2 სექტემბერს პარლამენტში საშემოდგომო სესია იხსნება და ერთ ერთ პრიორიტეტულ საკითხად თეა წულუკიანის 430 გვერდიანი დასკვნის დამტკიცებაა, რაც, სავარაუდოდ, უახლოეს დღეებში მოხდება. ოპოზიციაში აცხადებენ, რომ ეს ხელისუფლებისათვის ოპონენტების დევნის ახალი ბერკეტია. რა გავლენას მოახდენს დასკვნა წინასაარჩევნო გარემოზე, საარჩევნო კამპანიაში ჩართული პარტიების პოზიციებზე და საბოლოოდ, არჩევნების შედეგებზე?

აშშ-ის პრეზიდენტის ულტიმატუმის ვადა მომავალი კვირის ბოლოს, 5 სექტემბერს იწურება და უკვე ყველასათვის ნათელია, რომ მთავარი პირობა - რომ უკრაინისა და რუსეთის პრეზიდენტები პირად შეხვედრაზე შეთანხმდნენ - ვერ შესრულდება. ამის ფონზე დონალდ ტრამპი მედიასთან უკვე სამმხრივი შეხევდრის შესაძლებლობაზე საუბრობს და სოციალურ ქსელში დამაინტრიგებელ მინიშნებებს აკეთებს.

ორ თვეზე მეტია, რაც ექსპრემიერი გიორგი გახარია საქართველოში არ იმყოფება. 30 აგვისტოს კი გავრცელდა ინფორმაცია, რომ მან გერმანიაში ბინადრობის უფლება მიიღო. მის პარტიაში აცხადებენ, რომ გახარია ამჟამად ევროკავშირში ხანგრძლივი საქმიანობისთვის საჭირო პროცედურებს გადის და „უახლოეს დღეებში“ თავად გააკეთებს განცხადებას თავისი გეგმების შესახებ. ანალიტიკოსთა ნაწილი არ გამორიცხავს, რომ ექსპრემიერი უშუალოდ 4 ოქტომბრის ადგილობრივი არჩევნების წინ დაბრუნდეს სამშობლოში.

აშშ-ის საერთაშორისო განვითარების სააგენტო (USAID) დახურვა საბოლოო ეტაპზე გადადის. სახელმწიფო მდივანმა მარკო რუბიომ პარასკევს განაცხადა, რომ „იუ-ეს-ეიდ“-ის სადავეებს მენეჯმენტისა და ბიუჯეტის ოფისის დირექტორს, რას ვოთს გადასცემს, რათა სააგენტოს „დახურვის პროცესს ზედამხედველობა გაუწიოს“.

ევროკომისიის მიერ „ქართული ოცნების" ხელისუფლებისთვის დათქმული ვადა ამოიწურა და ახლო მომავალში, სავარაუდოდ, დღის წესრიგში დადგება უვიზო მიმოსვლის შეჩერების საკითხი. მმართველ პარტიაში ფიქრობენ, რომ ევროპული რეკომენდაციების შესრულებაზე უარის თქმის მიუხედავად, ევროკავშირი ასეთ რადიკალურ ნაბიჯს არ გადადგამს. ანალიტიკოსთა უმრავლესობაც ნაკლებად სავარაუდოდ მიიჩნევს უვიზო მიმოსვლის შეჩერებას, თუმცა ფიქრობენ, რომ თუ ეს გადაწყვეტილება მაინც იქნება მიღებული, ეს წლიმდე ბოლოს არ მოხდება.

ჩინეთში 3 სექტემბერს დაგეგმილ გამარჯვების აღლუმს 26 ქვეყნის, მათ შორის სომხეთისა და აზერბაიჯანის პრეზიდენტები დაესწრებიან, თუმცა მოწვეულთა სიაში საქართველოდან არავინაა. ეს დემონსტრაციული ჟესტი, ანალიტიკოსების შეფასებით, საქართველოსა და ჩინეთის ურთიერთობებში პრობლემების გაჩენაზე მიუთითებს.

2 სექტემბერს პარლამენტის საშემოდგომო სესია იხსნება, პრიორიტეტულ საკითხებში გიორგი გახარიას პარტიის მანდატების ადგილმონაცვლეთა უფლებამოსილების ცნობაა. „გახარია საქართველოსთვის" ცესკო-ში სია არ ჩაუხსნია და შესაბამისად უახლოეს დღეებში ივლისში გაუქმებულ 12-ეულს, „ოცნება" მომდევნო 12 კაცით ჩაანაცვლებს. თავად პარტიაში ამ დრომდე პარლამენტში შესვლას კატეგორიულად გამორიცხავენ, თუმცა ანალიტიკოსთა ნაწილი ამბობს, რომ ადგილობროვ არჩევნებზე დიდი ბერკეტი საპარლამენტო ტრიბუნაა.

8 ოპოზიციური პარტია 13 სექტემბერს საპროტესტო მსვლელობას გეგმავს, თუმცა უკვე წინასწარ ისმის საუბარი 4 ოქტომბრის აქციაზეც, სადაც ენმ ხელისუფლების „მშვიდობიან დამხობას" აანონსებს. გაურკვეველია, შეუერთდებიან თუ არა პროცესს „ლელო" და გახარიას პარტია, რომლებიც ბოიკოტის რეჟიმში არ არიან.

ბოიკოტში მყოფი ოპოზიცია 13 სექტემბრის მსვლელობისთვის აქტიურად ემზადება, აცხადებს, რომ „ოცნებას" „აქციის ეშინია" და „თავდასხმის რეჟიმზეა გადასული". ამასთან, მმართველი პარტიის ოპონენტები ერთ-ერთ სცენარად არ გამორიცხავენ, რომ ხელისუფლების მხარდამჭერებმა კონტრაქცია მოაწყონ.

„დროას" ლიდერ ელენე ხოშტარიასა და ენმ-ის წევრებს შორის უთანხმოების მიზეზად 8-პარტიული ფორმატის ბედი იქცა. ენმ მოითხოვს ფედერალისტების ლიდერის, თამარ ჩერგოლეიშვილის, გარიცხვას, ხოშტარია კი პასუხობს, რომ ფორმატი „არავის ხასიათზე არ აწყობილა" და მხოლოდ მაშინ დაიშლება, თუ ვინმე ბოიკოტზე უარს იტყვის. დარჩება თუ არა ოპოზიციური ფორმატი ძალაში, თუ ფინალურ ფიასკომდე მივა, ჯერჯერობით უცნობია.

სუპერმარკეტებში პროდუქციის მოსახვედრად ბევრი სახის გადასახადი მოქმედებს, რაც განსაკუთრებულ პრობლემას წარმოადგენს ადგილობრივი წარმოებისთვის, ამიტომ ეკონომისტები მიიჩნევენ, რომ სამამულო პროდუქციისთვის საშეღავათო პირობები უნდა მოქმედებდეს.

გამყვან ტურებზე მოთხოვნა მატულობს. მიუხედავად იმისა, რომ მომსახურების ტარიფი თითქმის ყველა ქვეყანაში გაზრდილია და იაფი დასვენების შესაძლებლობა ხალხს ფაქტობრივად არ აქვს, ტურისტული აქტივობისთვის ამ ფაქტორს გავლენა არ მოუხდებნია. ქართველი დამსვენებლები დღეისათვის ქართველი ტურისტებისთვის ზაფხულის სეზონზე ნომერ პირველ მიმართულებად თურქეთი რჩება. როგორც ტურისტულ კომპანიებში აცხადებენ, წინა წელთან შედარებით, მოთხოვნა გაზრდილია და ეს დინამიკა სეზონის ბოლომდე შენარჩუნდება.