მათთვის მხოლოდ და მხოლოდ ის მოდელია მისაღები, რომელიც მათ პირდაპირ გამოაცხადებს არჩევნებში გამარჯვებულად, - ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ ალუდა ღუდუშაურმა განაცხადა.

მისი თქმით, არჩევნების ელექტრონული სისტემით ჩატარება კიდევ უფრო გააჯანსაღებს პროცესს.

„ქართველი ხალხის ნება არჩევნებზე გამოხატული იქნება სრულად და ობიექტურად. ამას უზრუნველყოფს და კიდევ უფრო მეტად გააჯანსაღებს ელექტრონულად ჩატარებული პროცესი. ეს იქნება ინოვაციური არა მარტო ჩვენ ქვეყანაში, არამედ ბევრ წამყვან ევროპულ ქვეყნებშიც კი“, - განაცხადა ალუდა ღუდუშაურმა.