პოლიციამ სამდღიანი ძებნის შემდეგ დააკავა ჩოხატაურის რაიონის სოფელ გოგოლესუბანში მომხდარ მკვლელობაში ბრალდებული. ის 27 წლის შოთა სიხარულიძეა, რომელსაც თავისი ბავშვობის მეგობარის, ნათესავისა და თანასოფლელის, ავთო სიხარულიძის მკვლელობაში ედება ბრალი. ერთად გაზრდილ ახალგაზრდებს შორის კონფლიქტი გარდაცვლილის დაბადების დღეზე დაიწყო, თუმცა მალევე განიმუხტა. მიუხედავდ ამისა, კონფლიქტი მეორე დღესაც გაგრძელდა ტრაგედიით დასრულდა. 

გერმანიამ ევროკავშირის გაფართოებასთან დაკავშირებული განცხადების ფორმულირება შეცვალა. თუკი ერთი წლის წინ კანცლერი ოლაფ შოლცი ამბობდა, რომ ევროკავშირი ლისაბონიდან თბილისამდე უნდა გადაიჭიმოს, ახლა საგარეო საქმეთა მინისტრმა ანალენა ბერბოკმა ევროკავშირის გაფართოებაზე საუბრისას განსხვავებული ფორმულირება გამოიყენა - „ლისაბონიდან ლუგანსკამდე". რას მოასწავებს ფორმულირების ასეთი ცვლილება და როგორ უნდა აღვიქვათ ეს საქართველოს ევროპული პერსპექტივის თვალსაზრისით?

„ქართულ ოცნებაში" ეჭვობენ, რომ შესაძლოა პრეზიდენტმა სალომე ზურაბიშვილმა 2022 წლის 7-8 მარტის აქციებთან დაკავშირებით დაკავებული ლაზარე გრიგორიადისი შეიწყალოს. მმართველი პარტიის თავმჯდომარე ირაკლი კობახიძის შეფასებით, თუ პრეზიდენტმა ეს ნაბიჯი გადადგა, ის „რევოლუციურ პროცესებში ჩაერთვება". როგორც ანალიტიკოსი რამაზ საყვარელიძე „რეზონანსთან" ამბობს, „ქართულ ოცნებისა" და ზურაბიშვილის ბოლოდროინდელი დაპირისპირების ფონზე, კობახიძის ეჭვი ლოგიკურია.

ზამთრის მოახლოებასთან ერთად, აფხაზეთის ელექტროენერგიით მომარაგების საკითხი აქტიურდება. იქიდან გამომდიანრე, რომ წელს ენგური ნაკლებად წყალუხვი იყო, დიდი ალბათობით, მოსალოდნელია ოკუპირებულ რეგიონს ელექტროენერგიის მიწოდება იმაზე ადრე შეუწყდეს ან შეეზღუდოს, ვიდრე მოსალოდნელი იყო. ამით, გარდა იმისა, რომ აფხაზეთი დროზე ადრე ჩაბნელდება, საქართველოს ენერგოსისტემას დააკლდება იაფი ელექტროენერგიის წყარო.

საბერძნეთში მოკლული საქართველოს მოქალაქე კობა აშოთიაა - არსებული ინფორმაციით, 74 წლის ბერძენმა კაცმა 50 წლამდე ქართველი ემიგრანტი ცოლ-შვილის თანდასწრებით მოკლა. გარდა ამისა, დაჭრილია მოკლულის ცოლიც, რომელსაც ოპერაცია უტარდება. როგორც ოჯახის ახლობლები ამბობენ, დაჭრილ ქალის მდომარეობა მძიმეა. ის შვილებს გადაეფარა და ქალს რამდენიმე ტყვია მოხვდა. 

საწვავის ბაზარზე დიდი არასტაბილურობაა. მას შემდეგ, რაც რუსეთმა ნავთობპროდუქტების ექსპორტი შეზღუდა, ქართველი იმპორტიორები ალტერნატიულ ბაზარზე გადართვის აუცილებლობის წინაშე დადგნენ, რამაც გარკვეული სხვაობა ფასშიც გამოიწვია. მით უმეეტს, საერთაშორისო ბაზრებზე ნავთობპროდუქტების გაძვირების ტენდენციაა. სპეციალისტების ვარაუდით, საშუალოვადიან პერსპექტივაში საწვავი დაახლოებით კიდევ 15-25 თეთრით გაძვირდება. ესეც იმ შემთხვევაში, თუ გლობალურ ბაზრებზე არსებული ფასები შენარჩუნდება.

2024 წლის ბიუჯეტში უამრავი სიახლეა დაგეგმილი. მთავრობა რიგი მიმართულებით დაფინანსებას ზრდის, რაც მოსახლეობის სხვადასხვა კატეგორიაზეა გათვლილი. მომავალი წლის ბიუჯეტი მოიცავს ყველა სეგმენტს და ხელფასებისა თუ პენსიების ზრდას. ასევე იქნება მხარდაჭერა და განვითარებისკენ მიმართული თანხები. ეკონომისტები ფიქრობენ, რომ მოსახლეობა გაზრდილი ბიუჯეტით სარგებელს მიიღებს.

სახელმწიფო უსაფრთხოების სამსახური ე.წ. რევოლუციური სცენარის საქმეზე ახალ დეტალებს ასაჯაროვებს - უწყება ოპერატიულ ჩანაწერს ავრცელებს და აღნიშნავს, რომ კადრებში ორგანიზაცია „კანვასის" წევრებისა და არასამთავრობო ორგანიზაციების შეხვედრაა ასახული. ამასთან, „ხდება ერთ-ერთი დიდი ჯგუფის გადამზადება", რომლებმაც, სუს-ისინფორმაციით, „გადამწყვეტი როლი უნდა შეასრულონ ხელისუფლების ძალადობრივი გზით დამხობის პროცესების მომზადებასა და განხორციელებაში".

რუსული ძალები რობოტინოსა და ვერბოვოის რაიონებში დაკარგული პოზიციების აღდგენას ცდილობენ და უკრაინულ ჯარებს წარუმატებლად უტევენ ავდეევკის, მარინკასა და შახტიორსკის მიმართულებებით. ომის შემსწავლელი ინსტიტუტის შეფასებით, რობოტინოს სამხრეთით სიტუაცია არასტაბილური, ტაქტიკურად რთული და დინამიკურია.

ყარაბაღის პრეცედენტმა ოკუპირებულ აფხაზეთსა და „სამხრეთ ოსეთს" დისკომფორტი შეუქმნა, როგორც ანალიტიკოსები აცხადებენ, აფხაზები და ოსები შეშფოთებულები არიან იმის გამო, რომ რუსეთმა სომხეთთან მიმართებაში არაფერი გააკეთა, მიუხედავად იმისა, რომ ერევანმა დახმარება არაერთხელ სთხოვა კოლექტიური უსაფრთხეობის ხელშეკრულების ორგანიზაციის (ოდკბ) ვალდებულების ფარგლებში.

სამშაბათს, 3 ოქტომბერს 12 საათზე საკონსტიტუციო სასამართლოში პრეზიდენტის წინააღმდეგ აღძრული სარჩელის განხილვა იწყებს, რის შედეგადაც უნდა დადგინდეს, დაარღვია თუ არა სალომე ზურაბიშვილმა კონსტიტუცია. დადებითი პასუხის შემთხვევაში კი, პარლამენტი განიხილავს და კენჭს უყრის პრეზიდენტის იმპიჩმენტს. ანალიტიკოსთა შეფასებით, წინასწარ რთულია იმაზე მსჯელობა, თუ რას დაადგენს სასამართლო. თუმცა, მათი ნაწილი მიიჩნევს, რომ საბოლოოდ მმართველი პარტიის ინტერესებში არ შედის პრეზიდენტის გადაყენება.

ყარაბაღი ეთნიკური სომხებისგან თანდათან იცლება. ოფიციალური მონაცემებით, ამ ტერიტორიაზე მცხოვრები 120 ათასი ადამიანიდან, ბოლო ერთ კვირაში 100 ათასზე მეტი უკვე სომხეთში სომხეთში გადავიდა. ანალიტიკოსები არ გამორიცხავენ, რომ ყარაბაღელი ლტოლვილების ნაწილმა ოკუპირებულ აფხაზეთს მიაშუროს, მით უმეტეს, რომ აფხაზეთში საკმაოდ მრავალრიცხოვანი სომხური დიასპორაა და მათ ყარაბაღშიც აქვთ ნათესაური კავშირები. რამდენად მასშტაბური შეიძლება იყოს ასეთი გადასახლება, რას ფიქრობენ ამაზე აფხაზურ საზოგადოებაში და როგორი იქნება ყოველივე ამის პოლიტიკური შედეგები?