ამის პარალელურად კი სხვადასხვა პარტიებიდან წამოსული პოლიტიკოსების ერთმა ჯგუფმა ახალი პოლიტიკური გუნდის შექმნის შესახებ განაცხადა.

დუბროვნიკის ფორუმში საგარეო საქმეთა მინისტრის, მაკა ბოჭორიშვილის მონაწილეობის ერთ-ერთი მიზანი ეუთოს თავმჯდომარე ქვეყნად საქართველოს არჩევისათვის გაერთიანების სხვა წევრების მხარდაჭერის მოპოვებაა. ანალიტიკოსთა უმრავლესობა ამ წამოწყებას სკეპტიკურად უყურებს, მითუმეტეს იმ ფონზე, როდესაც საქართველოს-დასავლეთის ურთიერთობა მკვეთრადაა გაუარესებული, ხოლო ეუთომ საქართველოს წინააღმდეგ „მოსკოვის მექანიზმი" აამოქმედა.

ქართველი სამხედროები ღაზის სექტორში, შესაძლოა, მშვიდობისმყოფელების სტატუსით გაემგზავრონ. ებრაული მედიის ამ ინფორმაციას ოფიციალური თბილისი მესამე დღეა დუმილით ხვდება. ეს ცნობა ამ დრომდე ოფიციალურად ასევე არ დაუდასტურებია კონფლიქტში მონაწილე არცერთ მხარეს. ანალიტიკოს ვახტანგ მაისაიას შეფასებით, სიტუაცია გაურკვეველია და რთულია იმაზე საუბარი, თუ რამდენად გამართლებული იქნება ამ საშვიდობო მისიაში საქართველოს მონაწილეობა.

პარლამენტის საგაზაფხულო სესიის ბოლო დღე ხელჩართული ჩხუბით დასრულდა და ეს იყო ერთ-ერთი ყველაზე მასშტაბური ფიზიკური დაპირისპირება საქართველოს ისტორიაში. 26 ივნისს პრემიერი ირაკლი კობახიძე პარლამენტში ყოველწლიური ანგარიშით წარსდა. ჩხუბი მისი გამოსვლის შემდეგ დაიწყო, როდესაც ტრიბუნასთან პარტიის „გახარია - საქართველოსთვის" ერთ-ერთი ლიდერი გიორგი შარაშიძე იდგა.