ნაზი ბერიძე
23.01.2024

სამშაბათს ცესკოს თავმჯდომარის შეხვედრა პოლიტიკური პარტიების წარმომადგენლებთან ხმაურისა და დაპირისპირების ფონზე ჩატარდა. ოპოზიციამ ცესკოს თავმჯდომარე ნეპოტიზმსა და „ქართული ოცნების" ინტერესების გატარებაში დაადანაშაულა და მისი ლეგიტიმაციაც ეჭვქვეშ დააყენა. გარდა ამისა, შეხვედრისას თავად ოპოზიციის წარმომადგენლებს შრისაც იყო უთანხმოება და სხდომა ექსპრემიერ გიორგი გახარიას პარტიის „საქართველოსათვის" წარმომადგენელმა დატოვა.

ელზა პაპოშვილი
23.01.2024

არის თუ არა მოსალოდნელი, რომ ენმ-ის ყოფილი თავმჯდომარე ნიკა მელიას პარტიის ფორმირების შემდეგ, მესამე პრეზიდენტმა მიხეილ სააკაშვილმა მათთან თანამშრომლობის სურვილი გამოთქვას? ენმ-ში მომხდარი განხეთქილების შემდეგ სააკაშვილი ამ თემაზე კომენტარისგან თავს იკავებს და მას არც პარტიიდან წასული მელიასა და მისი ჯგუფის მიმართ გამოუხატავს ნეგატიური დამოკიდებულება. ანალიტიკოსები „რეზონანსთან“ აცხადებენ, რომ ამ ჯგუფს სჭირდება მიხეილ სააკაშვილი ერთგვარი ბრენდის სახით და ასევე სააკაშვილს შესაძლოა დასჭირდეს ეს გუნდი ენმ-ის შანტაჟისთვის.

ნაზი ბერიძე
23.01.2024

ოპოზიციურ ფლანგზე რამდენიმე ოპოზიციური ძალის თანამშრომლობის შესახებ დაიწყო საუბარი, რის საფუძელზეც არჩევნებისათვის, შესაძლოა, მათი ალიანსი შეიქმნას. საუბარია ზურაბ ჯაფარიძის „გირჩისა" და ელენე ხოშტარიას „დროას" კონსულტაციებზე „ლელოსთან" და „მთავარი არხის" დამფუძნებელ ნიკა გვარამიასთან, ასევე მომავალში ნიკა მელიას პარტიასთან. ანალიტიკოსთა შეფასებით, ასეთ ალიანსს, თუკი ის შეიქმნა, არჩევნებზე 5%-იანი ბარიერის გადალახვა არ გაუჭირდება, თუმცა ხმებს ისინი ძირითადად ენმ-ს წაართმევენ.

თამთა ჩაჩანიძე
22.01.2024

არჩევნებამდე ცხრა თვეა დარჩენილი, თუმცა ელექტორატის დაახლოებით ნახევარს კვლავ ვერ გადაუწყვეტია, თუ რომელ პოლიტიკურ პარტიას მისცეს ხმა. ოპოზიციურ ფლანგზე გარკვეული მონახაზები თანდათან იკვეთება, თუ როგორ შიძლება წარსდგნენ არჩევნებში, აქტიურად ემზადება „ოცნებაც". როგორც ანალიტიკოსები ამბობენ, ჯერჯერობით ჰორიზონტზე ის ძალები არ აქტიურობენ, რომლებიც ამ ამომრჩეველს წაიყვანს, თუმცა, პერსპექტივა არის.

თამთა ჩაჩანიძე
22.01.2024

2023 წელს საქართველო რუსეთის ფედერაციის იმაზე მეტმა მოქალაქემ დატოვა, ვიდრე შემოვიდა. ანალიტიკოსთან შეფასებით, ამის მთავარი მიზეზი უფრო ეკონომიკური საკითხებია და არაა გამორიცხული, რომ საცხოვრებლად უფრო ხელსაყრელი ადგილი იპოვეს, ან რუსეთში ისეთ საფრთხეს აღარ ხედავენ, როგორც უკრაინაში ომის დაწყების დროს იყო. აქვე უნდა აღინიშნოს, რომ შსს-ს სტატისტიკისვე თანახმად, რუსეთის მოქალაქეთა დიდი ნაკადი განსაკუთრებით 2022-23 წლებში იყო.

ნაზი ბერიძე
22.01.2024

საქართველო უცხოელთათვის თავშესაფრის საძიებლად კვლავ მიმზიდველ ქვეყნად რჩება და ამ მხრივ გეოგრაფიაც საინტერესოა, თუ რომელი ქვეყნის მოქალაქეებს სურთ აქ დარჩენა და რა არის მათი მთავარი მოტივაცია საამისოდ. გასული წლის ბოლო სამი თვის მონაცემებით, საქართველოში თავშესაფრის მაძიებლად 316 პირია აღრიცხული, საიდანაც 61 ირანის მოქალაქეა, 50 თურქეთის, 31 უკრაინის, 29 პაკისტანის, 16 ეგვიპტის, 16 რუსეთის.

ელზა პაპოშვილი
21.01.2024

არის თუ არა მოსალოდნელი „ქართულ ოცნებაში“ და ზოგადად ხელისუფლებაში საკადრო ცვლილებები? ბიძინა ივანიშვილის პოლიტიკაში დაბრუნების შემდეგ, ოპოზიციაში და შესაძლოა, ხელისუფლების გარკვეულ ნაწილშიც გაჩნდა მოლოდინი, რომ ის ასეთ ცვლილებებს გეგმავს. ამის საბუთად კი ოპოზიციას კორუფციაზე მისი მინიშნება მოჰყავს. მათი თქმით, ივანიშვილს ეს შემთხვევით არ გაუკეთებია.   

ნაზი ბერიძე
21.01.2024

მომავალ კვირაში „ლელოს" ლიდერი მამუკა ხაზარაძე თბილისის მერისა და მმართველი პარტიის გენერალური მდივნის, კახა კალაძის წინააღმდეგ სასამართლოში სარჩელს შეიტანს. მიზეზი კალაძის მიერ 17 იანვარს გაკეთებული განცხადებაა. მან დედაქალაქის მთავრობის სხდომაზე აღნიშნა, რომ მამუკა ხაზარაძე „პირველი იყო, ვინც ბინძურ საქმეებს აკეთებდა და სააკაშვილის ხელის ბიჭი იყო". მიიღებს თუ არა სასამართლო წარმოებაში ამ სარჩელს და რას მოუტანს ეს სასამართლო პროცესი ხელისუფლებასა და ოპოზიციას?

ნაზი ბერიძე
21.01.2024

ხელისუფლებას მზად აქვს ევროკომისიის 9 რეკომენდაციის შესრულების სამოქმედო გეგმა, თუმცა საბოლოოდ ჯერ არ გადაუწყვეტია რა ფორმატში წარიმართება მუშაობა - სამუშაო ჯგუფებში, თუ საპარლამენტო კომიტეტებში. ეს კი ოპოზიციის კრიტიკასა და უკმაყოფილებას იწვევს. ანალიტიკოსები მიიჩნევენ, რომ თუკი ოპოზიცია ამჯერადაც უარს იტყვის მმართველ პარტიასთან თანამშრომლობაზე, ამით, ერთის მხრივ, დასავლელი პარტნიორების კრიტიკასაც დაიმსახურებს და მეორეს მხრივ, წინასაარჩევნოდ „ქართულ ოცნებას" ქულების დაწერის საშუალებას მისცემს.

თამთა ჩაჩანიძე
20.01.2024

ოპოზიციას მიაჩნია, რომ „ქართული ოცნების" აწ უკვე საპატიო თავმჯდომარის ბიძინა ივანიშვილის პოლიტიკაში დაბრუნება პარტიის რეიტინგზე დადებითად არ აისახება და ეს უკავშირდება იმას, რომ მმართველ პარტიაში კრიზისია. თავად ივანიშვილმა თქვა, რომ მისი მიზანი „ჭარბად მოძლიერებული გუნდის ადამიანური ცდუნებებისგან დაცვაა" და არა წინასაარჩევნოდ პარტიის გაძლიერება, ეს არგუმენტი კი ანალიტიკოს რამაზ საყვარელიძის თქმით, „ოცნების" მხარდამჭერებმა გაიზიარეს და ივანიშვილის გააქტიურება არ აღიქვეს, როგორც პარტიაში კრიზისი, არც გარედან ჯერჯერობით არ ჩანს, რომ მისმა დაბრუნებამ პარტიაში რამე ცვლილება მოიტანა.

ელზა პაპოშვილი
19.01.2024

ექსპრეზიდენტ მიხეილ სააკაშვილის ციხეში დაბრუნების თემა კვლავ აქტუალური გახდა - ხელისუფლებასა და ოპოზიციას შორის ამ საკითხის გარშემო დაპირისპირება მაშინ განახლდა, როცა ევროსაბჭოს წამების პრევენციის ევროპული კომიტეტმა კლინიკა „ვივამედში“ სააკაშვილისა და იქ მყოფი სხვა პატიმარი პაციენტების პირობების შესახებ შეფასება გამოაქვეყნა. 

ნაზი ბერიძე
19.01.2024

ოპოზიცია წინასაარჩევნოდ კვლავ, წარმატების მოსაპოვებლად, ძალთა კონსოლიდაციას აანონსებს, რაც არა მხოლოდ 5%-იანი ბარიერის გადალახვას, არამედ ხმების დაცვას ითვალისწინებს. პოლიტიკის ექსპერტები „რეზონანსთან" ოპოზიციის შანსებს კონსოლიდირების შემთხვევაში დიდად მომგებიანად არ მიიჩნევენ, გააჩნია ოპოზიციის წარმომადგენლებს რა ხედვები ექნებათ და რა კრიტერიუმებით შეერწყმებიან ერთი მეორეს.


Copyright © 2006-2024 by Resonance ltd. . All rights reserved
×