„ლელოს" ლიდერის, მამუკა ხაზარაძისა და გერმანიის ელჩის პეტერ ფიშერის გარშემო მმართველი პარტიის მიერ აგორებული სკანდალს შეიძლება სამართლებრივი გაგრძელება ჰქონდეს. „ქართული ოცნების" ლიდერთა განცხადებების შემდეგ, ანალიტიკოსები არ გამორიცხავენ, რომ ხაზარაძის წინააღმდეგ გადასახადებისგან თავის არიდების ბრალდებით ახალი საქმე აღიძრას.

რუსეთმა ოფიციალურად გამოაცხადა, რომ წყვეტს საშუალო და მოკლე რადიუსის რაკეტების წარმოებასა და განლაგებაზე ცალმხრივ მორატორიუმს. კრემლის თქმით, ეს გადაწყვეტილება დასავლეთის სამხედრო ქმედებების პასუხია და ექსპერტების შეფასებით, შესაძლოა, მსოფლიოში „კარიბის კრიზისის" სცენარი გამეორდეს, რადგან მოსკოვის ეს გადაწყვეტილება ბირთვული დაძაბულობის რისკს ზრდის და ევროპის უსაფრთხოებას კითხვის ქვეშ აყენებს.

ვიზალიბერალიზაციასთან დაკავშირებით ახალი პრობლემა გაჩნდა. შეიძლება შეიზღუდოს შენგენის ზონაში საქართველოს მოქალაქეების გადაადგილება. ამის ორი მიზეზია - საქართველოს მოქალაქეებთან დაკავშირებული კრიმინალური პრობლემები და ასევე უსაფრთხოების საკითხები, რადგან ევროპაში ჩასულ საქართველოს მოქალაქეებს შორის შეიძლება იყვნენ რუსული დაზვერვის აგენტები. ანალიტიკოსები ვარაუდობენ, რომ ამ თემების წინ წამოწევა შემთხვევითი არ არის და შესაძლოა ამ მიზნით საქართველოს ვიზალიბერალიზაცია შეუჩერდეს.

„ლელო" და „გახარია საქართველოსთვის" საზოგადოებრივი აზრის კვლევას ატარებენ მერობის საერთო კანდიდატის შესარჩევად. კანდიდატურების ზუსტი რაოდენაობა უცნობია, თუმცა, ღიად და გარკვეული მინიშნებებით ბოლო დღეებში ცნობილი გახდა ორის ვინაობა - ალეკო ელისაშვილი „ლელო - ძლიერი საქართველოდან" და გიორგი შარაშიძე პარტიიდან" გახარია საქართველოსთვის.

საქართველოში ინტერნეტის სიჩქარე მინიმალურ სტანდარტსაც ვერ აკმაყოფილებს და ტარიფს სრულიად არ შეესაბამება. ამ დროს მომხმარებელს გადასახადი ყოველთვის სწორედ სიჩქარის გაზრდის მოტივით  უძვირდება, თუმცა სერვისი რეალურად ვერ გაუმჯობესდა. ის, რომ კომპანიები თავიანთ ვალდებულებებს ვერ ასრულებენ, უკვე კვლევებითაც დადასტურებულია. 

საქართველო ისეთი სახელმწიფოების სიაშია, სადაც სესხის მომსახურება ძნელია. როგორც ფიზიკური, ისე იურიდიული პირებისთვის ფინანსური ვალდებულების გასტუმრება პრობლემაა. საბანკო ასოციაციაში ვარაუდობენ, რომ წლის ბოლოსთვის ლარში გაცემულ სესხებზე საპროცენტო განაკვეთი დაიკლებს, თუმცა სულ სხვა მოლოდინი აქვთ ფინანსისტებს და იმასაც ამბობენ, რომ ასეთ შემთხვევაში კლება არ იქნება მნიშვნელოვანი. 

„ბათუმელებისა" და „ნეტგაზეთის" დამფუძნებლის, მზია ამაღლობელის, სისხლის სამართლის საქმეზე გადაწყვეტილება 6 აგვისტოს, 14:00 საათზე გამოცხადდება. ამის შესახებ მოსამართლე ნინო სახელაშვილმა 4 აგვისტოს ბათუმის საქალაქო სასამართლოს სხდომაზე განაცხადა. ოპოზიციონერები მზია ამაღლობელს სოლიდარობას უცხადებენ და ამბობენ, რომ „ოცნება" ქვეყანაში კრიტიკული მედიისა და აზრის ჩახშობას ცდილობს, მმართველ პარტიაში კი კანონის წინაშე თანასწორობაზე საუბრობენ.

აშშ-ის პრეზიდენტი დონალდ ტრამპი აცხადებს, რომ მისი სპეციალური წარმომადგენელი სტივ უიტკოფი რუსეთში მიმდინარე კვირაში ჩავა. მისივე თქმით, უიტკოფი რუსეთს 10-დღიანი ვადის ამოწურვამდე ესტუმრება, რომელიც თეთრი სახლის ლიდერმა რუსეთის ხელისუფლებას უკრაინაში ცეცხლის შესაწყვეტად მისცა.

Kyiv Post-ის ვაშინგტონის კორესპონდენტი ალექს რაუფოღლუ სოციალურ ქსელში წერს, რომ სომხეთი და აზერბაიჯანი მზად არიან ვაშინგტონში მშვიდობის დამყარების შესახებ მიღწეული შეთანხმება გამოაცხადონ.

პარლამენტის დროებითი საგამოძიებო კომისიის 430-გვერდიანი დასკვნა, სავარაუდოდ, სექტემბრის პირველივე დღეებში გასაჯაროვდება, ამის შესახებ განცხადება კომისიის თავმჯდომარემ, თეა წულუკიანმა გააკეთა. მმართველ პარტიაში ამბობენ, რომ დასკვნა მომავალ თაობებს სიმართლის დანახვის შესაძლებლობას მისცემს, ოპოზიციაში კი აღნიშნულ დოკუმენტს სამშობლოს მოღალატეების განაჩენად აფასებენ.

თვითმმართველობის არჩევნებამდე ორი თვე რჩება და ოპოზიციური პარტიები, რომლებიც პროცესში მონაწილეობენ, მერობის კანდიდატების დასახელებას ჯერ კიდევ არ ჩქარობენ. როგორია „ლელოსა" და პარტიის „გახარია საქართველოსთვის" პარტიების შანსები რეგიონებში, სად აქვთ მათ შედარებით ძლიერი პოზიციები და გამეორდება თუ არა წალენჯიხის პრეცედენტი, როცა არჩევნები „ოცნების" კანდიდატის მარცხით დასრულდა?

აშშ-ის პრეზიდენტის ულტიმატუმსა და ამერიკული წყალქვეშა ნავების გადადგილების შესახებ გადაწყვეტილებამ რეგიონში დაძაბულობა გაზარდა - დონალდ ტრამპმა ორი ატომური წყალქვეშა ნავის „შესაბამის რეგიონებში" განლაგების ბრძანება გასცა და რუსეთს 8 აგვისტოსთვის ცეცხლის შეწყვეტა მოსთხოვა. კრემლიდან ამაზე ჯერ ოფიციალური განცხადება არ გაკეთებულა, თუმცა საერთაშორისო ექსპერტები აღნიშნავენ, რომ ტრამპის ეს ნაბიჯები ძირითადად პოლიტიკურ თამაშს ემსახურება და რეალურ სამხედრო საფრთხედ ნაკლებად აღიქმება.