ფინეთისა და შვედეთის ნატოში გაწევრიანების შემდეგ როდის უნდა ველოდოთ ალიანსის გაფართოების მორიგ ტალღას და ვინ დგას რიგში შემდეგი, ვისაც ექნება პრივილეგია ამ ორგანიზაციის წევრი გახდეს - არის თუ არა ერთ-ერთი მთავარი კანდიდატი საქართველო. მომავალი სამიტი 2024 წელს ვაშინგტონში გაიმართება.

მოუგო თუ არა პოლიიტიკურად ხელისუფლებამ ოპოზიციას და რატომ დაიხია უკან ირაკლი კობახიძემ შოვის ტრაგედიაზე გაკეთებული განცახდების შემდეგ? კარგია თუ არა, როცა ხელისუფლება ხვდება, რომ შეცდომა დაუშვა და მისი გამოსწორებაც არ ეთაკილება, ბოდიშსაც იხდის და ცდილობს საზოგადოებას აუხსნას, რომ შეცდომის დაშვებას აღიარებს? ანალიტიკოსები მიიჩნევენ, რომ მმართველი პარტიის თავმჯდომარის მოქმედება სწორია, თუმცა, თუკი ხისტი და დაუფიქრებელი განცხადებების გაკეთებამ და საზოგადოების პროტესტის შემდეგ ამაზე ბოდიშის მოხდამ თუ სისტემატური ხასიათი მიიღო, ეს „ოცნებას“ სერიოზულად დააზიანებს.

აშშ-ის ელჩი კელი დეგნანი ასრულებს საქართველოში მოღვაწეობას. შაბათს მან გამოსამშვიდობებელი შეხვედრა გამართა საქართველოს პრემიერთან. ანალიტიკოსთა შეფასებით, დამოუკიდებელ საქართველოს ისტორიაში არცერთ სხვა ელჩს არ ჰქონია ასეთი რთული ურთიერთობა საქართველოს ხელისუფლებასთან,. „რეზონანსთან" საუბარში ისინი საქართველოში დეგნანის მოღვაწეობას აფასებენ და იმაზეც საუბრობენ, თუ რა შეიძლება შეიცვალოს ახალი ელჩის პირობებში.

რას მოუტანს საქართველოს ბოლო დროს წარმოებული საგარეო პოლიტიკა და რას ნიშნავს ჩინეთთან და ისრაელთან დადებული სხვადსახვა სფეროებში თანამშრომლობაზე გაფორმებული ხელშეკრულებები. უფრო  მეტიც, საქართველო და ჩინეთი ახალ სტრატეგიულ პარტნიორობაზე შეთანხმდნენ, რასაც  ქვეყნის შიგნით არაერთგვაროვანი გამოხმაურებები მოჰყვა. 

„ოცნების" ყოფილი თანადამფუძნებლისა და ამჟამად ოპოზიციონერი ეკა ბესელიას განცხადებას კობახიძის ბოდიშთან დაკავშირებით, ხელისუფლების მწვავე შეფასება მოჰყვა.

2024 წლის არჩევნებისთვის აუცილებლად მივიღებთ განსხვავებულ პოლიტიკურ ველს, სცენაზე გამოვა რამდენიმე ახალი პოლიტიკური ძალა. ქარიზმატული ლიდერების ეპოქა წარსულს ჩაბარდა, ხალხი ხმას მისცემს პროგრამებს და არა - პიროვნებებს - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ ვითარებაზე გაესაუბარა.

ღარიბაშვილის ვიზიტი ისრაელში და მოლაპარაკებები  პრემიერ ნეთანიაჰუსთან, სხვა საკითხებთან ერთად, თავისუფალი ვაჭრობის შესახებ შეთანხმებას შეეხება, რაც უკვე ხელმოწერილია და მოლაპარაკებები დეტალებზე 2024 წელს უნდა დაიწყოს. ამასთან, „უმაღლეს პოლიტიკურ დონეზე ბევრი საკითხი არის განსახილველი, ბევრი არის დაგროვილი, ბევრი გადასაწყვეტია“, აცხადებს პრემიერის ისრაელში ვიზიტის კომენტირებისას საქართველოს ელჩი ლაშა ჟვანია. 

ნატოს გენერალური მდივნის აპარატის ხელმძღვანელის სტიან იენსენის მოსაზრებამ, რომ რუსეთისთვის გარკვეული ტერიტორიის დათმობა შეიძლება კიევისთვის იყოს გზა მშვიდობის მისაღწევად და ნატოში გასაწევრიანებლად, კიევის მკაცრი რეაქცია გამოიწვია. „უცნაურია ამ თემის ასეთი შემოგდება, სრულიად გაუგებარია, რატომ გააკეთეს ეს, იმისთვის, რომ ჩვენი ნერვები შეამოწმონ? არ არის საჭირო, კარგ მდგომარეობაში ვართ 2022 წლის 24 თებერვლიდან", - განაცხადა უკრაინის ეროვნული უსაფრთხოებისა და თავდაცვის საბჭოს მდივანმა ოლექსი დანილოვმა.

პარლამენტში შოვის ტარაგედიასთან დაკავშირებით საგამოძიებო კომისიის შექმანსთან დაკავშირებით ოპოზიცია კონსულტაციების რეჟიმში ყოფნას განაგრძობს და ყველა საპარლამენტო ბერკეტის გამოყენებას ანონსებს. ოპოზიციის ნაწილი დარწმუნებულია, რომ ხელისუფლება, რომელიც კატეგორიულად ეწინააღმდეგება საგამოძიებო კომისიის შექმნას, რაღაც აქვს დასამალი.

მივიღებთ თუ არა თვისობრივად განხვავებულ პოლიტიკურ ველს 2024 წლის არჩევნებისთვის და რა იქნება გადამწყვეტი ფაქტორი, რომელიც შედეგზე მოახდენს ზეგავლენას - ბარდება თუ არა წარსულს ქარიზმატიული ლიდერების ეპოქა.

შოვში, სტიქიის ზონაში, ტრაგედიიდან თითქმის ორი კვირის შემდეგ, 15 აგვისტოს მონაცემებით, კიდევ ერთი ადამიანის ცხედარი იპოვეს. შესაბამისად, სტიქიის შედეგად დაღუპულთა რიცხვი 26-მდე გაიზარდა. გრძელდება კიდევ 7 მოქალაქის ძებნა.

ექსპრემიერ გიორგი გახარიას პარტიამ „საქართველოსთვის" საბოლოოდ გადაწყვიტა, რომ შოვის ტრაგედიასთან დაკავშირებით საპარლამენტო საგამოძიებო კომისიის შექმნას მხარს არ დაუჭერს. ანალიტიკოსები მათ არგუმენტებს არადამაჯერებლად მიიჩნევენ და ფიქრობენ, რომ კომისიის შექმნა ამ საკითხის კიდევ უფრო მეტად პოლიტიზირებას არ გამოიწვევს. გახარიას ეს გადაწყვეტილება კი, შესაძლოა, მის მიერ არჩეულ სტრატეგიას უკავშირდებოდეს - იგი ემიჯნება „ქართულ ოცნებსაც" და „ნაციონალურ მოძრაობასაც" და პოზიციონირებს როგორც ყველასგან დამოუკიდებელი პოლიტიკური ძალა.