აშშ-ის მხრიდან სანქციების შესაძლო დაწესება ქართულ ეკონომიკას ვერ დააზარალებს. ყოველ შემთხვევაში, სპეციალისტები მსგავს პროგნოზს არ აკეთებენ. ეს არ ნიშნავს, რომ ეკონომიკა სანქციებს ვერ იგრძნობს, თუმცა ნამდვილად არ იქნება ისეთი გავლენა, რამაც შეიძლება ქვეყნის ეკონომიკის სტაბილურობას საფრთხე შეუქმნას. თუკი რაიმე კუთხით მოსალოდნელია ნეგატიური შედეგი ეს, პირველ რიგში, სავალუტო ბაზარსა და სავაჭრო ურთიერთობებზე აისახება, რასაც ორივე სექტორი ადვილად გადაიტანს. 

საავტომობილო თხევადი გაზის გაძვირების ტენდენცია ოდნავ შეიცვალა, თუმცა კვლავ მაღალ მაჩვენებელზეა. ამ ტიპის საწვავის ძირითადი უპირატესობა ფასია, თუმცა მძღოლებისთვის დიდი შეღავათი არ არის. როგორც საფასო დინამიკა აჩვენებს, თხევადი გაზის ფასი ბოლო დრომდე განუხრელად იზრდებოდა და ფაქტობრივად, ბენზინის ღირებულებას მიუახლოვდა. სპეციალისტები ფიქრობენ, რომ "ელპიჯის" გაძვირება მიზანმიმართულად ხდება და ბაზარზე ხელოვნური ჩარევაა. 

არასტანდარტული ვაშლის რეალიზაციის ხელშეწყობის სახელმწიფო პროგრამა, წინა წლების მსგავსად, წელსაც განხორციელდება. გადაწყვეტილება მთავრობამ დარგის ხელშეწყობის მიზნით მიიღო. ამით ყველა პირობა შეექმნა ფერმერებს, რომ ჩაუბარებელი მოსავალი არ დარჩეს და მაქსიმალური სარგებელი მიიღონ. 

ინვესტიციების რაოდენობა თანდათან მცირდება. მოახლოებულ არჩევნებთან დაკავშირებით ინვესტორები სიფრთხილის რეჟიმში გადავიდნენ. მდგომარეობას აშშ-ს მხრიდან წამოსული სანქციებიც ართულებს. შესუსტებული საინვესტიციო გარემო კი ეკონომკის შემაფერხებელი ნაწილია. სპეციალისტები ფიქრობენ, რომ ოქტომბრის არჩევნები გადამწყვეტია ქვეყნისთვის. ამ ეტაპზე შექმნილი მდგომარეობა გვიჩვენებს, რომ ქვეყანაში მნიშვნელოვანი კაპიტალის დაბანდება წარმოუდგენელია. 

ქართული ბიზნესი კადრების დეფიციტს ისევ განიცდის და ამის მთავარი მიზეზი ხელფასი და კვალიფიკაციაა. დასაქმებულებს ანაზღაურება არ აკმაყოფილებთ, ბინზესი კი ამბობს, რომ ხელფასებს მეტად ვეღარ გაზრდის, წინააღმდე შემთხვევაში პროდუქციის გაძვირება მოუწევს. 

ლარის კურსმა გაუფასურება დაიწყო. ერთ დღეში ეროვნული ვალუტა ორი პუნქტით დაეცა. თუ კი აქამდე კურსი ეტაპობრივად მყარდებოდა და სტაბილურ ნიშნულზე იყპ, ახლა მდგომარეობა შეიცვალა. "რეზონანსი” შეეცადა გაერკვია, რას უკავშირდება ლარის გაუფასურება და რა პროცესები დაიწყება მოახლოებული არჩევნებისა და ამოქმედებული სანქციების ფონზე?

აშშ-დან საქართველოს მოქალაქეების მისამართით სანქციები ახალი პაკეტი დაიძრა. ამჯერად საუბარია განსაკუთრებულ დავალებათა დეპარტამენტის ხელძღვანელ ზვიად ხარაზიშვილსა და მის მოადგილეზე. სანქციების ქვეშ მოხვდნენ ასევე "ალტ ინფოს” დამფუძნებელი კონსტანტინე მორგოშია და ზურაბ მახარაძე. მათ გარდა, სავიზო შეზღუდვა დაუწესა 60-ზე მეტ ქართველს და მათ ოჯახის წევრებს. სანქციები ქართველების მიმართ აშშ-ს აქამდეც დაუწესებია, მაგრამ მაშინდელ გადაწყვეტილებას ქვეყნის ეკონომიკაზე არანაირი გავლენა არ მოუხდენია, ამჯერად უნდა ველოდოთ თუ არა პრობლემების ტალღას? 

საქართველოს ეკონომიკა მიმდინარე წელსაც სტაბილურად იზრდება და როგორც მთავრობაში ითქვა, ყველაფერი გაკეთდა იმისათვის, რომ განვითარება მომავალშიც გაგრძელდეს, თუმცა წინ არჩევნებია. საინტერესოა, 26 ოქტომბრის შემდეგ ხომ არ შეიქმნება საფრთხე, მით უმეტესს, რომ სანქციების საკითხი საქართველოსთვის ხელახლა დაიძრა. 

ავარიული სკოლების დემონტაჟისა და რეაბილიტაციის პრობლემა კვლავ აქტუალურია. ახალი სასწავლო წლის დაწყება ბავშვების ნაწილს ისევ სხვადასხვა სკოლებში შეხიზნულებს უწევთ. ბოლო რამდენიმე წელია, რაც ავარიული სასწავლო დაწესებულებების მასობრივი დემონტაჟი მიმდინარეობს. ზოგიც დათქმულ დროზე შენდება და ახლდება, მაგრამ არის სკოლები, სადაც მშენებლობისა და რეაბილიტაციის პროცესი უსასრულოდ გაიწელა.

სამშენებლო სფეროს რეგულირების მიუხედავად, დედაქალაქსა და სხვა დიდ ქალაქებშიც მშენებლობები ისე მიმდინარეობს, რომ გარშემო ინფრასტრუქტურა ზიანდება და მოქალაქეების უსაფრთხოება რისკი ექმნება. კერძო სექტორი და არც მერია მოსახლეობასთან კომუნიკაციას და არც გაცემული ნებართვების გადახედვას არ ცდილობენ, რაც საბოლოოდ მობინადრეებს დიდ პრობლემას უქმნის. განსაკუთრებით უჭირთ ახლომდებარე დაბალ შენობებს, რადგან მიმდინარე მშენებლობის გამო იშლება ქანები და იბზარება საცხოვრებელი კორპუსები აღარაა უსაფრთხო. პრობლემას სპეციალისტები კანონმდებლობის ხარვეზს უკავშირებენ და აცხადებენ, რომ ნებართვების გაცემამდე არ ხდება მშენებლობასთან დაკავშირებული გარკვეული საკთხების შესწავლა, მათ შორის, მოსახლეობასთან ურთიერთობა,  ჰიდროგეოლოგიის გათვალისწინება და სხვა, რაც საერთოდ კანონმდებლობის მიღმაა.

მომსახურების სფეროში უცხოელი იაფი მუშახელი მომრავლდა. განსაკუთრებით საკურიერო ბიზნესში, სადაც მიმტანებად არაერთი ჩინელი, ინდოელი და ირანელია დასაქმებული. როგორც ჩანს, საქართველოში არსებული კადრების დეფიციტის შევსებას ბიზნესი  უფრო დაბალანაზღაურებადი ქვეყნებიდან სამუშაო ძალის  მოზიდვით ცდილობს. პრობლემას ამ შემთხვევაში ენის ბარიერი ქმნის, რაც მომსახურების ხარისხზე უარყოფითად მოქმედებს და მომხმარებლებშიც გარკვეულ დისკომფორტს ქმნის. მიუხედავად ამისა, ეს უცხოელების დასაქმებას ხელს არ უშლის. 

ზაფხულის სეზონზე ბათუმი ტურისტებით განსაკუთრებით დაიტვირთა. მათი სიმრავლე იგრძნობოდა გზებზე, სხვადასხვა ობიექტის რიგებში თუ სანაპირო ზოლზე. აქტივობა შეიმჩნეოდა სხვა ზღვისპირა ქალაქსა თუ საქართველოს მთებში, მაგრამ განსაკუთრებულად დატვირთული სწორედ ბათუმი აღმოჩნდა. მაღალი აქტივობის გამო სხვადასხვა სახის პრობლემა შეიქმნა, გზებზე და კვების ობიექტებში, თუნდაც გასართბ სივრცეებში.