„ქართულ ოცნებაში“ აცხადებენ, რომ პრეზიდენტ სალომე ზურაბიშვილის მიერ მიხეილ სააკაშვილის შეწყალებასთან დაკავშირებით „ცუდი მოლოდინი“ აქვთ. ენმ კი სააკაშვილის გათავისუფლების მოთხოვნით ხელმოწერებს აგროვებს და უკვე გაკეთდა თავად სააკაშვილის მხრიდან აქცენტი იმაზე, რომ რუსეთის ციხეში დაღუპული რუსი ოპოზიციონერის, ალექსეი ნავალნის მსგავსად, ისიც პუტინის დავალებით მოწამლეს. 

ოპოზიცია ითხოვს, რომ ანტიკორუფციული ბიუროს, სპეციალური საგამოძიებო სამსახურისა და პერსონალურ მონაცემთა დაცვის სამსახურის ხელმძღვანელების არჩევა პარლამენტში კვალიფიციური უმრავლესობით მოხდეს, თუმცა მმართველი პარტიისათვის ეს მიუღებელია. ამის შესახებ პარლამენტის თავმჯდომარე შალვა პაპუაშვილმა განაცხადა პარასკევს გამართული შეხვედრის შედეგების კომენტირებისას.

პრეზიდენტ სალომე ზურაბიშვილის ვიზიტი მინხენის კონფერენციაზე საქართველოს ხელისუფლებამ თავიდანვე შეაფასა, როგორც მისი მხრიდან კონსტიტუციის მორიგი დარღვევა. პრეზიდენტის მიერ მიუნხენში გაკეთებული განცხადებები კი ახალი ბრალდების საფუძველი გახდა. ზურაბიშვილის მიერ კოალიციური მთავრობის მიზანშეწონილობაზე საუბარსა და მინიშნებას, რომ შესაძლოა, საქართველოში ამის დრო დადგა, მმართველ პარტიაში პრეზიდენტის მხრიდან ამომრჩეველზე ერთგვარ ზეწოლად და რადიკალური ოპოზიციასთან მისი გარიგების დასტურად აფასებენ.

შაბათს უკრაინამ დონეცკის ოლქის ქალაქ ავდეევკიდან სამხედრო ძალების გაყვანა დაიწყო. ანალიტიკოსების თქმით, ამას აქვს, როგორც პოლიტიკური, ისე ფსიქოლოგიური ეფექტი, მაგრამ ქალაქის დაცემა ტრაგედია არაა, რადგან, მთავარია, ოკუპანტების ალყაში უკრაინის დამცველების დიდი რაოდენობა არ ჩარჩეს, რომელთა შორის შესაძლოა ქართველებიც აღმოჩნდნენ.

ქარელის მუნიციპალიტეტის სოფელ კნოლევთან ოკუპანტებმა საქართველოს ორი მოქალაქე დააკავეს. მათი მტკიცებით, 32 წლის ივანე ლუტიძემ და 33 წლის ნიკა მამასტარაშვილმა ე.წ. საზღვარზე საინჟინრო ნაგებობები განზრახ დააზიანეს და ამას ტელეფონით იღებდნენ. ადგილობრივები აცხადებენ, რომ ეს სავარაუდოდ მოგნილი ბრალდებაა დაკავებულთა „დანაშაულის“ დასამძიმებლად.

პირველი ილისიდან ექვსი თვით, როტაციის პრინციპით, უნგრეთი ევროპული საბჭოს პრეზიდენტი ქვეყანა ხდება. როგორც ანალიტიკოსები ამბობენ, ეს იმ პერიოდს ემთხვევა, როცა ევროკავშირის ანგარიში უნდა გამოქვეყნდეს, თუ როგორ შეასრულა საქართველომ 9 რეკომენდაცია და გაუხსნიან თუ არა გზას მოლაპარაკებების დაწყებაზე. უნგრეთის საგარეო საქმეთა მინისტრი პიტერ სიიარტო კი ამბობს, რომ ქვეყნის თავმჯდომარეობის პერიოდში უნგრეთი მიმართავს ძალისხმევას საქართველოსთან წევრობის მოლაპარაკებების დაწყებისთვის, ზრდება თუ არა საქართველოს შანსები და როგორ როგორ შეგვიძლია გამოვიყენოთ ეს პერიოდი?

დოკუმენტში წერია, რომ პრორუსი ოლიგარქი და საქართველოს მმართველი პარტიის დამფუძნებელი ბიძინა ივანიშვილი პასუხისმგებელია ქვეყნის ბოლოდროინდელ დემოკრატიულ უკუსვლაზე. მმართველ გუნდში კი აცხადებენ, რომ ეს არის ლობისტების მიერ გამოქვეყნებული მცდარი ინფორმაცია, რომელსაც სამწუხაროდ მიუნხენის კონფერენცია დაეყრდნო. „ოცნებაში“ მიაჩნიათ, რომ ეს არის დიდი გაუგებრობა და სკანდალი, რაც ამ დონის  კონფერენციისთვის დაუშვებელია.   

ალექსეი ნავალნი ერთადერთი პოლიტიკოსი იყო, რომლისაც პუტინს არჩევნებში ეშინოდა. სულ რომ დავივიწყოთ მისი საგამოძიებო სიუჟეტები, რაც პირდაპირ ძირს უთხრიდა პუტინის ძალაუფლებასა და პოპულარობას, ნავალნის ელექტორალური სიძლიერეც საკმარისი იყო, რომ მოეკლათ. უშუალოდ მოკლეს თუ არა, ჯერ არავინ იცის, თუმცა დადასტურებით შეგვიძლია ვთქვათ, რომ 3-წლიანი პატიმრობის განმავლობაში, ის, არც მეტი არც ნაკლები, 27-ჯერ გაგზავნეს ე.წ. „შიზოში" (საჯარიმო საკანში), სადაც ჯამურად 308 დღე გაატარა.

ცნობილი ქართველი მწერალი აკა მორჩილაძე (გიორგი ახვლედიანი) ლიტერატურის დარგში ნობელის პრემიის კანდიდატია. მწერალი შვედეთის ნობელის კომიტეტში შოთა რუსთაველის სახელობის ქართული ლიტერატურის ინსტიტუტის სამეცნიერო საბჭოსა და ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარული ფაკულტეტის პროფესორთა მიერ ხმათა უმრავლესობით წარადგინეს.

„ქართული ოცნების" ერთ-ერთი ყოფილი ლიდერი და თავის დროზე მისი თანადამფუძნებელი ეკა ბესელია პრეზიდენტის შეწყალების კომისიის ხელმძღვანელად შეიძლება ვიხილოთ. ინფორმაციას სააგენტო „კვირა ჯი" ავრცელებს. ჯერ ოფიციალურად დადასტურებული არ არის, თუმცა ეკა ბესელიას დანიშვნა, რომ დიდ აჟიოტაღს გამოიწვევს, ამაზე მსჯელობენ როგორც პოლიტიკოსები, ასევე ანალიტიკოსები.

დონეცკის ოლქის ფრონტზე სიტუაცია კრიტიკულად მძიმეა, სამხედრო მიმომხილველები არ გამორიცხავენ, რომ მალე შესაძლოა ქალაქი ავდეევკა საოკუპაციო ძალებმა სრულად დაიკავონ. ამაზე საუბრობს, როგორც უკრაინის სამხედრო, ისე პოლიტიკური ხელმძღვანელობა. საოკუპაციო ძალებმა უკრაინელებს მთავარი მომარაგების გზა გადაუჭრეს, თუმცა რჩებათ ნაკლებად გამტარუნარიანი გზა, რომელსაც უკრაინა იყენებს. ახლა ძირითადი ბრძოლები ქალაქის ცენტრშია, ახლადდანიშნულ მთავარსარდალს ალექსანდრ სირსკის ადგილზე დამატებითი ძალები შეჰყავს, თუმცა ძალთა თანაფარდობა ჯერჯერობით შვიდი ერთზეა ოკუპანტების სასარგებლოდ, რუსებმა კი ფოსფორისშემცველი იარაღის გამოყენება დაიწყეს.

ევროკავშირის მიერ განსაზღვრულ 9 დათქმაზე, რაც გაწევრიანებაზე მოლაპარაკებების დაწყების წინაპირობაა, პარასკევს, 16 თებერვალს პარლამენტში რიგით მეორე შეხვედრა იმართება, რომელსაც ესწრებიან უმრავლესობისა და ოპოზიციის წარმომადგენლები. შეხვედრაში მონაწილეობაზე უარს ამბობს „ლელო", რომელიც არც პირველ შეხვედრაში მონაწილეობდა. არასამთავრობო სექტორიდან კი მასში მხოლოდ აღმოსავლეთ პარტნიორობის საქართველოს ეროვნული პლატფორმის წევრი ორგანიზაციების წარმომადგენლები მონაწილეობენ.