გარდაბნის რაიონში, სოფელ ფოლადიანთკარში ავტოვარიის შემდეგ მასობრივი ჩხუბი მოხდა. ავტომობილი ელექტროგადამცემ ბოძს დაეჯახნენ. ავარიის შედეგად, არსებული ინფორმაციით, არავინ დაშავებულა, მაგრამ სოფელი უშუქოდ დარჩა. ავარიის ადგილზე მისულ ადგილობრივებსა და მანქანის მგზავრებს შორის კი მასობრივი ჩხუბი მოხდა, რის შემდეგაც რამენიმე ადამიანს სამედიცინო დახმარება დასჭირდა.

პლიტიკური თავლსაზრისით :მკვდარი სეზონის" დასრულების შემდეგ, შემოდგომაზე ერთ-ერთი მთავარი პოლიტიკური მოვლენა იქნება ენმ-ში მიმდინარე პროცესების და პარტიის ყოფილი თავმჯდომარის, ნიკა მელიას მოსალოდნელი გამოყოფა „ნაციონალური მოძრაობისაგან". ამის შესახებ „რეზონანსთან" ანლიტიკოსები საუბრობენ. მათი შეფასებით, შემოდგომაზე ასევე საბოლოოდ გაირკვევა, დაიწევს საარჩევნო ბარიერი, თუ 5%-ზე შენარჩუნდება, რაზეც დიდწილად იქნება დამოკიდებული როგორ დაჯგუფდებიან წვრილი ოპოზიციური პარტიები და რა პოლიტიკურ კონფიგურაციას მივიღებთ 2024 წლის საპარლამენტო არჩევნების წინ.

უკრაინის თავდაცვის ძალები რუსი დამპყრობლების შეტევას ფრონტის ხაზის რამდენიმე მიმართულებით აკავებენ. გასული დღის განმავლობაში 23 საბრძოლო შეტაკება მოხდა. კუპიანსკის მიმართულებით, რუსებმა წარუმატებელი შეტევითი ოპერაციები ჩაატარეს ლუგანსკის ოლქის ნოვოგოროვკას რაიონში, ხოლო ბახმუტის მიმართულებით - დონეცკის ოლქის ვესელეს რაიონში.

რა ტიპის უსაფრთხოების საერთაშორისო გარანტიები შეიძლება მიიღოს უკრაინამ და შესაძლოა თუ არა მსგავსი შემაკავებელი მოდელი მომავალში სხვა ქვეყნებზეც გავრცელდეს, რომლებიც რუსეთის აგრესიის საფრთხის ქვეშ არიან, მათ შორის საქართველოზეც. ანალიტიკოსები „რეზონანსთან" თვლიან, რომ დასავლეთი უნდა გახდეს პასუხისმგებელი საერთაშორისო წესრიგსა და უსაფრთხოებაზე, რათა უკრაინის პრეცენდენტი არ განმეორდეს. ყველაზე მნიშვნელოვანი ეს საქართველოსთვისაა, რადგან ის არის, რუსული აგრესიის ერთერთი მსხვერპლი.

შესაძლოა თუ არა საქართველოსა აშშ-ს შორის პირდაპირი ავიამიმოსვლა დაიწყოს და რა დადებითი ზეგავლენა ექნება ამას ორი ქვეყნის ურთიერთობაზე - ექსპერტები „რეზონანსთან" აცხადებენ, რომ ეს პირველ რიგში იქნება მომგებიანი საქართველოსთვის ეკონომიკური კუთხით, ასევე გააუმჯობესებს ორ ქვეყანას შორის დიპლომატიურ კავშირებს და სტრატეგიულ პარტნიორობას.

უკრაინის დამოუკიდებლობის დღეს, უკრაინელებმა ოკუპირებულ ყირიმში დესანტი გადასხეს. მანამდე კი ასევე ყირიმში, დრონებისა და რაკეტების კომბინირებული შეტევით, რუსების უახლესი ჰაერსაწინააღმდეგო თავდაცვის სისტემა „ს-400“-ის დივიზიონი გაანადგურეს. ამალიტიკოსთა შეფასებით, ეს პირველ რიგში მძიმე მორალური დარტყმაა ოფიციალური მოსკოვისათვის.

საქართველოსა და ზოგადად, დასავლეთს შორის ურთიერთობების გაუარესების ფონზე, საქართველოში ბელგიის საგარეო საქმეთა მინიტრ აჯა ლაბიბის ვიზიტს ანალიტიკოსები უაღრესად მნიშვნელოვნად მიიჩნევენ. მათი შეფასებით, საუბრის მთავარი თემები იქნებოდა როგორც საქართველოსათვის ევროკავშირის წევრობის კანდიდატის სტატუსის მინიჭების საკითხი, ისე მისი საქართველოს საგარეო პოლიტიკა - დამოკიდებულება უკრაინაში მიმდინარე ომთან, სტრატეგიული პარტნიორობა ჩინეთთან და სხვა. ამასთან, მათი ვარაუდით, შესაძლოა, ამ შემთხვევაში მინისტრი ლაბიბი არა მხოლოდ ბელგიას წარმოადგენდა, არამედ ჩამოიტანა ახალი მნიშვნელოვანი გზავნილები საქართველოს დასავლელი პარტნიორებისაგან.

საქართველო რეგიონში ეკონომიკური ზრდით ერთ-ერთი მოწინავე ქვეყანაა, თუმცა მშპ-ს ზრდა მოსახლეობის ჯიბესა და კეთილდრეობაზე არ ისახება. უკანასკნელი ორი წლის განმავლობაში მთავრობა ეკონომიკური ზრდის მაღალი მაჩვენებლით თავს იწონებს, მაგრამ ამის პარალელურად, უამრავი სოციალურად დაუცველი და უმუშევარი ადამიანი ჰყავს.

საბანკო სექტორი ეკონომიკაში ფაქტობრივად ერთადერთია, რომლის მ ოგებაც არნახულ მასშტაბს აღწევს. ტენდენცია ნებისმიერ პერიოდში უცვლელია და ამ მხრივ რაც 2023 წელია გამონაკლისი. როგორც სპეციალისტები აღნიშნავენ, სესხების გაძვირებით და ჯარიმა-საურავებით ბანკებს დიდძალი მოგება უგროვდება.

წინასაარჩევნოდ მთავარ ოპოზიციურ პარტიაში საკუთარი რიგების გასაძლიერებლად შიდა გადაჯგუფება დაიწყო და დახურული კონსულტაციებიც მიმდინარეობს. პარტიაში სამი ხაზი იკვეთება - სააკაშვილი, ხაბეიშვილი, მელია-გვარამია. ჯერ-ჯერობით საარჩევნო კამპანია მხოლოდ სოფო ჯაფარიძემ დაიწყო, რომელიც სააკაშვილის სახელით ესაუბრება მოსახლეობას.

ოთხშაბათს ღამით, როსავიაციით ინფორმაციით, ტვერის ოლქში კერძო სამოქალაქო თვითმფრინავი ჩამოვარდა, რომლის მგზავრთა სიაშიც იყვნენ ე.წ. კერძო სამხედრო კომპანია „ვაგნერის" მფლობელი ევგენი პრიგოჟინი და მეთაური დმიტრი უტკინი. ოფოციალური ინფორმაციით, ბორტზე მყოფი 10-ვე ადამიანი (7 მგზავრი და 3 ეკიპაჟის წევრი) დაიღუპა, თუმცა ცხედრების ამოცნობა ჯერ არ მომხდარა და პრიგოჟინის დაღუპვა ჯერ ოფიციალურად დადასტურებული არ არის.

პროკურატურამ კასპის მუნიციპალიტეტში მომხდარი ოჯახის წევრის განზრახ მკვლელობის ფაქტზე ერთ პირს ბრალდება წარუდგინა. გამოძიებით დადგინდა, რომ 22 აგვისტოს, სოფელ ქვემო ხანდაკში, ბრალდებულმა გენდერული შეუწყნარებლობის მოტივით, საცხოვრებელი სახლის ეზოში, მეუღლეს დანით ჭრილობები მიაყენა, რის შედეგადაც დაზარალებული ადგილზე გარდაიცვალა.