მიხეილ სააკაშვილის ჯანმრთელობის შესახებ განცხადება „ვივამედის" ექიმებმა „იმედის კვირა"-სთან გააკეთეს. ენდოკრინოლოგ სოფო მებუკეს განცხადებით, მიხეილ სააკაშვილი დღის განმავლობაში წონაში მატებისთვის საკმარის კალორიების ნახევარსაც არ იღებს.

„სააკაშვილი უნდა იღებდეს 1350 კალორიას, მინიმუმს ძირითადი ცვლისთვის, წონის შენარჩუნებისთვის 1500-ს მაინც, ხოლო მატებისთვის 1700 კალორიას. მის მიერ ყოველდღიურად მიღებული საკვების დაანგარიშებით კალორაჟი არ აღემატება 400-500-600 კალორიას, ესეც იშვიათად. პარენტერალურ კვებაზე დაგვთანხმდებოდა იმ შემთხვევაში თუ გადავიყვანდით რეანიმაციაში. ამ დრომდე, პარამეტრებიდან გამომდინარე ამის საჭიროება არ ყოფილა. არის რაღაც დეტალები და ნიუანსები, რაც მისთვის მნიშვნელოვანია, მაგრამ დღემდე შეუსრულებელი რჩება, კვებასთან, მადაზე მომყვან პრეპარატებთან, ამინომჟავების კომპლექსთან, ენტერალურ კვებასთან დაკავშირებით და ა.შ.", - განაცხადა სოფო მებუკემ.