უკრაინის საგარეო საქმეთა მინისტრის, დმიტრო კულებას შეფასებით, რუსეთის მიერ ენერგეტიკულ ობიექტებზე მიზანმიმართული თავდასხმების განხორციელება ომის დანაშაულია, რომელის მიზანი მშვიდობიანი მოქალაქეებისთვის გაუსაძლისი პირობების შექმნაა.

„რუსეთის თავდასხმების ძირითადი სამიზნეები ენერგეტიკული ობიექტებია. მათ გუშინ ბევრ ობიექტს დაარტყეს და დღესაც იგივე და ახალ ობიექტებს. ეს არის წინასწარ დაგეგმილი ომის დანაშაულები და მიზნად ისახავს მშვიდობიანი მოსახლეობისთვის გაუსაძლისი პირობების შექმნას - რუსეთის მიზანმიმართული სტრატეგია თვეების განმავლობაში“, - წერს კულება „ტვიტერზე“.