ბიზნესი კლინიკების მართვაში სახელმწიფოს ჩამოშორებას ცდილობს, რასაც სპეციალისტები მკვეთრად უპირისპირდებიან. ჯანდაცვის სფეროს ექსპერტები ჰოსპიტალური სექტორის პერსპექტივას  სახელმწიფოს როლის გაძლიერებაში ხედავენ. ბიზნესის ინტერესებს ისინი ქვეყნისთვის საზიანოდ მიიჩნევენ და ირწმუნებიან, რომ კერძო ინვესტორები კლინიკების მართვის პროცესს უნდა ჩამოშორდნენ, რადგან მათთვის ავადმყოფი ხდება უბრალოდ კლიენტი და ასეთი მიდგომა დარგის დასასრულს მოასწავებს. 

ავტომობილებზე მოთხოვნა მატულობს,  მიმდინარე წლის იანვარ-აგვისტოში, წინა წლის ანალოგიურ პერიოდთან შედარებით, იმპორტიც და ექსპორტიც გაზრდილია. როგორც აღმოჩნდა, ბიზნესზე ტრამპის სატარიფო პოლიტიკა დიდად  არ ასახულა და ნეგატიური მოლოდინის მიუხედავად, ამერიკიდან შემოყვანილი ავტომობილების ღირებულება მხოლოდ 5%-ის ფარგლებშია გაიზარდა.

"ლელო - ძლიერი საქართველო" არჩევნების გაყალბების წინააღმდეგ "უკომპრომისო ბრძოლას აპირებს". პარტიაში ამბობენ, რომ თბილისში ყველა საარჩევნიო უბანზე ვიდეოკამერებს დაამონტაჟებენ და ვეღარავინ "ვეღარ გაბედავს" იმ უბანზე შევიდეს და ხმა მისცეს, სადაც რეგისტრირებული არ არის.

ბრიუსელის აეროპორტმა, კიბერთავდასხმის შედეგად შექმნილი პრობლემების გამო, ავიაკომპანიებს დღეს დაგეგმილი რეისების ნახევრის გაუქმება მოსთხოვა, - ინფორმაციას Reuters-ი ავრცელებს.

ლელოს წევრის, სალომე სამადაშვილის განცხადებამ ,რომ „ყველა, ვინც არჩევნებზე არ მივა, ხელისუფლებას ეხმარება" - ენმ-ის უკმაყოფილება გამოიწვია. ენმ-ის წევრმა ირაკლი ფავლენაშვილმა სამადაშვილი „პარკეტის პოლიტიკოსად" მოიხსენია და აღნიშნა, რომ „მისნაირი პოლიტიკოსები ავტორიტარიზმს ვერასდროს დაამარცხებენ". მმართველ პარტიაში ამბობენ, რომ ოპოზიციონერი ძალების დაპირისპირება მათთვის ახალი არ არის. რას აცხადებს ოპოზიცია და მმართველი პარტია და რამ გამოიწვია ახალი დაპირისპირების ტალღა ლელოსა და ენმ-ს შორის?

ყველა ორმხრივი მოლაპარაკების დროს შეერთებულ შტატებს განუწყვეტლივ ეცნობება, რომ ავღანეთის დამოუკიდებლობა და ტერიტორიული მთლიანობა უმთავრესია, - ამის შესახებ აღნიშნულია განცხადებაში, რომელსაც „თალიბანის" ხელისუფლება ავრცელებს. „თალიბანის" მტკიცებით, აშშ-მა აიღო ვალდებულება, რომ არ გამოიყენებს ძალას ავღანეთის ტერიტორიული მთლიანობის, ან პოლიტიკური დამოუკიდებლობის წინააღმდეგ და არ ჩაერევა მის შიდა საქმეებში.

რუსული სამხედრო ავიაციის მიერ ესტონეთის საჰაერო სივრცის დარღვევის შემდეგ, როდესაც სამი MIG-31 ფინეთის ყურის თავზე ნებართვის გარეშე შევიდა, ტალინმა გაერო-ს უშიშროების საბჭოს საგანგებო სხდომა მოითხოვა. სხდომაზე განხილული იქნება არა მხოლოდ ეს ინციდენტი, არამედ რუსეთის მიერ რეგიონში დაძაბულობის შესაძლო ესკალაციის რისკიც. როგორ აპირებს ნატო რუსული მფრინავი ობიექტებისაგან თავდაცვას და რა მოხდება თუ ალიანსი თავის საჰაერო სივრცეში რუსულ თვითმფრინავს ჩამოაგდებს.

პარლამენტის თავმჯდომარე ტყუილს უწოდებს ყოფილი თანაგუნდელის და იურისტის ეკა ბესელიას მიერ გავრცელებულ ინფორმაციას, რომ ბიძინა ივანიშვილმა, ვახტანგ გომელაური მაკონტროლებლად დაუნიშნა სუს-ის უფროს მამუკა მდინარაძეს და პრემიერ ირაკლი კობახიძეს. თუ რა სტატუსით იმყოფება ყოფილი შს მინისტრი "ოცნებაში", ამის საპასუხოდ შალვა პაპუაშვილი ამბობს, რომ პარტიული საქმიანობით დაკავებული არაა, თუმცა ბესელია არ გამორიცხავს, რომ არჩევნების უსაფრთხოების საკითხს კურირებდეს.

როგორც უკრაინული, ისე რუსული მხარე ისევ აგრძელებს ინტენსიურ საჰაერო დარტყმებს. უკრაინელები ძირითადად ურტყამენ რუსულ ნავთობგადამამუშავებელ ქარხნებს, რამაც უკვე გამოიწვია რუსეთში საწვავის დეფიციტი. რუსებმა კი ბოლო დროს უკრაინის ლოჯისტიკურ ცენტრებსა და რკინიგზის დაბომბვები დაიწყეს, რაც უკრაინის მიერ ფრონტის მომარაგებას ართულებს. ხოლო რა ხდება უშალოდ ფრონტის ხაზზე და როგორ მიდის ბრძოლა ხმელეთზე, ამაზე ოფიციალურად არავინ საუბრობს.

22-23 სექტემბერს, გაეროს გენერალური ასამბლეის მე-80 სესიზე, შეიძლება ისტორიული გადაწყვეტილება იქნას მიღებული. მსოფლიოს რამდენიმე წამყვანი ქვეყანა პალესტინის სახელმწიფოებრიობის აღიარებას გეგმავს. კონფერენციაზე საქართველოც არის მიწვეული. პრეზიდენტი მიხეილ ყაველაშვილი უკვე გაემგზავრა აშშ-ში, სადაც სიტყვით გამოვა და შემდეგ პრეზიდენტ დონალდ ტრამპისა და მისი მეუღლის, მელანია ტრამპის სახელით გამართულ ოფიციალურ მიღებასაც დაესწრება.

არაბთა გაერთიანებული საამიროების პრეზიდენტი ოფიციალური ვიზიტით საქართველოს სტუმრობდა, რომლის ფარგლებშიც შეიხ მოჰამედ ბინ ზაიედ ალ ნაჰაიანს „ქართული ოცნების“ საპატიო თავმჯდომარე ბიძინა ივანიშვილმა საკუთარ რეზიდენციაში უმასპინძლა. ეს იყო ბოლო პერიოდში პოლიტიკურ კონტექტში ივანიშვილის პირველი საჯაროდ გამოჩენა, რომლის ამსახველი კადრებიც პარტიამ თავადვე გაასაჯაროვა. რა გზავნილია ეს ივანიშვილისა და „ოცნების“ მხრიდან?

ევროკავშირმა რუსეთის წინააღმდეგ სანქციების მე-19 პაკეტი შეითანხმა, რომელიც პარასკევს ევროკომისიის პრეზიდენტმა ურსულა ფონ დერ ლაიენმა ოფიციალურად წარმოადგინა. ეს პაკეტი გულისხმობს რუსეთის ე.წ. ჩრდილოვანი ფლოტის 118 გემისა და გადახდის სისტემა „მირ"-ისთვის შეზღუდვების დაწესებას და ასევე ევროპის მიერ რუსულ გაზზე სრული უარის თქმის ვადის ერთი წლით შემცირებას.