13 ოქტომბერს ეგვიპტეში მაღალი დონის შეხვედრაა ჩანიშნული, სადაც ხელი მოეწერება სამშვიდობო შეთანხმებას ისრაელსა და „ჰამასს" შორის. მხარეებმა პირველ ეტაპზე შეთანხმებას მიაღწიეს, თუმცა ზოგიერთ საკითხზე „ჰამასი" თანახმა არ არის. აღსანიშნავია, რომ ისრაელის პრემიერ-მინისტრი ბენიამინ ნეთანიაჰუ და „ჰამასის" ლიდერები შეხვედრას არ დაესწრებიან.

პროსახელისუფლებო „ერთიანი ნეიტრალური საქართველო" „ოცნებას" ევროკავშირში გაწევრიანების საკითხზე რეფერენდუმის ჩატარებისკენ მოუწოდებს. ორგანიზაცია აქცენტს აკეთებს ევროკავშირის მიერ ახლახანს მიღებულ 2026-2030 წლების ლგბტქ ახალ სტრატეგიაზე, რომელიც, მათი შეფასებით, საქართველო-ევროკავშირის ურთიერთობებში „მკაფიო წითელი ხაზია".

4 ოქტომბრის „მშვიდობიანი რევოლუციის" ჩავარდნილ გეგმაზე ახალი დეტალები ჟღერდება. გაჩნდა ინფორმაცია, რომ აქციის ორგანიზატორები თავდაცვის ყოფილი მინისტრის, ბაჩო ახალაიას სახლში იკრიბებოდნენ. გარდა ამისა, გაჩნდა ვერსია, რომ „მშვიდობიანი დამხობის" ორგანიზატორებს სუს-ის ყოფილ ხელმძღვანელთან, გრიგოლ ლილუაშვილთან ჰქონდათ კავშირი.

რუსეთი და აზერბაიჯანი, რომელთა ურთიერთობაც ბოლო 10 თვის განმავლობაში უკიდურესად გამწვავებული იყო, „ახალი ფურცლის გადაშლაზე“ შეთანხმდნენ. ეს მას შემდეგ მოხდა, რაც გასულ კვირას დუშანბეში გამართულ დსთ-ს სამიტზე რუსეთის პრეზიდენტმა ვლადიმირ პუტინმა თავის აზერბაიჯანელ კოლეგა ილჰამ ალიევს ბოდიში მოუხადა „აზალ“-ის სამოქალაქო თვითმფრინავთან დაკავშირებული ინციდენტისთვის.

არჩევნებიდან რამდენიმე დღის შემდეგ „ლელოში“ აცხადებენ, რომ სალომე ზურაბიშვილს თბილისის მერობის სურვილი ჰქონდა, თუმცა ოპოზიციაში ვერ შეთანხმდნენ მერობის ერთიან კანდიდატად მის წარდგენაზე. ვინ შეუშალა ამას ხელი და ექნებოდა თუ არა ექსპრეზიდენტს  შანსი კახა კალაძის წინააღმდეგ? 

სენატმა „მეგობარი აქტს" მწვანე შუქი არ აუნთო - აშშ-ის ეროვნული თავდაცვის აქტში, რომელიც სენატმა დაამტკიცა, „მეგობარი აქტის" შესახებ ჩანაწერი აღარ იძებნება. ნიშნავს თუ არა ეს ამ აქტის მიღების საბოლოოდ ჩავარდნას, რთული სათქმელია, თუმცა მმართველი გუნდი, რომელიც უკვე რამდენიმე თვეა აშშ-ს ხელისუფლებას ურთიერთობის გადატვირთვას სთხოვს, ამ ცნობამ ოპტიმისტურად განაწყო.

ევროპარლამენტარები ორდღიანი ვიზიტით საქართველოს სტუმრობენ, ხვდებიან ოპოზიციურ პარტიებს, სალომე ზურაბიშვლს, სამოქალაქო სექტორს, თუმცა აუდიენცია დაგეგმილი არაა „ოცნებასთან". შემაჯამებელ პრესკონფერენციას კი თბილისის ნაცვლად ორშაბათს ბრიუსელში გამართავენ.

4 ოქტომბერს, გამართული აქციისა და პრეზიდენტის სასახლეში შეჭრის შესახებ პასუხისმგებლობას ყველა ერთმანეთს აკისრებს. მმართველ პარტიაში ხელს ოპოზიციასა და „ენჯეოებს" ადებენ. ხელისუფლების ოპონენტებში კი აზრთა სხვადასხვაობაა - ნაწილი ყველაფერს ექსპრეზიდენტ, მიხეილ სააკაშვილსა და მის პარტიის წევრებს აბრალებს. ზოგიც კი ადგილობრივ არჩევნებში მონაწილე „ლელოსა" და „გახარია-საქართველოსთვის" აკრიტიკებს.

პარასკევს რუსეთის მიერ განხორციელებულ მასიურ სარაკეტო და დრონების თავდასხმამ უკრაინის ნაწილი ელექტროენერგიის გარეშე დატოვად, დაშავებულია 20 ადამიანი, მათ შორის დაღუპულია ერთი ბავშვი. პრეზიდენტი ვოლოდიმირ ზელენსკი დარტყმას „ცინიკური თავდასხმას" უწოდებს და დასავლეთს რეალური ქმედებებისკენ მოუწოდებს.

4 ოქტომბრის საქმეზე ამ დრომდე დაჭერილია 46 პირი. 4-ზე კი ძებნაა გამოცხადებული, შსს-ს ბოლო ინფორმაციით, მიმდინარე სისხლის სამართლის საქმეზე გამოძიების ფარგლებში კიდევ ერთი ადამიანი, გ.ქ. დააკავეს. უწყებაში ამტკიცებენ, რომ დაკავებულთა წინააღმდეგ არსებობს ვიდეოკადრები, რომელიც ასახავს ათონელის რეზიდენციასთან განვითარებულ მოვლენებს.

მას შემდეგ, რაც 4 ოქტომბრის მშვიდობიანი დამხობის მცდელობა ფიასკოთი დასრულდა, იმ ოპოზიციონერთა ნაწილი, რომლებიც ხალხს ქუჩაში გამოსვლისკენ მოუწოდებდა, ახლა აქციის ორგანიზატორების შეცდომებზე საუბრობს. მმართველ გუნდში კი აცხადებენ, რომ „ნიანგის ცრემლები" ვერ გადაარჩენს დამნაშავეებს პასუხისმგებლობისგან და ყველა, ვინც ქვეყანაში დესტაბილიზაციის მცდელობას ახორციელებდა, კანონის შესაბამისად დაისჯება.

პარლამენტის თავმჯდომარემ, შალვა პაპუაშვილმა 4 ოქტომბრის მოვლენები შეაფასა და გარე ჩარევებზე ისაუბრა. როგორც ბრიფინგზე აღნიშნა, ხელისუფლებამ მოახერხა სახელმწიფოს ძალადობრივი გზით შეცვლის მცდელობა აღეკვეთა. პაპუაშვილი მომხდარ და მიმდინარე პროცესებზე პასუხისმგებლობას პოლიტიკურ ჯგუფებსა და „ენჯეოებს" აკისრებს.