შესაძლოა, ორ კვირაში რუსეთისა და უკრაინის პრეზიდენტები, ვლადიმირ პუტინი და ვოლოდიმირ ზელენსკი ერთმანეთს პირისპირ შეხვდნენ. ეს ინფორმაცია ჯერ აშშ-ის პრეზიდენტმა, შემდეგ კი გერმანიის კანცლერმა ჟურნალისტებთან გაავრცელა. სავარაუდო მოლაპარაკებების ფარგლებში საკვანძო საკითხად რჩება, თუ როგორ გადანაწილდება ტერიტორიები და რომელ სახელმწიფოს რისი დათმობა მოუწევს.

ბოლო პერიოდში საქართველოში ინფლაცია მუდმივად მზარდია, რაც მოსახლეობისთვის პრობლემაა, განსაკუთრებით მოწყვლადი ფენისათვის, რადგან სიძვირე ყველაზე მეტად სურსათის კომპონენტს ეხება, სადაც ორნიშნა ინფლაცია ფიქსირდება.  

18 აგვისტოს თეთრ სახლში გამართული შეხვედრას დასავლელი ანალიტიკოსები პირველ რიგში განიხილავენ, როგორც დასავლეთის სრული ერთსულოვნების დემონსტრირებას უკრაინის მხარდაჭერის საკითხში. გარდა ამისა, ხაზს უსვამენ შეხვედრის ორ მთავარ შედეგს - უკრაინისათვის უსაფრთხოების გარანტიების შემუშავებაში აშშ პირდაპირ ჩაერთვება და ამ საკითხზე მომუშავე ჯგუფს სახელმწიფო მდივანი მარკო რუბიო ჩაუდგება სათავეში. ასევე მიღწეულია წინასწარი შეთანხმება, რომ უახლოეს მომავალში, სავარაუდოდ აგვისტოს ბოლოს, გაიმართება უკრაინისა და რუსეთის პრეზიდენტების, ვოლოდიმირ ზელენსკისა და ვლადიმირ პუტინის შეხვედრა, თუმცა კრემლში ამ ცნობას ბოლომდე არ ადასტურებენ.

„ლელო - ძლიერმა საქართველომ" და პარტიამ „გახარია საქართველოსთვის" თბილისის მერობის ერთიან კანდიდატად „ლელოს" გენერალური მდივანი, ირაკლი კუპრაძე დაასახელეს. 18 აგვისტოს გამართულ ღონისძიებაზე კუპრაძემ რუსულ გავლენებსა და უსამართლობასთან ბრძოლა დააანონსა. ამ გადაწყვეტილებას მყისვე მოჰყვა პოლარიზებული შეფასებები - ოპოზიციის ნაწილი კუპრაძის კანდიდატურას „კატასტროფულ შეცდომად" აფასებს, მმართველ პარტიაში კი გამარჯვებაზე ისევ თავდაჯერებულად საუბრობენ.

რუსეთ-უკრაინის ომი დასრულებისკენ მიდის, რაც არაერთი ქვეყნის სავაჭრ-ეკონომიკურ ურთიერთობებზე იმოქმედებს და ახალ რელსებზე გადაიყვანს. საქართველოსთვის ერთგვარ გამოწვევას წარმოადგენს არსებული შესაძლებლობების შენარჩუნება და ახალი პოტენციალის გამოყენება. მით უმეტეს, ერთ-ერთი საკითხია რუსეთისთვის ეკონომიკური სანქციების მოხსნა, რაც ლოგისტიკის მიმართულებით ბევრ რამეს შეცვლის. ,,ბიზნეს-რეზონანსი" შეეცადა გარკვევას,  რა შეიცვლება რეალურად საქართველოსთვის, შესუსტდება ჩვენი როლი თუ მშვიდობიანობის პერიოდში ახალი შესაძლებლობები გაჩნდება?

"ქართული ოცნებისთვის" "სულერთია" დააკვირდება თუ არა ეუთო/ოდირი ადგილობრივ არჩევნებს. მმართველ პარტიაში დარწმუნებულები არიან, რომ ყველა შემთხვევაში, 64-ივე მუნიციპალიტეტში ობიექტურად მოიგებენ, თავის მხრივ ბოიკოტში მყოფ ოპოზიციას საკუთარი გეგმები აქვს.

დროის ლიმიტი იწურება - 31 აგვისტო საქართველოსთვის ევროკავშირის რეკომენდაციების შესრულების ბოლო ვადაა, ანალიტიკოსები ამბობენ, რომ პოლიტიკური კონიუქტურის და პროცედურების გაწელილობის გამო მნიშვნელოვანი ცვლილებები არჩევნებამდე მოსალოდნელი არაა, აღნიშნავენ, რომ უვიზო მიმოსვლის შეჩერების პროცედურები შესაძლოა წლის ბოლომდე გაიწელოს.

რუსეთ-უკრაინის ფრონტზე მდგომარეობა რთულდება, ამის შესახებ ინფრომაციას უკრაინის შეირაღებული ძალების მთავარსარდალი ალექსანდრ სირსკი ავრცელებს, მისივე თქმით, რუსეთი ჩავარდნილი გეგემების განახლებას იწყებს და ქვედანაყოფები სუმისა და ზაპოროჟიესკენ გადაჰყავს. რისი მიღევა სურს რუსეთს და განახორციელებს თუ არა წარმატებით იმ გეგმას, რომელიც ერთხელ უკვე ჩაეშალა, საკვანძო კითხვად რჩება.

საავტომობილო თხევადი გაზი მკვეთრად გაძვირდა. ბოლო  1 თვის განმავლობაში ფასმა 1,50 ლარს მიაღწია, რაც პროდუქტის დეფიციტით არის გამოწვეული. თავის დროზე ამ საწვავზე მაღალი მოთხოვნა სწორედ დაბალი ფასით იყო განპირობებული, რადგან მძღოლებისთვის ეკონომიურ, ბენზინის ალტერნატივად მიიჩნეოდა და ასეც იყო. სანამ თხევად გაზზე აქციზის გადასახადს დააწესებდნენ. ამ ეტაპზე კი მისი გაძვირების საფუძველი ბიუროკრატიულ ბარიერებს უკავშირდება, რაზეც სექტორში ღიად საუბრობენ და თხევადი გაზის ფასის მატებას ლარსის გამშვებ პუნქტთან შექმნილ ვითარებას უკავშირებენ. 

რუსეთის უშიშროების ფედერალური სამსახური საქართველოს ისევ ადანაშაულებს "ყირიმის ხიდზე ტერაქტის მცდელობაში" უკრაინის ხელშეწყობისთვის. მათი მტკიცებით, სედანის ტიპის ავტომობილი, რომელშიც "მძლავრი თვითნაკეთი ბომბი იდო" უკრაინიდან ოკუპირებულ ყირიმში რამდენიმე სატრანზიტო ქვეყნის, მათ შორის საქართველოს გავლით გადავიდა.

15 აგვისტოს ალასკაზე აშშ-სა და რუსეთის პრეზიდენტების, დონალდ ტრამპისა და ვლადიმირ პუტინის შეხვედრის შემდეგ, ორშაბათს, 18 აგვისტოს, ვაშინგტონში უკრაინის პრეზიდენტ ვოლოდიმირ ზელენსკისა და ევროპელ ლიდერებს უმასპინძლებს. უკვე ცნობილია რუსეთის პირობები, თუ რა შემთხვევაში დათანხმდება კრემლი უკრაინაში ომის დასრულებას. ამ პირობებზე ზელენსკისა და ევროპელი ლიდერების პირველი რეაქცია მკვეთრად ნეგატიურია და სწორედ ორშაბათის შეხვედრაზე გამოჩნდება, არის თუ არა უკრაინა თანახმა დათმობებზე და კონკრეტულად რა შეიძლება დათმოს.

თუ უკრაინის ომთან დაკავშირებით მოლაპარაკებებიდან რუსეთი მოგებული გამოვა და უკრაინის ტერიტირიებს დაიკანონებს, ეს გავლენას მოახდენს საერთაშორისო სამართალზე დამყარებულ წესიგზე და პრეცედენტს შექმნის თანამედროვე ეპოქაში, რომ ძალით საზღვრების შეცვლა შესაძლებელია. ეს კი საკმაოდ სერიოზულ გამოწვევებს აჩენს ისეთი ქვეყნებისთვის, და მათ შორის საქართველოსთვის, რომლებსაც დღეს ტერიტორიული დავები, ან ტერიტორიული მთლიანობის პრობლემა აქვთ. ამის შესახებ „რეზონანსთან“ ანალიტიკოსები საუბრობენ და მიმდინარე მოლაპარაკების საქართველოზე ასახვის სხვადასხვა სცენარებს განიხილავენ.