თამთა ჩაჩანიძე
04.04.2024

პარლამენტში გირჩის ინიციატივის დაჩქარებული წესით განხილვა, რომელიც არჩევნებში სავალდებულიო გენდერული კვოტების გაუქმებას გულისხმობს, დაპირისპირებისა და დიდი ხმაურის ფონზე მიმდინარეობდა. უნდა აღინიშნოს, რომ მხარდაჭერის მხრივ „გირჩი" „ოცნებასთან" წინასწარ შეთანხმდა და ქალი ოპოზიციონერი დეპუტატების ძირითადი კრიტიკა ინიციატორებსია და უმრავლესობის წევრებისკენ იყო მიმართული.

თამთა ჩაჩანიძე
04.04.2024

ევროკავშირი შეშფოთებას გამოთქვამს „ოცნების" მიერ პარლამენტში „უცხოური გავლენის გამჭვირვალობის შესახებ" კანონპროექტის ხელახლა შებრუნებაზე - ევროკავშირის უმაღლესი კომისრის, ჯოზეფ ბორელის პრესსპიკერის განცხადებაში ვკითხულობთ, რომ „მას ასევე გადამწყვეტი მნიშვნელობა აქვს ევროკავშირში გაწევრიანების პროცესისთვის", რაც ანალიტიკოსების ნაწილს იმის თქმის საფუძველს აძლევს, რომ შესაძლოა საქართველოს ევროპესპექტივა შეფერხდეს. თუმცა მეორე ნაწილი მიიჩნევს, რომ ეს გავლენას არ მოახდენს.

თამთა ჩაჩანიძე
03.04.2024

ჩვენ უნდა გავიდეთ არჩევნებზე, ამისთვის უდიდესი მობილიზაციაა საჭირო. არც უიმედობა, არც დეპრესია, არც პესიმიზმი, არც დიდად არეულობა, აქ საჭიროა მომზადება იმისთვის, რომ ყველანი გავიდეთ ამ არჩევნებზე ერთი ევროპული დროშის ქვეშ. ალბათ, რამდენიმე პარტიით, მაგრამ ერთი დროშის ქვეშ და ეს არის ევროპული დროშა - ამის შესახებ საქართველოს პრეზიდენტმა სალომე ზურაბიშვილმა საგანგებოდ გამართულ ბრიფინგზე აღნიშნა.

თამთა ჩაჩანიძე
03.04.2024

ერთი წლის თავზე „ოცნება" „უცხოური გავლენის გამჭვირვალობის შესახებ" კანონპროექტს კვლავ პარლამენტში აბრუნებს - როგორც თავად ამბობენ, კანონპროექტი ზუსტად იგივე ტექსტით დაინიცირდება, რაც შარშან იყო, ერთადერთი განსხვავებით, ნაცვლად ტერმინისა „უცხოური გავლენის აგენტი", გამოყენებული იქნება ტერმინი „უცხოური ძალის ინტერესების გამტარებელი ორგანიზაცია". ოპოზიცია კი კვლავ ინიციატივის წინააღმდეგია და აცხადებს, რომ უმრავლესობის დეპუტატები „წერას არიან აყოლილები".

თამთა ჩაჩანიძე
02.04.2024

რუსეთი ოკუპირებულ აფხაზეთში სულ უფრო მეტად აქტიურდება - აეროპორტისა და ოჩამჩირის ბაზის მშენებლობა, ბიჭვინთის აგარაკებისა და აპარტ-ოტელების საკითხი ანალიტიკოსებს იმის თქმის საფუძველს აძლევს, რომ მოსკოვი რაღაც სერიოზულს ამზადებს საქართველოს ოკუირებულ რეგიონში. სამხედრო ექსპერტები არც იმას გამორიცხავენ, რომ რუსეთის მხრიდან აფხაზეთის სამხედრო კოლონიზაცია მიდიოდეს.

თამთა ჩაჩანიძე
02.04.2024

„ოცნება" შეერთებულ შტატებს მოუწოდებს ქართველ მოსამართლეებს სანქციები მოუხსნან, მიაჩნიათ, რომ შეზღუდვები არის „უსამართლო" და რომ ამერიკულ მხარეს მტკიცებულებები არ წარმოუდგენია. ანალიტიკოსთა ნაწილი მიიჩნევს, რომ ვაშინგტონმა საკითხს მართლაც უნდა გადახედოს. ნაწილი კი არ გამორიცხავს, რომ სია აშშ-სგან საერთოდაც გაფართოვდეს და საკითხი მოსამართლეებს გასცდეს, „ოცნების" მხრიდან კი ეს ნიადაგის მომზადება იყოს.

თამთა ჩაჩანიძე
01.04.2024

სომხეთის დასავლეთთან ურთიერთობის გაღმავებისკენ სწრაფვით რუსეთი შეშფოთებულია, ერევანი კი უკვე ღიად აცხადებს, რომ დემოკრატიის გაძლიერების მიზნით, ევროკავშირსა და აშშ-სთან ურთიერთობა რეგიონსა და ქვეყანაში მშვიდობის დამყარებას ხელს უწყობს. ანალიტიკოსები არ გამორიცხავენ, რომ 5 აპრილის დაგეგმილი სამმხრივი სამიტის შემდეგ კრემლმა სომხეთის ხელისუფლების მისამართით უკვე კონკრეტული გამაფრთხილებელი განცხადება გააკეთოს.

თამთა ჩაჩანიძე
01.04.2024

პარლამენტი დაჩქარებული წესით განიხილავს „გირჩის" ინიციატივას, რომელიც საპარლამენტო საარჩევნო სიის ფორმირებისას გენდერული კვოტირების გაუქმების ითვალისწინებს, დღეს მოქმედი კანონით, ყოველ ოთხეულში ერთი ქალი მაინც უნდა იყოს. „გირჩმა" უმრავლესობასთან შეათანხმა, რომ ინიციატივას მხარს დაუჭერენ, სანაცვლოდ კი „ოცნება" „გირჩის" დეპუტატებისგან ცესკო-ს თავმჯდომარის პოზიციაზე წარდგენილ კანდიდატის მხარდაჭერას ითხოვს.

ელზა პაპოშვილი
31.03.2024

ექიმების კორუფციის უპრეცენდენტო სკანდალი - სუსმა აზარაშვილის მინისტრობის დროინდელი დანაშაული გახსნა. ნახევარ მილიონ ლარზე მეტი ქრთამის აღების ბრალდებით დაკავებული არიან სასწრაფო დახმარების ექიმები, ქრთამის გაცემის ფაქტზე კი - კომპანია „ვიანის“, იგივე „ევექსის“ ორი თანამშრომელი. გამოძიება ამტკიცებს, რომ დანაშუალებრივი გარიგების შედეგად ქვეყანაში მძიმე პაციენტებით ვაჭრობა მიდიოდა. 

ელზა პაპოშვილი
30.03.2024

სტრასბურგის სასამართლოსგან მისი სარჩელის განხილვაზე უარის მიღების შემდეგ, ნიკა გვარამია ბედს უკვე გაეროში ცდის. ანალიტიკოსები „რეზონანსთან“ ამბობენ, რომ ექსპრეზიდენტი მიხეილ სააკაშვილი უფრო შორსმჭვრეტელი აღმოჩნდა და სტრასბურგს არ მიმართა, გვარამიამ კი, თავისი გაუთვლელი ნაბიჯით, უკვე მიაყენა პირველი პოლიტიკური ზიანი ნიკა მელიასთან ერთობლივად დაფუძნებულ „ახალს“. გაეროში ჩივილს კი, სხვადასხვა მიზეზების გამო, არანაირი პრაქტიკული შედეგი არ ექნება. 

თამთა ჩაჩანიძე
30.03.2024

უზენაესი სასამართლოს მოსამართლე შალვა თადუმაძე საქართველოს საგარეო უწყებით უკმაყოფილოა. როგორც მან 11 მარტს მოსამართლეთა პლენუმზე განაცხადა, ეფექტური მუშაობის შემთხვევაში, აშშ ოთხ ქართველ მოსამართლეს სანქციებს არ დაუწესებდა. რადგან „იქ, სადაც ხელისუფლება მუშაობს, შედეგებს დებს". ანალიტიკოსი ვახტანგ ძაბირაძე „რეზონანსთან" ამბობს, რომ ეს არ ნიშნავს საგარეო საქმეთა სამინისტროსთან დაპირისპირებას, თუმცა, შესაძლოა ამით საგარეო საქმეთა მინისტრის შეცვლისთვის საფუძველი მზადდება.

ელზა პაპოშვილი
29.03.2024

სად იქნება ბიძინა ივანიშვილი 2024 წლის არჩევნების შემდეგ? - ამ კითხვას პარტია „საქართველოსთვის“ ლიდერი პასუხობს. გიორგი გახარიას თქმით, ივანიშვილი არჩევნებს წააგებს და ოპოზიციის რიგებში გადავა. 

„2024 წლის არჩევნების შემდეგ ივანიშვილი იქნება საქართველოში და დარწმუნებული ვარ, რომ იქნება ერთ-ერთი საუკეთესო ოპოზიციის ლიდერი,“ - ამბობს გახარია.   


Copyright © 2006-2024 by Resonance ltd. . All rights reserved
×