ექსპრეზიდენტი მიხეილ სააკაშვილი წინასაარჩევნო კამპანიაში აქტიურად ერთვება, ამასთან აცხადებს, რომ რჩება „უკრაინის ლოიალურ მოქალაქედ". იურისტების განმარტებით, უცხო ქვეყნის მოქალაქეს თავისთავად ეკრძალება როგორც არჩევნებში კანდიდატურის დაყენება და ხმის მიცემა, ისე საარჩევნო პროცესში ჩართვა და თუნდაც პრემიერ-მინისტრობის კანდიდატურის წამოყენება ჩრდილოვან კაბინეტში. თუმცა, როგორც იურისტი და უფლებადამცველი ლია მუხაშავრია „რეზონანსთან" აცხადებს, კონკრეტულად რა აკრძალვა აქვს დარღვეული და რა ქმედება აქვს განხორციელებული, სასამართლომ ყოველი კონკრეტული შემთხვევა ცალკ-ცალკე უნდა განიხილოს და ცალ-ცალკე დაადგინოს რა სასჯელი თუ სახდელია ამისთვის.

რუსეთი აუცილებლად შეეცდება საქართველოში წელს დაგეგმი საპარლამენტო არჩევნებში ჩარევას - ამის შესახებ „რეზონანსთან" ანალიტიკოსები საუბრობენ და სხვა ქვეყნების გამოცდილებიდან გამომდინარე, იმაზეც საუბრობენ, თუ რაში შეიძლება ეს გამოიხატოს. მათი ნაწილი კი მიიჩნევს, რომ ეს ჩარევა უკვე დაწყებულია. გარდა ამისა, რუსეთის შესაძლო ჩარევაზე საუბრობენ როგორც პრეზიდენტი სალომე ზურაბიშვილი, ისე მმართველი პარტიის წარმომადგენლები.

ოპოზიცია ჩრდილოვან კაბინეტზე გავრცელებულ ინფორმაციას უარყოფს და „სუს-ისა და „ოცნების" მიერ გავრცელებულ ჭორს" უწოდებს. მმართველი პარტია კი აცხადებს, რომ ის გვარები, რომლებიც ამ ჩრდილოვანი კაბინეტის შემადგენლობაშია, ამომრჩეველს უბიძგებს, რომ „მათ ხმა არ მისცეს". ამასთან, საპარლამენტო უმრავლესობაში ოპოზიციას დიდ „ერთიან ნაციონალურ მოძაობად" მოიხსენიებენ.

მაღალი საპროცენტო განაკვეთების გამო საქართველოში რეალური სექტორი ვერ ვითარდება. ბიზნესი ვერ ახორციელებს პროექტებს, რამაც სექტორის გაძლიერება უნდა უზრუნველყოს. შესაბამისად, პრობლემა საბოლოოდ მომხმარებლის ჯიბეზე აისახება, რომელსაც დიდი ვაივაგლახით წარმოებული პროდუქტი უძვირდება. იმის გამო, რომ ბიზნესს სესხების აღება ძვირად უწევს და ეს ხარჯი თითღირებულებაშია ასახული. მეტიც, პერსპექტივაშიც არ განიხილება ფასების კლება, სანამ ბიზნესს იაფ ფულზე წვდომა არ გაუმარტივდება.

სისხლიანი ანგარიშსწორება თბილისის ცენტრში - მოკულულია 25 წლის ახალგაზრდა, რომელსაც ავტომობილიდან 5 ჯერ ესროლეს. ჭავჭავაძს ქუჩაძე 25 წლის კაცსა და მკვლელობაში ბრალდებულ 33 წლის ბაჩო სირაძეს შორის დაპირისპირება, თვითმხილველების თქმით, თავდაპირველად კაფე „გალერეას“ წინ მოუვიდათ. ამის შემდეგ სირაძე სახლში წავიდა, იარაღი აიღო და უკან დაბრუნდა. მეგობრებთა ერთად მდგარ ახალგაზრდა მამაკაცს ავტომობილიდან ესროლა. ის ადგილზე ჩაცხრილა და სხეულის სხვადასხვა მიდამოში მძიმე ჭრილობები მიაყენა. 

ბახმაროში მასშტაბური დეველოპერული პროექტის განხორციელებას საზოგადოებიდან დიდი წინააღმდეგობა აქვს. მიუხედავად ნეგატიური დამოკიდებულებისა, ,,ორბი ჯგუფმა“ პროექტის პრეზენტაციაც ჩაატარა და ისეთი მშენებლობის დაწყებას გეგმავს, რომელიც ადგილობრივ ტურისტულ პოტენციალს საფრთხეს შეუქმნის და ეკოლოგიური თვალსაზრისითაც პრობლემას უკიდურესად გაამწვავეს.

არის თუ არა რეალური 2024 წლისთვის კოალიციური მთავრობის შექმნის ალბათობა და რომელ პოლიტიკურ ძალებს შორის შესაძლოა ასეთი მთავრობის ფორმირება მოხდეს? პრეზიდენტ  სალომე ზურაბიშვილის განცხადებით, კოალიციური მთავრობა თუ გვეყოლება, ეს იქნება პოლარიზაციის დასასრული. პრეზიდენტმა ამის შესახებ მიუნხენში „ევრაქტივთან“ ინტერვიუში განაცხადა. თუმცა მის განცახდებას თბილისში არაერთგვაროვანი შეფასებები მოჰყვა - ოპოზიციაში მოეწონათ, ხოლო მმართველ გუნდში ამბობენ, რომ ენმ-სთან კოალიცია გამორიცხულია და ამის საჭიროება ხელისუფლებას არც ექნება. 

პრემიერი ირაკლი კობახიძე პირველი ვიზიტით ბრიუსელში გაემგზავრა, სადაც დაგეგმილი აქვს ორმხრივი შეხვედრები ევროკავშირსა და ნატო-ში. რა გზავნილებით დაბრუნდება კობახიძე საქართველოში, ექსპერტების მოსაზრება ამასთან დაკავშირებით ერთგვაროვანია, ამბობენ, რომ ყველაფერი დამოკიდებულია 9 დათქმის შესრულების ხარისხზე.

პატიმრობაში მყოფი მიხეილ სააკაშვილის გათავისუფლების მოთხოვნით ენმ ხელმოწერებს აგროვებს. შეიწყალებს თუ არა ამის საფუძველზე სალომე ზურაბიშვილი მესამე პრეზიდენტს ჯერჯერობით უცნობია. მიუნხენის უსაფრთხოების კონფერენციაზე ზურაბიშვილს პოლონეთის საგარეო საქმეთა მინისტრმა შეახსენა, რომ სააკაშვილის გათავისუფლებაში „წვლილის შეტანა შეუძლია", რაც „ოცნებას" უმძაფრებს მოლოდინებს, რომ პრეზიდენტი ამ ნაბიჯს საბოლოოდ მაინც გადადგამს.

უძრავი ქონების ბაზარზე ფასებთან და მაღალ საპროცენტო განაკვეთებთან დაკავშირებული ვითარება ქმნის მოლოდინს, რომ შესაძლოა, საქართველოში საბინაო კრიზისი დაიწყოს. აღნიშნულ მოსაზრებას ამყარებს ის ფაქტორიც, რომ უძრავ ქონებაზე მსოახლეობის დიდ ნაწილს წვდომა შეზღუდული აქვს და რეალურად უმრავლესობა საცხოვრებელს ვერ ყიდულობს. ეკონომისტები ადასტურებენ, რომ ქვეყანაში საბინაო კრიზისის წინარე ნიშნებია, თუმცა ამგვარ პროგნოზს ბაზრის ანალიტიკოსთა ნაწილი ემიჯნება და კონტრარგუმენტად მოჰყავს ფაქტი, რომ მაღალი ფასის პირობებში მოთხოვნა იზრდება ემიგრანტების ხარჯზე. სანამ ამ ფაქტორის გავლენაა, უძრავი ქონების სფეროს კრიზისის საფრთხე ნაკლებად ემუქრება.

ოპოზიცია აცხადებს, რომ „ქართულმა ოცნებამ" ევროკომისიის 9 დათქმის დარღვევა უკვე დაიწყო, რაც გაწევრიანებაზე მოლაპარაკების დაწყების წინაპირობაა და საარჩევნო კოდექსში ის ცვლილებები, რომელსაც „ოცნება" მესამე მოსმენით დაუჭერს მხარს, არის რეკომენდაციებიდან ერთ-ერთის უგულებელყოფა. ანალიტიკოსი რამაზ საყვარელიძე „რეზონანსთან" აცხადებს, რომ შესაძლოა ამით ოპოზიცია აქციებისთვის საფუძველს ამზადებდეს, რადგან გასულ წელს ევროკავშირის თემაზე 8-9 მარტს ხალხი ქუჩაში გამოვიდა. ამასთან ეჭვობს, რომ ოპოზიცია რეკომენდაციების შესრულებაში ბოლომდე ჩართვას აპირებდეს.

რუსეთის ექსპრეზიდენტი და უსაფრთხოების საბჭოს თავმჯდომარის მოადგილე, დიმიტრი მედვედევი კვლავ ბირთვული იარაღის გამოყენებით იმუქრება, თუმცა ექსპერტები „რეზონანსთან" ამბობენ, რომ მისი „კომიკური განცხადებების" მიუხედავად, ამ ეტაპზე გამორიცხულია ბირთვული იარაღის გამოყენების რამე საფრთხე არსებობდეს.