სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    სალომე სარიშვილი
    28.02.2015

    უკრაინის უსაფრთხოებისა და თავდაცვის საბჭოს თავმჯდომარის მოადგილის, ოლეგ გლადკოვსკის განცხადებით, უკრაინამ რიგი ქვეყნებიდან ლეტალური იარაღის მიღება დაიწყო. ეს იმ ფონზე, როცა უკრაინის პრეზიდენტის პიოტრ პოროშენკოს მრჩეველთა საბჭოს თავმჯდომარე და საქართველოს ყოფილი პრეზიდენტი მიხეილ სააკაშვილი ამერიკის კონგრესისა და სენატის წევრებთან შეხვედრებს მართავს. უკრაინულ მედიაში უკვე საუბრობენ იმის თაობაზე, რომ სააკაშვილმა "აშშ თავდაცვითი შეიარაღებით მომარაგებაზე დაითანხმა."

    სალომე სარიშვილი
    27.02.2015

     უკრაინის გენერალური შტაბის ცნობით, უკრაინის არმიამ კონფლიქტის ზონიდან სამხედრო ტექნიკის გაყვანა დაიწყო. ამის მიუხედავად სეპარატისტთა ლიდერები ღიად ამბობენ, რომ ახლა მათი მთავარი სამიზნე მარიუპოლია.

    თეა ბეჟიტაშვილი
    24.02.2015

     "უკრაინა ევროპისთვის ტვირთია, რომელიც არ იციან, როგორ მოიშორონ, რადგან უკრაინაში პროცესების გაღრმავება რუსეთს სულ უფრო უკონტროლოს ხდის", - ამბობს "რეზონანსთან" საუბრისას პოლიტოლოგი ხათუნა ლაგაზიძე. მისი თქმით, უკრაინაში გამართულ "ღირსების მარშში" ევროპის ლიდერების არყოფნა უკრაინის მიმართ მათ ფასადურ და ცინიკურ პოლიტიკას ადასტურებს.

    ეთო გაბაშვილი
    23.02.2015

     უკრაინის კრიზისის გამწვავების ფონზე, დასავლეთ ევროპელი პოლიტიკოსები და სამხედრო მაღალჩინოსნები ნატოს წევრ სახელმწიფოებზე რუსეთის მოსალოდნელ თავდასხმაზე ალაპარაკდნენ. მათი პროგნოზით, უკრაინის მსგავსი ვითარების დესტაბილიზაცია შესაძლოა რუსეთის მეზობელ ბალტიისპირეთშიც დაიწყოს.

    ვახტანგ შამუგია
    21.02.2015

     უკრაინის სამხრეთ-აღმოსავლეთ რეგიონებში ბრძოლების ინტენსივობამ იკლო. სეპარატისტებმა შეძლეს სტრატეგიულად მნიშვნელოვანი ქალაქ დებალცევოს დაკავება. სამთავრობო ჯარებმა უკან დაიხიეს, თუმცა, რუსულ მედიაში გავრცელებული ცნობით, 3 000-მდე უკრაინელი ალყაში კვლავ რჩება.

    ელზა პაპოშვილი
    20.02.2015

    "პუტინი კაციჭამიობის სინდრომს ვეღარ თოკავს. მისი მადა განუსაზღვრელი გახდა. რასაკვირველია, დონბასისა და ლუგანსკის შემდეგ, ის ხარკოვსა და ოდესაში გადაინაცვლებს. უფო მეტიც, თუ დასავლეთმა ქმედითი ზომები არ მიიღო, ის თავის ოცნებას ფრთებს შეასხამს და საბჭოთა დროინდელი ტერიტორიების აღსადგენად ბალტიისპირეთის ქვეყნებისკენ გადაინაცვლებს", - აცხადებს "რეზონანსთან" საუბრისას პოლიტოლოგი სოსო ცისკარიშვილი.

    ვახტანგ შამუგია
    19.02.2015

     უკრაინის სამხრეთ-აღმოსავლეთ რეგიონებში მიმდინარე კონფლიქტმა მინსკის სამშვიდობო ხელშეკრულების დადების შემდეგ ახალი ძალით იფეთქა. 18 თებერვალს პრორუსმა სეპარატისტებმა მოახერხეს სტრატეგიულად მნიშვნელოვანი დასახლებული პუნქტის, დებალცევოს დაკავება. უკრაინული არმიის ნაწილებმა, პრეზიდენტ პეტრო პოროშენკოს განცხადებით, გეგმაზომიერი უკანდახევა მოახდინეს. ქალაქი, თითქმის ერთთვიანი ბრძოლის შემდეგ, პრორუსი სეპარატისტების კონტროლქვეშ გადავიდა. მათ დებალცევოს თავზე თავიანთი, ე.წ. "ნოვოროსიის" დროშა აღმართეს.

    სალომე სარიშვილი
    18.02.2015

     დონბასში 15 თებერვალს ცეცხლის შეწყვეტის შეთანხმების მუხედავად, დონეცკის ოლქის პატარა ქალაქი დებალცევო, უკრაინული ტრანსკრიპციით - დებალცევე, მსოფლიოს ყურადღების ეპიცენტრშია. აქ "ოპერატიულ ალყაში" იმყოფება უკრაინის ჯარის საკმაოდ დიდი დაჯგუფება და პრორუსი სეპარატისტები, ზავის მიუხედავად, მის განადგურებას ლამობენ. ქალაქსა და მის შემოგარენში გააფთრებული ბრძოლები გრძელდება. სეპარატისტები და მათი მხარდამჭერი რუსი სამხედროები ცდილობენ ქალაქზე სრული კონტროლის დამყარებას, სადაც საკმაოდ მრავალრიცხოვანი უკრაინული შენაერთებია გამაგრებული. ზოგიერთი სეპარატისტი სამხედრო მეთაური აცხადებს, რომ დღეების კი არა, საათების საკითხია.

    ეთო გაბაშვილი
    16.02.2015

     უკრაინის აღმოსავლეთ რეგიონებში მასშტაბური საბრძოლო მოქმედებები შეჩერებულია. მინსკის შეთანხმების ძალაში შესვლის შემდეგ, პრორუსმა სეპარატისტებმა ზავი რამდენჯერმე დაარღვიეს, თუმცა, დონბასის ძირითად ტერიტორიაზე ცეცხლის შეწყვეტის რეჟიმი ამ დრომდე მოქმედებს.

    მაია აბაიაძე
    13.02.2015

     "თუ 15-ში სეპარატისტებმა დებალცევო აიღეს, მაშინ შეიძლება ცეცხლი შეწყდეს და კონფლიქტი ამ დონეზე გაიყინოს", - აცხადებს პოლიტოლოგი სოსო ცინცაძე მინსკში "ნორმანდიული ოთხეულის" შეხვედრასთან დაკავშირებით და არ გამორიცხავს, რომ ევროპამ ეს რუსეთისთვის სანქციების გაუქმების საბაბად გამოიყენოს.

    მაია აბაიაძე
    11.02.2015

    "თუ აშშ-მ გადაწყვიტა, რომ უკრაინას იარაღით დაეხმაროს, ეს იქნება ტანკსაწინააღმდეგო, ჰაერსაწინააღმდეგო სისტემები და ასევე ჯარისთვის მიწოდებული იქნება საბრძოლო, ცეცხლსასროლი იარაღის ტიპები, ანუ ის, რაც დასჭირდებათ თავდაცვითი ოპერაციებისთვის", - აცხადებს "რეზონანსთან" საუბრისას სამხედრო ექსპერტი ვახტანგ მაისაია.

    ეთო გაბაშვილი
    09.02.2015

    უკრაინული არმიის ნაწილებისა და პრორუსი სეპარატისტების დაშორიშორების ხაზზე, შესაძლოა, 50-დან 70 კილომეტრამდე სიგანის ბუფერული ზონა მოეწყოს. ამას ითვალისწინებს ის ახალი სამშვიდობო გეგმა, რომელიც საფრანგეთისა და გერმანიის პირველმა პირებმა ჯერ კიევში შეათანხმეს და შემდეგ მოსკოვში.


    Copyright © 2006-2019 by Resonance ltd. . All rights reserved
    ×