რუსეთში საკმაოდ უჩვეულო პროცესები იწყება - ასე აფასებენ პოლიტოლოგები რუსეთის 100-მდე ქალაქში გამართულ ანტიკორუფციულ აქციებს, რა დროსაც მოსკოვში 1033 ადამიანი დააკავეს და მათ წინააღმდეგ ხელკეტები და ცრემლსადენი გაზი გამოიყენეს.

რომის ხელშეკრულების 60 წლის იუბილეზე, კაპიტოლიუმის ბორცვზე - იქ, სადაც 1957 წლის 25 მარტს ექვსმა დამფუძნებელმა ქვეყანამ რომის ხელშეკრულებას ხელი მოაწერა - ევროკავშირის 27-მა წევრმა ქვეყანამ რომის დეკლარაცია დაამტკიცა. დეკლარაცია გაერთიანების მომავალი ათწლეულის სამოქმედო გეგმას წარმოადგენს. იუბილეს დიდი ბრიტანეთის წარმომადგენლობა არ დასწრებია.

პენტაგონი მოსკოვს უკვე ღიად ემუქრება და აცხადებს, რომ აშშ ლიდერის ისტორიულ როლს იბრუნებს და რუსეთთან თანამშრომლობის ფორმატიდან რუსეთის შეიარაღებული ძალების შეკავებაზე გადასვლას აანონსებს. კონკრეტულად კი, აშშ-ის ევროპის სარდლობა ევროპის კონტინენტზე სამხედრო პოტენციალის გაზრდასა და რუსეთზე მეტად სწრაფი ტემპებით მოდერნიზებას იწყებს, რომ რეგიონში არსებული დაძაბულობის ესკალაციის შემთხვევაში გამოიყენოს.

ლონდონში მომხდარი ტერაქტი გვიჩვენებს, რომ საჭიროა კონტროლის დაწესება ეროვნულ საზღვრებზე და რადიკალიზებული უცხოელების გაგდება, - ეს განცხადება საფრანგეთის საპრეზიდენტო კანდიდატს მარინ ლე პენს ეკუთვნის, რომელსაც მსოფლიო ლიდერების ნაწილიც იზიარებს და საერთაშორისო ორგანიზაციებს ტერორიზმის წინააღმდეგ ბრძოლის გააქტიურებისკენ მოუწოდებს.

ევროკავშირში მტკიცედ არიან დარწმუნებულები იმაში, რომ დიდი ბრიტანეთის მაგალითს არც ერთი წევრი ქვეყანა არ მიბაძავს და დარჩენილი 27 სახელმწიფოს ერთობა უფრო მტკიცე იქნება, ვიდრე ეს იყო მანამდე.

მოსკოვი "დიდი რუსეთის" აღდგენისთვის ახალ გეგმას ახმოვანებს და აპირებს, მიიღოს კანონი, რომლითაც რუსეთის მოქალაქეობას უმარტივესად მიიღებს ყველა ის ადამიანი, რომელიც ოდესღაც არსებული რუსეთის იმპერიის ან ყოფილი საბჭოთა კავშირის ქვეყნებში ცხოვრობს. ეს, ანალიტიკოსების თქმით, ძალიან სახიფათოა და იმას მოასწავებს, რომ მომავალში დიდ პროვოკაციებსა "საკუთარი მოქალაქეების დაცვაზე" სპეკულირებით რუსეთისაგან ახალ კონფლიქტებსაც უნდა ველოდოთ, მათ შორის საქართველოს საზღვრისპირა რეგიონებში.

ესპანეთის პოლიციამ ბინების ძარცვის ბრალდებით საქართველოს 50-მდე მოქალაქე დააკავა. როგორც ესპანურ მედიაში აცხადებენ, დაკავებულები "ქართული მაფიის" წევრები არიან. აღნიშნულ ინფორმაციას "მთელ კვირას" ესპანეთში, კერძოდ კი ბარსელონაში მცხოვრები ქართველებიც უდასტურებენ და ამბობენ, რომ დაკავებულების შესახებ ინფორმაცია მედიის მეშვეობით დაახლოებით სამი კვირის წინ გაიგეს.

მას შემდეგ, რაც გერმანიის რამდენიმე ქალაქის მერმა თურქეთის წარმომადგენლებს ქალაქის ქუჩებში წინასარეფერენდუმო კამპანიის ჩატარება სამოქალაქო უსაფრთხოების მიზნით აუკრძალა, ხოლო ამ ქმედების საპასუხოდ თურქეთის ლიდერმა რეჟებ ტაიპ ერდოღანმა გერმანელები ნაცისტურ ქმედებაში დაადანაშაულა, ამჯერად თურქულ მხარეს მსგავსი დიპლომატიური კონფლიქტი ნიდერლანდებთანაც წარმოექმნა.

"ჩვენთვის მნიშვნელოვანია ყურადღების ფოკუსირება თურქულ-რუსული ურთიერთობაზე, რაც სულ უფრო ღრმავდება და მას საკმაოდ საინტერესო ფონი ახლავს", - აცხადებს ბრიგადის გენერალი, ანალიტიკოსი სამხედრო-პოლიტიკურ და უსაფრთხოების საკითხებში ამირან სალუქვაძე.

"მემარცხენე და პრორუსული ძალების გააქტიურებასთან ერთად, ევროპას წინ ელის ბრექსიტის შედეგები, რომელმაც შესაძლოა სერიოზული ფინანსური კრიზისი გამოიწვიოს. ამისათვის ჩვენც უნდა ვიყოთ მზად", - ასეთია ექსპერტების მოლოდინი, რომლებიც აცხადებენ, რომ ახლო აღმოსავლეთში რუსული პოლიტიკა ასეთი აქტიური 80-იანი წლების საბჭოთა კავშირის შემდეგ არასდროს ყოფილა.

ულტრამემარჯვენეებმა ევროპულ პოლიტიკაზე რაღაც ტიპის გავლენა უკვე მოიპოვეს და ახლა ევროკავშირის სამ სახელმწიფოში - დღეს ნიდერლანდებში, მაისში - საფრანგეთსა და ოქტომბერში - გერმანიაში უკვე არჩევნებმა უნდა გამოავლინოს მთავარი - იზოლაციონიზმის მქადაგებელი პოლიტიკური ლიდერები და ძალები ჩაიგდებენ თუ არა ხელში მმართველობას და შეიცვლება თუ არა "ბებერი" ლიბერალური ევროპა, რასაც აშშ-ში დონალდ ტრამპის გამარჯვების შემდეგ არცთუ ცოტა ანალიტიკოსი შეშფოთებით პროგნოზირებს.

მოლოდინი, რომ ტრამპი და პუტინი პირველივე შესაძლებლობისთანავე შეხვდებოდბენ ერთმანეთს, არ გამართლდა, რაც პოლიტოლოგთა შეფასებით, იმ შეცვლილი პოზიციების დამსახურებაა, რომელიც ტრამპის გაპრეზიდნტების შემდეგ გამოჩნდა.