პრეზიდენტი სალომე ზურაბიშვილი აცხადებს, რომ არსად წასვლას არ აპირებს, სანამ ახალი არჩევნების შედეგად არ დალაგდება მმართველი რგოლები, "ქართული ოცნება" კი კოლეგიის მიერ ახლადარჩეული პრეზიდენტის, მიხეილ ყაველაშვილის ინაუგურაციას 29 დეკემბერს გეგმავს. გვექნება თუ არა "ორპრეზიდენტიანობა" და რა პროცესებს უნდა ველოდოთ?

ევროკავშირში, შესაძლოა, „მსურველთა კოალიცია" ჩამოყალიბდეს, რომელშიც ის სახელმწიფოები შევლენ, ვისაც მიზანშეწონილად მიაჩნია საქართველოს ხელისუფლებისათვის სანქციების დაწესება. ეს იმ შემთხვევაში მოხდება, თუკი ორშაბატს ევროკავშირი ვერ შეძლებს სანქციებზე შეთანხმებას. რამდენად რეალურია გერმანულ მედიაში გავრცელებული ეს ინფორმაცია და რა პოლიტიკური შედეგები ექნება ამასა?

საქართველოს არაპირდაპირი წესით არჩეული პირველი პრეზიდენტი მიხეილ ყაველაშვილი გახდა. ქვეყნის მოსახლეობისა და დასავლეთის პოლიტიკური წრეების წარმომადგენელთა ნაწილი მის ლეგიტიმაციას არ ცნობს. რამდენად შეძლებს ის ასეთ პირობებში საზოგადოების მაკონსოლიდირებელი პოლიტიკური ფიგურის როლის შესრულებას?

15 დეკემბერს ესტონეთმა და ლიეტუვამ საქართველოს პრემიერ-მინისტრ ირაკლი კობახიძეს და ხელისუფლების სხვა წევრებს სანქციები დაუწესეს. ამასთან დაკავშირებით გაკეთებულ ოფიციალურ განცხადებაში ნათქვამია, რომ ეს კიდევ ერთი ბალტიური სახელმწიფოს, ესტონეთის მთავრობასთან კოორდინაციით მოხდა. თუმცა ესტონეთის ხელისუფლებას ახალ სანქციებზე ინფორმაცია არ გაუვრცელებია. ანალიტიკოსებს შეფასებით, 16-17 დეკემბრის ევროკავშირის მინისტერიალის წინ ამის გამოცხადება ნიშნავს, რომ რადგან ერთობლივ სანქციებზე ევროკავშირში კონსენსუსი არაა, ქვეყნები ინდივიდუალურ ნაბიჯებზე გადადიან.

პრეზიდენტის არჩევნების კვირამ და მასთან დაკავშირებულმა პროცესებმა, ნეგატიური პროგნოზების მიუხედავად, განსაკუთრებული დაძაბულობის გარეშე ჩაიარა. თუმცა, აქციები კვლავ უწყვეტად მიმდინარეობს და ყოველდღიურად სხვადასხვა სფეროს წარმომადგენლები მსვლელობებს მართავენ სხვადასხვა ლოკაციებზე. როგორ გაგრძელდება აქციები, გადაიარა თუ არა დაძაბულობის პიკმა და რა შეიძლება მოხდეს 29 დეკემბერს დანიშნულ ახალი პრეზიდენტის ინაუგურაციაზე?

16 დღეა ქვეყანაში პროტესტი არ წყდება და მისი მონაწილეები დიდ აქციას 14 დეკემბერს პრეზიდენტის არჩევნების დღესაც აანონსებენ. არჩევნების პროცედურა პარლამენტის შენობაში დილის 09:00 საათიდან 14:00 საათამდე - 5 საათის განმავლობაში გაიმართება, შესაბამისად ამ პერიოდში შენობის გარეთ ხალხმრავალ აქციას ელოდებიან ანალიტიკოსებიც და არ გამორიცხავენ იმასაც, რომ პროტესტი საღამოს საათებშიც გაგრძელდეს.

"ჩვენ პოლიტიკურმა პარტიამ, „ხალხის ძალა" გადავწყვიტეთ, დავტოვოთ საპარლამენტო უმრავლესობა და ამით სათავე დავუდოთ საქართველოში ჯანსაღი ოპოზიციის არსებობას," - ამის შესახებ პარტია „ხალხის ძალის" დეპუტატმა, გურამ მაჭარაშვილმა განაცხადა. ანალიტიკოსების შეფასებით, ეს არის „ქართული ოცნების" მიერ შექმნილი ხელოვნური ოპოზიცია, რომელიც სერიოზულად არ აღიქმება.

16-17 დეკემბერს ევროკავშირში დაგეგმილია ბლოკის საგარეო საქმეთა და ზოგად საქმეთა საბჭოების სხდომები, ერთ-ერთი მთავარი განსახილველი საქათველოს საკითხი იქნება, სადაც, წინასწარი ინფორმაციით, გარკვეულ შეზღუდვებზე იქნება მსჯელობა, "ყველა ვარიანტი მაგიდაზეა" მათ შორის დიპლომატიური პასპორტების მფლობელებისთვის უვიზო რეჟიმის შეჩერების საკითხი.

აშშ-ის არჩეულმა პრეზიდენტმა, დონალდ ტრამპმა ევროპის ქვეყნებს შესთავაზა, ცეცხლის შეწყვეტის რეჟიმის დაცვის მონიტორინგისთვის თავიანთი ჯარები უკრაინის ტერიტორიაზე განათავსონ, - ინფორმაციას ამერიკული გაზეთი The Wall Street Journal ავრცელებს. ამ ეტაპზე მოლაპარაკების პროცესის დასაწყებად მხარეები უარს ამბობენ და უფრო მეტიც, რუსეთი უკრაინაზე მასიურ სარაკეტო დარტყმებს ახორციელებს. კავკასიის საერთაშორისო უნივერსიტეტის პროფესორის, ვახტანგ მაისაიას ვარაუდით, როცა ტრამპი რეალობას აღიქვამს, შესაძლოა პოზიციები შეიცვალოს.

ქვეყანაში მიმდინარე პროტესტის ფონზე, შვიდი ევროპარლამენტარისგან შემდგარი დელეგაცია საქართველოს 12 დეკემბერს ესტუმრა. ვიზიტის ფარგლებში აუდიენცია გამართეს, როგორც საქართველოს პრეზიდენტ სალომე ზურაბიშვილთან, ისე ოპოზიციის ლიდერებთან, სახალხო დამცველ ლევან იოსელიანთან, არასამთავრობო სექტორისა და მედიის წარმომადგენლებთან.

გავრცელდა ინფორმაცია, თითქოს მე პროტესტის ნიშნად დავტოვე პარტია, გუნდს გავემიჯნე, რაღაც გავაპროტესტე, ვინც კარგად მიცნობს, ეს არ არის ჩემი ხელწერა. მე მაქვს ჩემი წესები, ჩემი პრინციპები, - ასე ეხმაურება „ქართული ოცნების" თავმჯდომარე ირაკლი ღარიბაშვილი გავრცელებულ ცნობებს. დიდი შესვენების შემდეგ მან მედიასთან ქვეყანაში მიმდინარე პროცესებზე ისაუბრა.

ევროკავშირის ინსტიტუციების ახალი ლიდერების ინიციატივაა, რომ შეწყდეს საუბარი და გადავიდეთ ქმედებებზე. ყველა ვარიანტი განიხილება, მათ შორის უვიზო რეჟიმის შეჩერება კონკრეტული პასპორტების მფლობელებისთვის და რაც მთავარია, სანქციები, - ამის შესახებ საქართველოში ევროკავშირის ელჩმა პაველ ჰერჩინსკიმ განაცხადა.