19 ნოემბერს, 20 წლის მათე დევიძის დაპატიმრებიდან ერთი წლის თავზე, სოლიდარობის მარში გაიმართა, სადაც პოლიციამ 13 ადამიანი დააკავა. შსს მათ კანონის დაუმორჩილებლობასა და პოლიციელების შეუარაცხყოფაში ადანაშაულებს. თავად ბრალდებულების ადვოკატები ამბობენ, რომ პირიქით, პოლიციელები აგინებდნენ მონაწილეებს და ძალით სვამდნენ მანქანებში.

ადამიანის უფლებათა დაცვის საკითხებზე საქართველო-ევროკავშირის დიალოგის შეხვედრა ევროკავშირის გადაწყვეტილებით გადაიდო. მმართველ პარტიაში ამბობენ, რომ „სრულიად მიუღებელი და გაუმართლებელი საბაბით" მოხდა. ოპოზოციაში კი შეხვედრის ჩაშლას ქართულ დელეგაციაში ისეთი ჩინოვნიკების ყოფნასას უკავშირებს, რომლებსაც დასავლეთი ადამიანის უფლებათა დარღვევაში ადანაშაულებს და მათთვის რამდენიმე დასავლურ სახელმწიფოს პერსონალური სანქციები აქვს დაწესებული.

განათლების სამინისტროში მასწავლებლების კარიერული წინსვლის სქემასთან დაკავშირებით რამდენიმე დღეა პედაგოგებთან შეხვედრები დაიწყო, რის შესახებაც თავად სამინისტრომ გაავრცელა განაცხადებაა, სადაც ნათქვამია, რომ ჯერჯერობით 200-მდე პედაგოგს შეხვდნენ. მასწავლებელთა სტატუსები ისევ ძალაშია, თუმცა, განათლების სფეროს სხვა წარმომადგენლებისთვის ჯერჯერობით უცნობია, რა ახალი მექანიზმი შემუშავდება ამ მიმართულებით.

ოპოზიციაში, მათ შორის გახარიას პარტიაშიც მიაჩნიათ, რომ „ქართული ოცნება" ვადამდელი საპარლამენტო არჩევნებისთვის ემზადება. მმართველი პარტიის ოპონენტების თქმით, ამაზე მიანიშნებს ის ბოლოდროინდელი პოლიტიკა, რასაც ხელისუფლება ატარებს და ამისთვის ოპოზიცია მზად უნდა იყოს. ანალიტიკოსი გია აბაშიძე გვეუბნება, რომ „ოცნება" პროცესს ჩვეულებრივ მიუყვება და არაფერი მიუთითებს ვადამდელისთვის მზადებაზე. ამასთან, დასძენს, რომ ოპოზიცია ვადამდელი არჩევნებისთვის მზად ისედაც არაა.

ენმ-ს თავმჯდომარე, თინა ბოკუჩავა ამბობს, რომ ეუთო-ს საპარლამენტო ასამბლეაზე საქართველოს შესახებ კრიტიკული რეზოლუცია მიიღეს. ამას მმართველ პარტიაში სიცრუეს უწოდებენ და აღნიშნავენ, რომ „გავრცელებული ინფორმაცია არც სხდომაზე გაჟღერებულა და არც ეუთო-ს ოფიციალურ გვერდებზე არ მოიძებნება". ანალიტიკოსები თანხმდებიან, რომ რეზოლუციაში, თუ საერთოდ არსებობს, „ოცნება" მკვეთრად იქნება გაკრიტიკებული.

საქართველოს ხელისუფლებას ამერიკასთან კვლავ სუფთა ფურცლიდან უნდა ურთიერთობის დაწყება „კონკრეტული გზამკლევით". ვაშინგტონი ამ განცხადებებს ისევ დუმილით პასუხობს და ჯერჯერობით კვლავ უცნობია, კონკრეტულად რას გადაწყვეტს ტრაპის ადმინისტრაცია, სანამ „ოცნება" „სტრატეგიული მოთმინების" რეჟიმშია.

კომპანია „იგლ ჰილსის" მიერ საქართველოში დაგეგმილ პროექტებთან დაკავშირებით ხელისუფლებას, ერთის მხრივ, პროდასავლური ოპოზიცია უპირისპირდება და ამ პროტესტს ახლა უკვე კონსერვატიული პოლიტიკური ძალებიც უერთდებიან. უკვე დაანონსდა მათი აქციები ე.წ. არაბიზაციის წინააღმდეგ. მმართველ პარტიაში ამბობენ, რომ არაბული დეველოპერი უახლოეს თვეებში დაიწყებს პროექტების განხორციელებას, თუმცა გაფორმებულ ხელშეკრულებას არ ასაჯაროებს და ანალიტიკოსთა ნაწილის აზრით, სწორედ ეს გახდა დაპირისპირების მთავარი მიზეზი.

„ოცნება" ყოფილ სამხრეთ ოსეთის ავტონომიური ოლქის ადმინისტრაციას აუქმებს. შესაბამისი საკანონმდებლო ცვლილებები პარლამენტში უკვე ინიცირებულია. მმართველ პარტიაში მიაჩნიათ, რომ ეს ადმინისტრაცია გავლენას არაფერზე ახდენდა და პირიქით, რუსული აგრესიის ხელშემწყობი გარემოებაც კი იყო.

მმართველი პარტია, დასავლეთისათვის მიუღებელი საკანონმდებლო ცვლილებების განხორციელების შემდეგ, უკვე იმ სახელმწიფო ინსტიტუტების გაუქმებას იწყებს, რომელთა შექმნაც, მათივე შეფასებით, თავის დროზე სწორედ დასავლეთიდან „მოახვიეს თავს" საქართველოს ხელისუფლებას. თუმცა, ჯერჯერობით გაურკვეველია როგორ აისახება ეს იმ არასამთავრობო და მედია ორგანიზაციებზე, რომლებიც „გამჭვირვალობის შესახებ" სკანდალური კანონის მოქმედების ქვეშ მოექცნენ. ამ მიმართულებას აქამდე ანტიკორუფციული ბიურო კურირებდა, რომელსაც რაჟდენ კუპრაშვილი ხელმძღვანელობს.

ორშაბათს „ქართულმა ოცნებამ" საკანონმდებლო და სტრუქტურული ცვლილებების მთელი სერიაა დააანონსა და აქედან ოპოზიციის ყველზე მწვავე კრიტიკა „საარჩევნო კოდექსთან" დაკავშირებით არსებულ გეგმას მოყვა. პარლამენტის თავმჯდომარე შალვა პაპუაშვილის ინფორმაციით, „შრომის კოდექსი" მთლიანად გადამუშავდება და საპარლამენტო არჩევნებზე, ადგილობრივი არჩევნების მსგავსად, ხმის მიცემა მხოლოდ საქართველოს ტერიტორიაზე იქნება შესაძლებელი. ეს ნიშნავს, რომ საზღვარგარეთ მყოფ საქართველოს მოქალაქეებს არჩევნებში მონაწილეობისათვის სამშობლოში ჩამოსვლა მოუწევთ.

უკრაინულმა მხარემ მართალია არაოფიციალურად, თუმცა მაინც გააჟერა, რომ საქართველოს ხელისუფლებას ექსპრეზიდენტ სააკაშვილის გადაცემის თხოვნით მიმართავს. ამაზე „ქართული ოცნების" წინასწარი პასუხი მკვეთრად უარყოფითია. ექსპერტებიც ფიქრობენ, რომ სააკაშვილის საზღვარგარეთ გაშვება ამ ეტაპზე გამორიცხულია. მათიუ ნაწილის აზრით კი, პატიმრობაში მყოფი ექსპრეზიდენტი „ოცნებამ" შეიძლება დასავლეთთან სავაჭროდ გამოიყენოს.

ეუთო/ოდირი „ქართულ ოცნებას“ მოუწოდებს, ოქტომბერში დაჩქარებული წესით მიღებული შეკრებისა და მანიფესტაციების კანონში შეტანილი ცვლილებები გააუქმოს. ორგანიზაცია პარასკევს გამოქვეყნებულ თავის „გადაუდებელ მოსაზრებაში” ამბობს, რომ ეს ცვლილებები სამოქალაქო და პოლიტიკური უფლებების შესახებ საერთაშორისო კონვენციის და ადამიანის უფლებათა ევროპული კონვენციის მუხლებს არღვევს და ზედმეტად ზღუდავს გამოხატვის თავისუფლებას.