ქეთო გოგოხია
22.08.2022

დედამიწის მოსახლეობა 8 მილიარდს გადაცდა და ამ დროს სასიცოცხლოდ მნიშვნელოვანი რესირსებიც თანდათან ილევა. ყოველ წელწადში 90 მილიონიანი ზრდაა 11-12 წელიწადში 1 მილიარდს იმატებს. ამ ტემპით უფრო ადრე შესრულდება პროგნოზი, რომლის მიხედვითაც 2030 წელს დედამიწის მოსახლეობა 10 მილიარდს მიაღწევდა. გამოდის, რომ 2025 წლისთვის იქნება უკვე 10 მილიარდი, რაც კრიტიკულ ზღვრად მიიჩნევა, ვინაიდან მეცნიერები ფიქრობენ, რომ რესურსი რეალურად არ იქნება. შსაბამსიად, სერიოზული პრობლ;ემის წინაშე აღმოჩნდებიან როგორც დიდი ქვეყნები, ასევე პატარა სახელმწიფოები, მათ შორის საქართველო.

გვანცა წულაია
18.08.2022

ქვეყანაში ბინების დაქირავების ფასი გამუდმებით მატულობს. დადგენილი მაზანდა თვიდან თვემდე იზრდება. გაზაფხულიდან მოყოლებული საქართველოში ბინები ძვირდება და თანაც საცხოვრებელი ფართი ძნელად იშოვება. ერთ თვეში ქვეყანაში სწავლა განახლდება. რა უნდა ქნას სტუდენტმა, რომელსაც ქალაქში ჩამოსვლის შემდეგ ბინის მოძიება გაუჭირდება და პოვნის შემთხვევაში საგრძნობლად გაზრდილი გადასახადი დახვდება?

გვანცა წულაია
18.08.2022

რამდენიმე თვიანი პაუზის შემდეგ, ხორბლის მიმართულებით, დადებითი ტენდენციები იკვეთება. პირველ რიგში, ამუშავდა უკრაინული დერეფანი და  ქვეყნიდან მარცვლეულის ექსპორტს პრობლემა აღარ ექმნება. უკრაინული პორტების გახსნამ, მსოფლიოში ვითარება შეცვალა. გარდა ამისა, მართალია, რუსეთში ხორბლის ექსპორტზე ბაჟი ისევ მოქმედებს, თუმცა გადასახადი ძალიან შემცირებულია და 20 დოლარზე ჩამოვიდა. საერთაშორისო ბირჟებზეც მარცვლეულის ღირებულება იკლებს.

გვანცა წულაია
17.08.2022

საქართველოს ეროვნული ბანკის გაურკვეველმა ქმედებამ საზოგადოება და ფინანსისტები გაოგნებული დატოვა. წინა ხუთშაბათს ქვეყნის ცენტრალურმა ბანკმა სავალუტო აუქციონზე სრულიად მოულოდნელად 40 მილიონი დოლარი შეისყიდა, რასაც სავალუტო ბაზარზე ლარის მკვეთრი გაუფასურება მოჰყვა. ამ გადაწყვეტილებიდან რამდენიმე დღეში კი სებ-მა აუქციონზე 20 მილიონი დოლარი გასაყიდად გაიტანა და თითქოს თავისი შეცდომის გამოსწორება სცადა. სფეროს სპეციალისტებისთვის კობა გვენეტაძის უწყების ნაბიჯები სრულიად გაურკვეველია და ამბობენ, რომ ეროვნული ბანკს არც ქვეყნის ეკონომიკა ადარდებს და არც მოსახლეობა.

გვანცა წულაია
17.08.2022

საქართველოში თხილის მოსავლის აღება უკვე დაიწყო. სამუშაო პროცესი მთელი ქვეყნის მასშტაბით მიმდინარეობს. ამ ეტაპზე, მთლიანი მოსავლის დაახლოებით 25-30%-ია აღებული. კარგი სიახლე ის არის, რომ წელს მუშახელის დეფიციტი აღარ შეიმჩნევა. ამის მიზეზი უფრო, რომ თურქეთში სეზონურ მუშაობაზე წელს ხალხმა მასობრივად თქვა უარი, რადგან იქ დასაქმებულებს უკვე უფრო ნაკლებს უხდიან, ვიდრე საქართველოში. ასე რომ, ადგილობრივები უკვე საქართველში ჩაერთნენ მოსავლის აღების პროცესში.

გვანცა წულაია
16.08.2022

ქართველ ფერმერებს ცხვრის გაყიდვა უჭირთ. მიზეზი უცნაურია და უცხოურ ვალუტაში ვაჭრობას უკავშირდება. ფერმერები ცხვარს ქვეყნის ფარგლებს გარეთ დოლარის კურსის გაანგარიშებით ყიდიან. შესაბამისად, გამყარებული ლარი მათთვის არახელსაყრელია, რადგან ცხვარს წელს ისეთი ფასი აღარ აქვს, როგორც შარშან ჰქონდა (გაცვლითი კურსიდან გამომდინარე). გამოდის, რომ ფერმერებს ხან დოლარში უნდათ ვაჭრობა, ხანაც - ლარში.

გვანცა წულაია
16.08.2022

საქართველოში აგვისტოს ბოლომდე საწვავის ფასი 20-30 თეთრით შემცირდება. პრემიერ-მინისტრი ამბობს, რომ დაპირება იმპორტიორებისგან მიიღო. პარალელურად ახალ მოკვლევას იწყებს კონკურენციის სააგენტო. ახლა საინტერესოა, ფასთა ცვლილება მხოლოდ დიდ ბენზინგასამართ სადგურებს შეეხება, თუ მცირე ქსელებსაც მოიცავს?

ქეთო გოგოხია
15.08.2022

სავალუტო ინტერვენციების გამოყენებისას ეროვნულ ბანკს ზომიერებამ უღალატა. წინა ხუთშაბათს ბრუნვიდან ერთბაშად 40 მილიონი დოლარის ამოღებას სავალუტო ბაზარზე მოულოდნელად ლარის მკვეთრი გაუფასურება მოჰყვა, რაც მრავალ უარყოფით გაგრძელებას გამოიწვევს. პირველ რიგში, პრობლემა შეექმნება იმპორტს და სამომხმარებლო პროდუქციის გაიაფების დაწყება გამოირიცხება. სულ ცოტა ხნის წინ იმპორტიორები, განსაკუთრებით ნავთობპროდუქტების ბაზრის მოთამაშეები, საფასო ცვლილებას გეგმავდნენ, რაც გაურკვეველი პერიოდით გადავადდება.

ქეთო გოგოხია
15.08.2022

სოციალურად დაუცველი მოქალაქეების დასაქმების პროგრამა გეგმის მიხედვით მიდის, თუმცა ჯერ გარდამტეხი ცვლილება ვერ მოახდინა. მიუხედავად იმისა, რომ მთავრობა საწყის ეტაპზე 50 000  ადამიანის დასაქმებას აპირებდა, ჯერჯერობით 20 000 სოციალურად დაუცველი დასაქმდა. ისინი, ძირითადად, თვითმმართველ ქალაქებსა და ურბანულ ტერიტორიებზე მუშაობენ ისეთ სექტორებში როგორიცაა დასუფთავებისა და გამწვანების სამსახურები, დამკრძალავი ბიუროები და წყალმომარაგების სფერო. მათი შრომის ანაზღაურება ამ პოზიციებზე დაახლოებით 500-600 ლარის ფარგლებშია, ზოგ შემთხვევაში, ნაკლებიც, თუმცა ისინი სახელმწიფო შემწეობის თანხასაც იღებენ.

გვანცა წულაია
15.08.2022

რეგიონში მიმდინარე ომის კვალდაკვალ საქართველოს ეკონომიკური ფაქტორები უმჯობესდება. მეტიც, ქვეყნის სატრანზიტო დერეფანმა, რუსეთის მიერ უკრაინაში წამოწყებული სამხედრო მოქმედებების შემდეგ, უდიდესი მნიშვნელობა შეიძინა, რაც საქართველოს დამატებით შემოსავალს და პოტენციალს უჩენს. საინტერესოა, რამდენად შეძლებს საქართველო პოზიტიური ტენდენციის შემარჩუნებას გვიანი შემოდგომიდან, როცა მსოფლიო მასშტაბით ეკონომიკური ვითარების გამწვავება და კრიზისიც კია მოსალოდნელი.

ქეთო გოგოხია
15.08.2022

ნავთობპროდუქტების იმპორტია ივლისში გაიზარდა. განსაკუთრებით ეს ეხება საცხებ-საპოხი მასალებს, რომლის იმპორტიც ივლისში წინა თვის (ივნისი), ასევე წინა წლის ანალოგიურ პერიოდთან შედარებით, მატულობს. ასევე ზრდას აჩვენებს სანავთობო ბიტუმის იმპორტი. რაც შეეხებასაავიაციო ნავთის სეგმენტს, იქ იმპორტში მცირე კლებაა, თუმცა, როგორც ნავთობპროდუქტების იმპორტიორთა კავშირში აღნიშნავენ, მოხმარება მაინც ინტენსიურია და ეს საჰაერო მიმოსვლის გააქტიურებას უკავშირდება, რისი ტენდენციაც სამომავლოდაც შენარჩუნდება.

ქეთო გოგოხია
11.08.2022

ყველაზე მეტი რაოდენობის ტურისტი  საქართველოში ამჟამად აჭარაშია, მათ შორის, განსაკუთრებით ბათუმი უპირობო ლიდერია, სადაც დამსვენებლების 90%-ს რუსები შეადგენენ. როგორც აღმოჩნდა, მეზობელი რეგიონებიდან ჩამოსული მოქალაქეები, ძირითადად, სომხები, ქობულეთს და ანაკლიას სტუმრობენ.  ყველაზე ნაკლები ტურისტი გურიაშია. როგორც ,,რეზონანსისთვის" გახდა ცნობილი, დამსვენებლების უჩვეულო მცირე რაოდენობაა ურეკსა და მალთაყვაში, სადაც წინა სეზონებზე აშკარად მეტი აქტიურობა შეიმჩნეოდა.


Copyright © 2006-2024 by Resonance ltd. . All rights reserved
×