ჯარისკაცის ბურუსით მოსილი გარდაცვალება სამხედრო ბაზაზე - გამოძიებამ უნდა დაადგინოს, რა გახდა 19 წლის რეზი ჩხეიძის გარდაცვალების მიზეზი. ერთი ვერსიით, ახალგაზრდა სამხედრომ სიცოცხლე თვითმკვლელობით დაასრულა, მეორე ვერსიით კი მას იარაღი შემთხვევით გაუვარდა. რეზი ჩხეიძეს  სასიკვდილო ჭრილობა იარაღით თავის არეში აქვს მიყენებული. 

თბილისში ტაქსის მღოლს ტურისტების გაუპატიურებაში სდებენ ბრალს. 40 წლამდე გასან გასანოვს რუსეთის მოქალაქე ქალი გაუპატიურების ბრალდებით უჩივის. ირკვევა, რომ მთაწმინდაზე, სადაც ქალმა ტაქსის მძღოლს წაყვანა სთხოვა, მან ის დასახლებული ადგილიდან მოშორებით წაიყვანა და მასზე სექსუალურად იძალადა. ასევე წაართვა ტელეფონი და ფული. ქალი განყოფილებაში ორი დღის წინ მივიდა და საჩივარი დაწერა. თუმცა აღმოჩნდა, რომ იგივე ტაქსის მძღოლს კიდევ ერთი ტურისტი ახლა კანადის მოქალაქე უჩივის, რომელიც ამბობს, რომ ტაქსის მძღოლმა მასზე სექსუალური ძალადობა სცადა. სავარაუდოდ,  მოძალადე ტაქსის მძღოლი უკვე დაკავებულია და ის პოლიციამ შემთხვევის ადგილზე საგამოძიებო პროცედურების ჩატარების დროს მიიყვანა. 

ტურისტი ამტკიცებს, რომ თბილისში ჩამოსული, აეროპორტში თაღლითი ტაქსის მძღოლის  მსხვერპლი გახდა და ის გაძარცვეს. ინდოეთის მოქალაქე, ახალგაზრდა ქალი ამბობს, რომ მძღოლმა მას მთელი თანხა, 800 დოლარი წაართვა. როგორც ტურისტი ყვება, აეროპორტიდან თბილისისკენ მომავალ გზაზე, მძღოლი მას უკაცრიელ ადგილზე დატოვებით დაემუქრა თუ მთლიან თანხას რაც თან ჰქონდა, არ მისცემდა. 

დიღომში, სუპერმარკეტ "გუდვილის" მიმდებარე ტერიტორიაზე მამაკაცი ცივი იარაღით დაჭრეს. არსებული ინფორმაციით, დისტრიბუტორთან კონფლიქტი ყოფით ნიადაგზე, გზის არდათმობის გამო, მსუბუქი ავტომობილის მძღოლს მოუვიდა. დისტრიბუტორი სიტყვიერი შელაპარაკების შემდეგ, მსუბუქი ავტომობილის მძღოლმა  ფეხის არეში დაჭრა. დაჭრილი  28 წლის კაცი სასწრაფო დახმარების ბრიგადამ "ვივამედის" კლინიკაში გადაიყვანა. სავარაუდო დამნაშავემ კი ტერიტორია დატოვა.    

შემზარავი დანაშაული ქვემო ქართლში - 72 წლის მამაკაცს,  26 წლის გოგოს და 14 წლის არასრუწლოვან ბიჭზე სექსუალურ ძალადობაში ადანაშაულებენ. გამოძიების მიხედვით, მამაკაცი შეზღუდული შესაძლებლობის მსხვერპლებზე, სავარაუდოდ, სისტემატიურად ძალადობდა. ორივე დაზარალებულს მეტყველების პრობლემები აქვს,  შესაბამისად, მათ დიდი  ხნის განმავლობაში ამაზე საუბარი უჭირდათ. მამაკაცი, რომელსაც გამოძიება ამ მძიმე დანაშაულს ედავებ, იმ სარეაბილიტაციო ცენტრის მძღოლია, რომელსაც მეტყველების პრობლემის მქონე ბენეფიციარები ცენტრიდან სახლში დაჰყავდა. 

15 წლის თეკლას ბურუსით მოცული გარდაცვალება  - რა მოხდა 15 ოქტომბერს ხაშურში, როცა 15 წლის გოგონა კორპუსის ეზოში უგონო მდგომარეობაში იპოვეს. ადგილობრივებმა სასწრაფო გამოიძახეს, თუმცა არასრულწლოვანის გადარჩენა ვერ მოხერხდა. დაახლოებით საღამოს 8 საათზე მომხდარ ამ შემთხვევას ფაქტს უშუალო თვითმხილველი არ ჰყავს. ადგილობრივბი „რეზონანსთან“ იხსენებენ, რომ მათ რაღაცის დავარდნის ხმა გაიგეს, გარეთ გამოიხედეს და ავტომობილის ქვეშ მწოლიარე პატარა გოგონა დაინახეს. ახლოს მისულებმა კი მათი მეზობელი ამოიცნეს.

სისხლიანი ანგარიშსწორება სამტერდიაში - ე.წ. კრიმინალური ავტორიტეტი კობა მეფარიშვილი, მეტსახელად „ყრუ“ სამძიმრიდან გამოსული ჩაცხრილეს. როგორც ადგილობრივები ყვებიან, 36 წლის ახალგაზრდა კაცს 10-მდე  ტყვია ესროლეს. ხოლო სისხლიან გარჩევას წინ ჩხუბი და დაპირისპირება უძღოდა. მკვლელი ამ დრომდე მიმალვაშია, მის დასაკავებლად პოლიცია სამძებრო-საგამოძიებო ღონისძიებებს ატარებს. გავრცელებული ინფორმაციით კი  მკვლელობის მოტივად კრიმინალურ ავტორიტეტებს შორის არსებული დავა სახელდება.

კავკასიის საერთაშორისო უნივერსიტეტის ირანელ სტუდენტს და ადგილობრივს შორის  სიტყვიერი დაპირისპირება იქამდე მივიდა, რომ უნივერსიტეტში საქმის გარჩევა სროლაში გადაიზარდა. 

როგორც თვითმხილველები ჰყვებიან, საქართველოს მოქალაქეს  და ირანელ სტუდენტს შორის ჩხუბის მიზეზი მანქანის არასწორი პარკინგი გახდა. ადგილობრივმა შენიშვნა მანქანის მფლობელ სტუდენტს მისცა, რომელმაც მეგობრებთან ერთად საქმის გასარჩევად მამაკაცს  მოგვიანებით სახლში მიაკითხა. დაპირსპირების ეპიცენტრმა კი საცხოვრებელი სახლიდან უნივერსიტეტის ეზოში  გადაინაცვლა. 

ქართველი ქალის სასტიკი მკვლელობა თურქეთში - ტრაპიზონში, მიტოვებულ შენობაში 49  წლამდე საქართველოს მოქალაქის ცხედარი იპოვეს. ირკვევა, რომ ქალს 10 დღის განმავლობაში ოჯახი, მეგობრები და თურქეთის პოლიცია ეძებდა. ის ამ ხნის ძებნის შემდეგ მიტოვებულ შენობაში მოკლული იპოვეს. ცხედრის  წინასწარი დათვალიერების შედეგად ცნობილი ხდება, რომ  მას თავში ბლაგვი საგნით აქვს ჭრილობები მიყენებული. შემდეგ კი მიტოვებულ შენობაში გადამალეს.    

უმძიმესი დანაშაული გორში, 67 წლის კაცმა 39 წლის შვილი მოკლა. სოფელ სობისში ადგილობრივები აცხადებენ, რომ მამაკაცმა შვილს თავის არეში ნაჯახით რამდენიმე ჭრილობა მიაყენა. მამაკაცი ადგილზევე გარდაიცვალა. ის სახლში უკვე გარდაცვლილი იპოვეს. პოლიციამ ცხელ კვალზე კი მამა დააკავა, რომელიც გამოძიების ინფორმაციით დანაშაულს აღიარებს. რა მოხდა და რა გახდა ამ სასტიკი დანაშაულის მიზეზი, ადგილობრივებისთვის უცნობია. მათი თქმით, სავარაუდოდ, მამა შვილს შორის არსებობდა დაპირისპირება, რაც ამ სისხლიანი ანგარიშსწორებით დასრულდა.   

მარნეულში  38 წლის ახალგაზრდა მამაკაცი მაშინ მოკლეს, როცა ის მეჩეთიდან გამოდიოდა. როგორც ადგილობრივები ყვებიან,  ახალგაზრდა კაცს ჩაუსაფრდნენ და ნიღბიანმა პირმა, მას 4ჯერ ესროლა. ხოლო მიწაზე წაქცეულს საკონტორლო გასროლა გაუკეთა. 

14 წლის აიტაჯ შახმაროვას მკვლლეობის საქმეზე შესაძლოა, დამნაშავეთა წრე გაიზარდოს. პროკურატურა და გამოიძიება კვლავ იკვლევს, ვინ შეიძლება აიტაჯის იძულებით გათხოვების და მისთვის თავისუფლების აღკვეთის შესახებ იცოდა და პოლიციას არ შეატყობინა. 

ცნობილი ხდება, რომ აიტაჯის დედის და ბიძის შემდეგ, რომლებსაც რუსთავის საქალაქო სასამართლომ პატიმრობა შეუფარდა, განსასჯელის სკამზე მისი მამაც აღმოჩნდეს.