ქართული დანაშაულებრივი სამყაროს სამიზნე უნიკალური და იშვიათი წიგნები გახდა. როგორც დასავლური მედია წერს, ქართველების კრიმინალურმა დაჯგუფებამ პარიზის, ლიონის, ჟენევის, რიგის, ვილნიუსის, ვარშავის და სხვა ქალაქების წიგნსაცავები გაძარცვა. წაღებულია ცნობილი რუსი კლასიკოსების იშვიათი ხელნაწერები და პირველი ეგზემპლარები. როგორც მედია წერს, ქართველმა მძარცველებმა ბოლო რამდენიმე თვეში, ერთმანეთის მიყოლებით, ევროპის არაერთი ბიბლიოთეკა გაძარცვეს. მოპარული წიგნები, ძირითადად, მეცხრამეტე საუკუნით თარიღდება. 

ქართველების განსაკუთრებული ინტერესის საგანი თურმე ალექსანდრ პუშკინის გამოცემებია. გატაცებულია, ასევე ლერმონტოვის, გოგოლის, დოსტოევსკის და სხვა ავტორების უიშვიათესი ნიმუშები.

გურჯაანში მეგობარმა მეგობარი დაჭრა. როგორც ადგილობრივები „რეზონანსთან“ აცხადებენ, რომ 40 წლის და 24 წლის მამაკაცს შორის დაპირისპირება არყის ხდის დროს, ე.წ. ზაოდობას მოხდა. კონფლიქტი სუფრაზე დაიწყო. თავდაპირველად იქ მყოფმა სხვა პირებმა მოჩხუბართა გაშველება შეძლეს, თუმცა გარეთ გამოსულებს შორის კონფლიქტი კვლავ გაგრძელდა. ფიზიკური დაპირისპირება კი საბოლოოდ სისხლიან ანგარიშსწორებაში გადაიზარდა. 

საბერძნეთში პოლიციამ საქართველოს 7 მოქალაქე დააკავა, რომლებმაც ავსტრალიის არქიეპისკოპოსის ბინა გაძარცვეს. ამის შესახებ ბერძნული მედია წერს. 

არსებული ინფორმაციით, დაჯგუფებას ორგანიზებულ დანაშაულთან ჰქონდა კავშირი და მათი მეთაური ე.წ. კანონიერი ქურდია. დაკავებულებს ბრალად ედებათ მსხვილი ქურდობა, გატაცება, გამოძალვა, რეკეტი, ფულის გათეთრება, დანაშაულებრივი დაჯგუფების წევრობა, შემაკავებელი ზომების დარღვევა და იარაღებზე, ნარკოტიკებსა და უცხო ქვეყნის მოქალაქეობაზე კანონების დარღვევა.

გასული წლის 5 მაისს ჯანმო-მ კოვიდ-19-ის პანდემიის გამო შექმნილი საგანგებო ვითარება დასრულებულად გამოაცხადა, თუმცა ზუსტად რვა თვეში მსოფლიო ახალი პანდემიის წინაშე დგება - 17 იანვარს დავოსში მსოფლიო ეკონომიკურ ფორუმზე განიხილავენ ე.წ. „დაავადება X"-ს, რომელიც, ბევრი ეპიდემიოლოგის მოსაზრებით, ბევრად უფრო მომაკვდინებელია, ვიდრე კოვიდ-19 და რომელზეც სოციალურ მედიაში უკვე ქარიშხალია ატეხილი.

იანვარი დადგა და მსოფლიო კვლავ კოვიდ 19-ის, ე. წ. ღორის გრიპზე და სხვა ვირუსებზე ალაპარაკდა. რამდენად დაცულია ამ ფონზე განსაკუთრებით მოწყვლადი ჯგუფი - ბავშვები, უადვილდებათ თუ არა მშობლებს პედიატრთან კონსულტაცია და რა რჩევებს აძლევს მარნეულში პედიატრი მაცაცო კუბლაშვილი, ამას მასთან ინტერვიუდან შეიტყობთ.

გერმანიაში საქართველოს მოქალაქეები ბინის ქურდობის ბრალდებით დააკავეს. როგორც გერმანურლი მედია წერს, დაკავებულია 35 და 40 წლის ორი მამაკაცი. ბერლინის პოლიციას ერთ-ერთი ქუჩის მცხოვრებლები დაუკავშირდნენ და შეატყობინეს, რომ მათ მეზობლად ქურდობა ხდებოდა. მათ დაინახეს როგორ გამოვიდა ორი პირი ერთ-ერთი ბინის ფანჯრიდან, თან სხვადასხვა საყოფაცხოვრებო ნივთები გადმოიტანეს, ავტომობილში ჩატვირთეს, ხოლო თავად კი ტერიტორია ფეხით დატოვეს.

მკვლელობა თუ თვითმკვლელობა. ახლა გამძიებამ უნდა დაადგინოს, რა გახდა გორში 41 წლის ჯარისკაცის გარდაცვალების მიზეზი.  გიორგი აფრიამაშვილის ცხედარი სოფელ ახალშენში, სასაფლაოებთნ იპოვეს. შინაგან საქმეთა სამინისტროს გამოძიება თვთმკვლელობამდე მიყვანის მუხლით აქვს დაწყებული. 

ეროვნული ბიბლიოთეკის დირექტორის თანამდებობაზე კონსტანტინე გამსახურდია გიორგი კეკელიძეს შეცვლის. თავად კეკელიძე ამბობს, რომ ამის შესახებ პარლამენტის თავმჯდომარემ აცნობა. აღაირებს, რომ ეროვნული ბიბლიოთეკის დირექტორის მოხსნა-კანონით პაპუაშვილის დისკრეციული უფლებამოსილებაა, მაგრამ კეკელიძის თქმით,შედეგი უსამართლოა.

ცოლის სასტიკ მკვლელობაში ბარლდებულ ახალგაზრდა კაცს მოსამართლე არსენ კალატოზიშვილმა წინასწარი 2-თვიანი პატიმრობა მიუსაჯა. როგორც ბრალდებულ გიორგი კავლელაშვილის ადვოკატი აცხადებს, მან ცოლის მკვლელობის შესახებ ახლა გაიგო და ის მძიმე ემოციურ მდგომარეობაში იმყოფება. ის ჩადენილ დანაშაულს ნანობს და აცხადებს, რომ არ ახსოვს, რა მოხდა 9 იანვარს. 

თბილისში ცოლის საზარელი მკვლელობის ახალი დეტალები ხდება ცნობილი.  როგორც ირკვევა,  მკვლელობის ფაქტს ბრალდებულის მამაც შეესწრო და სავარაუდოდ, ის არის ოქროს მოწმე, რომელმაც ზუსტად იცის რა მოხდა საბედისწერო ღამეს. 30 წლის გიორგი კავლელაშვილმა 27 წლის ქეთევან ედიბერიძე საწოლში მძინარე მოკლა. მას შვილთან ერთად ეძინა, როცა ნასვამ მდგომარეობაში მყოფი მეუღლე სახლში დაბრუნდა და დანით არაერთი მძიმე ჭრილობა მიაყენა. შემდეგ კი თვითმკვლელობა სცადა. 

უმძიმესი ავარია ბოლნისში, რის შედეგადაც ორი არასრუწლოვანი ძმა ადგილზევე დაიღუპა. როგორც თვითმხილველები ჰყვებიან, ამ მძიმე ფაქტს მათი დედაც შეესწრო, რომელიც ასევე დაშავდა. როგორც ირკვევა, სოფელ ბალახაურში გზის პირას ძმები დედასთან ერთად ბოსტნეულით ვაჭრობდნენ. ცნობილია, რომ  ბიჭებს დიდი სიჩქარით მოძრავი მსუბუქი ავტომობილი დაეჯახა. ხოლო ავტომობილში მყოფი კიდევ სამი პირი დაშავდა. მძღოლი სამართალდამცველებმა შემთხვევის ადგილზე დააკავეს.

ყაჩაღობა გორში - საახალწლო კონცერტზე ქარელიდან ჩამოსულმა ახალგაზდებმა, რომელთა შორის ერთ-ერთი არასრუწლოვანია, ბენზინგასამართი სადგური დააყაჩაღეს. როგორც ირკვეევა, 20 წლის მამაკაცმა არასრუწლოვანთან ერთად ღამის საათებში სადგურის ოპერატორს იარაღის მუქარით 280 ლარამდე წაართვა.