გეოპოლიტიკური ვითარების გამო, ნავთობპროდუქტების გაძვირება ავიაბილეთების ღირებულებას მკვეთრად შეცვლის. ირანში ომის დაწყებიდან დღემდე საავიაციო ნავთის ფასი 40%-ით არის გაზრდილი. ავიაბილეთების გაძვირების ტენდენცია დაწყებულია და აუცილებლად იმოქმედებს ქართულ ავიაბაზარზეც. თუმცა რამდენად მოახდენს ეს ფაქტორი ტურიზმის სექტორზე გავლენას, ჯერჯერობით ვარაუდი ჭირს. ვიზიტორთა რაოდენობა შეიძლება მაინც შენარჩუნდეს, კლებაზე საუბარი ჯერჯერობით არ არის.

ამ თვის დასაწყისში დონალდ ტრამპი-მა შეერთებული შტატებისა და ისრაელის მიმდინარე ომი ირანთან „პატარა ექსკურსიად" მოიხსენია და თქვა, რომ ის საკმაოდ სწრაფად დასრულდებოდა. „ჩვენ მცირე ექსკურსია გავაკეთეთ, რადგან ჩავთვალეთ, რომ ეს აუცილებელი იყო გარკვეული ბოროტების აღმოსაფხვრელად," - უთხრა ტრამპმა ფლორიდაში რესპუბლიკელ კანონმდებლებს. დღეს ტრამპმა ჟურნალისტებთან განაცხადა, რომ ირანთან კონსტრუქციული მოლაპარაკებები მიმდინარეობს.

რუსეთის ჩრდილო-დასავლეთში, ლენინგრადის ოლქში დრონებით განხორციელებულმა მასშტაბურმა შეტევამ ერთ-ერთ მთავარ ენერგეტიკულ კვანძს დაარტყა - პრიმორსკის პორტში საწვავის ავზის დაზიანებამ ხანძარი გამოიწვია. გუბერნატორის, ალექსანდრე დროზდენკოს ინფორმაციით, საჰაერო თავდაცვამ 24 საათზე ნაკლებ დროში 60-ზე მეტი დრონი გაანადგურა, ეს ხდება იმის ფონზე, როცა უკრაინული დრონების შეტევები რუსეთის სიღრმეში სულ უფრო ინტენსიური ხდება

ირანის ომმა ზანგეზურის დერეფნის პერსპექტივა ფაქტობრივად მოსპო. ირანში არსებული მდგომარეობა თუ არ გამოსწორდება ან დღევანდელი ხელისუფლება დარჩება, არც ზანგეზურის პროექტს ექნება მომავალი. თუმცა, როგორც სპეციალისტები აღნიშნავენ, არც ხელისუფლების შეცვლის შემდეგ აქვს პროექტს მომავალი, რადგან ამ ცვლილებამ რეგიონში ვითარება უფრო მეტადაც შეიძლება დაძაბოს. 

სრულიად საქართველოს პატრიარქის, ილია მეორის გარდაცვალების შემდეგ აქტიურად განიხილება, თუ ვინ დაიკავებს მის ადგილს. საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზი ანდრია ჯაღმაიძის განცხადებით, სინოდის მოწვევაზე საუბარი ჯერ არ არის, თუმცა დასძინა, რომ პატრიარქმა 9 წლის წინ ანდერძში მოსაყდრედ, მეუფე შიო ჩაწერა.

ახლო აღმოსავლეთში შექმნილი მდგომარეობის გამო გადაზიდვის ტარიფები მკვეთრად იზრდება. ფაქტობრივად არ დარჩა საფერო, სადაც ირან-ისრაელ-ამერიკის დაპირისპირებამ უარყოფითად არ იმოქმედა. პირველ რიგში, ნავთობპროდუქტების გაძვირება გამოიწვია, რამაც დომინოსებრი ეფექტი თითქმის ყველა დარგზე მოახდინა, განსაკუთრებით კი ტრანსპორტირების ტარიფებს შეეხო. ეს კი საბოლოო ჯამში პროდუქციის გაძვირებას გამოიწვევს.

პრეზიდენტ მიხეილ ყაველაშვილის მეუღლე თამარ ბაგრატიონი ვაშინტონში გაემზავრა, აშშ-ს პირველი ლედის, მელანია ტრამპის მიწვევით. ის მონაწილოებას მიიღებს 24-25 მარტს დაგეგმილ გლობალურ სამიტში სახელად "ერთად უკეთესი მომავლისათვის, რომლის მიზანია ბავშვების განათლების, განვითარებისა და კეთილდღეობის ხელშეწყობისათვის მოწინავე ტექნოლოგიების უსაფრთხო და ინოვაციური გამოყენების უზრუნველყოფა.

22 მარტს, შინაგან საქმეთა სამინისტროს დაცვის პოლიციის დეპარტამენტში ტერორისტული აქტების შესახებ ორი ანონიმური ზარი განხორციელდა, თუმცა გაირკვა, რომ ცრუ ინფორმაცია იყო. ზარების ავტორი ამბობდა, რომ იმყოფებოდა სამების საკათედრო ტაძრის მიმდებარე ტერიტორიაზე, ცეცხლსასროლი იარაღით შეიარაღებული და დანაღმული ჰქონდა სამების საკათედრო ტაძრის ტერიტორია. არასრულწოვან დამნაშავეს 3-დან 6 წლამდე პატიმრობა ემუქრება.

ვაშინგტონში ირანში სახმელეთო ოპერაციის დაწყებასთან დაკავშირებით დისკუსია სულ უფრო მწვავდება, სხვადასხვა წყაროები ადასტურებენ, რომ ამისთვის "სწრაფი ტემპით" მზადებაც კი მიდის, თუმცა, სამხედრო ანალიტიკოსების მნიშვნელოვანი ნაწილი თანხმდება იმაზე, რომ სახმელეთო ოპერაცია აშშ-სთვის უკიდურესი და ყველაზე სარისკო სცენარია.

სრულიად საქართველოს კათალიკოს-პატრიარქი, ილია მეორე 22 მარტს პრაქტიკულად მთელმა საქართველომ გააცილა ბოლო გზაზე. ცერემონია სამგლოვიარო გალობისა და უწყვეტი ზარების რეკვის ფონზე ჩატარდა, რასაც ათიათასობით ადამიანი დაესწრო. სამებაში იმყოფებოდნენ სხვადასხვა სახელმწიფოებისა და მართლმადიდებელი ეკლესიების ოფიციალური დელეგაციები. მათ შორის მსოფლიო პატრიარქი ბართლომეოს პირველიც, რომელმაც წესის აგებაში მიიღო მონაწილეობა.

კათალიკოს-პატრიარქ ილია მეორის დაკრძალვის შემდეგ ყველაზე აქტუალური საკითხია, თუ ვინ გახდება ახალი პატრიარქი. შესაბამისი პროცედურები რამდენიმე საფეხურს მოიცავს და ეკლესიის მეთაურის არჩევა, სავარაუდოდ, მაისის დასაწყისში მოხდება. მთავარ კანდიდატად ამ ეტაპზე მეუფე შიო განიხილება, რომელიც ილია მეორე თავის სიცოცხლეშივე გამოაცხადა თანამოსაყდრედ. თუმცა, ეს არ იძლევა სრულ გარანტიას, რომ მომდევნო პატრიარქი სწორედ ის იქნება, რაზეც ისტორიული პრცედენტებიც მეტყველებს.

საქართველოს დელეგაცია პრემიერის მეთაურობით ბუდაპეშტში კონსერვატიული პოლიტიკური მოქმედების კონფერენციას დაესწრო, სადაც ირაკლი კობახიძე სიტყვითაც გამოვიდა. ამავე კონფერენციაზე აშშ-ის პრეზიდენტ დონალდ ტრამპის ვიდეომიმართვა გავრცელდა, რომელმაც უნგრეთის პრემიერ ვიქტორ ორბანს 12 აპრილის არჩევნებში მხადრაჭრა გამოუცხადა.