საქართველოს 2025 წლის ბიუჯეტი დამტკიცებულია. მომავალ წელს თანხა ყველა სამინისტროში საჭიროებისამებრ გადანაწილდება და უმეტესი ნაწილი სოციალურ მიმართულებებს მოხმარდება, რაც ეკონომიტების შეფასებით, კარგი გადაწყვეტილებაა.  

უძრავი ქონების ბაზარი ერთ-ერთი სფეროა, რაზეც პოლიტიკურმა არეულობამ იმოქმედა. აქციებმა და დასავლეთის დამოკიდებულებამ, რომ საქართველომ ევროპული კურსი იცვალა, სამშენებლო სეგმენტში სტაბილურობა შეაფერხა და ახლა ბიზნესი პოლიტიკური კრიზისის დასრულების მოლოდინშია. წინააღმდეგ შემთხვევაში ბიზნესს უკუსვლა ელის. 

საქართველოში საინვესტიციო კლიმატი მკვეთრად  გაუარესდა.  შიდაპოლიტიკურმა დაძაბულობამ, ასევე საერთაშორისო პროცესების გავლენამ ამ მხრივ დიდი როლი შეასრულა. როგორც სპეციალისტები აღნიშნავენ, წინაასაარჩევნო მოლოდინმა ამ მხრივ განსაკუთრებით ცუდად იმოქმედა, თუმცა ეკონომიკისთვის საგანგაშო სიგნალს ვერც ამჯერად ხედავენ და ამბობენ, რომ პრობლემა გადაილახება.

ბიზნესის გაფიცვა ეკონომიკას ჩამოშლის და სრულ კოლაფსს გამოიწვევს. პოლიტიკოსებისა და საზოგადო მოღვაწეების ნაწილის მოწოდებას, რომ ბიზნესი გაიფიცოს, ეკონომისტები კატეგორიულად ემიჯნებიან და აცხადებენ, რომ მსგავსი გადაწყვეტილება ეკონომიკისა და მოსახლეობის მდგომარეობაზე უმძიმეს გავლენას მოახდენს და ამ ზიანს მერე წლების განმავლობაში ვერაფერი გამოასწორებს.

საწვავის ფასი გლობალურ ბაზრებზე მკვეთრად შემცირდა. ბოლო მონაცემით, 1 ბარელი ნავთობის ღირებულება უკვე 70 დოლარის ფარგლებშია. ადგილობრივ ბაზარზე გაიაფების ტენდენცია ჯერჯერობით არ იგრძნობა, თუმცა იმპორტიორები ვარაუდობენ, რომ დაახლოებით 2-3-კვირაში საფასო ცვლილება აქაც აისახება და ბენზინი გაიაფებას დაიწყებს. ამას ხელს უწყობს ისიც, რომ  მკვეთრი გაუფასურების შემდეგ ლარის კურსიც გამყარდა და ახლა სტაბილურია. 

აფხაზეთში ენერგოკრიზისია.  ნოემბრიდან მოყოლებული მოსახლეობას დენი გრაფიკით მიეწოდება. მიუხედავად იმისა, რომ სეპარატისტებს ზამთრის სეზონზე ენგურჰესის გამომუშავებული ელექტოენერგია სრულად მიაქვთ, მათ ეს არ ყოფნით და მოსახლეობა ნახევრად ჩაბნელებულია. წელს ვითარება კიდევ უფრო დრამატულია. საქმე ისაა, რომ ენგურჰესის კაშხალზე წყლის დონე უკვე კრიტიკულ დონეზე დაბლაა. შესაბამისად, ოკუპირებულ რეგიონს ელექტროენერგიის გარეშე დარჩენა ემუქრება.

საბანკო სექტორს უკვე ყოველღიურად მოუწოდებენ გაფიცვისკენ. საპროტესტო აქციებში მონაწილე მხარე კარგად აანალიზებს ბანკების გაფიცვა რა შედეგს გამოიწვევს, მაგრამ მოწოდებები მაინც კეთდება. ეს კი მიზნად ისახავს საფინანსო სექტორის ისეთ რყევას, რამაც შესაძლოა,  ქვეყანა გამოუვალ მდგომარეობაში ჩააგდოს. 

ბიტკოინის ფასი რეკორდულად გაიზარდა და მისმა ღირებულებამ 104 000 დოლარს მიაღწვია. ეს პირველი შემთხვევაა, როდესაც მთავარი ციფრული ვალუტა 100 000 დოლარიან ზღვარს გადასცდა. მკვეთრი სიძვირის მიზეზად სახელდება ინვესტორების ფსონები, რომ გლობალურ ფინანსურ სისტემაში კრიპტოვალუტები მყარ ადგილს დაიკავებენ, რადგან აშშ-ის პრეზიდენტ დონალდ ტრამპის მომავალი ადმინისტრაცია ციფრული სექტორისთვის მეგობრული იქნება.

საქართველოს ეკონომიკა იზრდება. პოლიტიკური არეულობის მიუხედავად, მთავრობას მოლოდინი აქვს, რომ ქვეყნის განვითარება არ შეფერხდება და ეკონომიკური ზრდა გაგრძელდება. იგივე ფიქრობენ ეკონომისტებიც და მათი მოლოდინით, წლის ბოლოს ორნიშნასთან მიახლოებული მაჩვენებლით გაიზრდება ეკონომიკა. 

მკვეთრად გაუფასურებული ლარი საკმაოდ სწრაფად მყარდება. პოლიტიკური მოვლენებისადმის ყველაზე მრძნობიარე მიმართულება ეტაპობრივად სტაბილურდება, მთავრობაში ითქვა, რომ ეროვნულ ვალუტას არანაირი საფრთხე არ ელის. ამ მოსაზრებას ეკონომისტბიც იზიარებენ და მიიჩნევენ, რომ პოლიტიკური არეულობის დასრულებისთანავე, კურსი ისევ გამყარებისკენ წავა. 

გაზაფხულის აქციების მსგავსად, პოლიტიკაში ბიზნესის ჩარევის მცდელობა მიმდინარე პერიოდშიც გამოიკვეთა. გუშინ პრემიერმა განაცხადა, რომ კერძო სექტორზე ზეწოლა და შანტაჟი მიმდინარეობს, რათა პოლიტიკური განცხადებები გაკეთდეს. რა თქმა უნდა, ისე, როგორც ყველას, კერძო სექტორსაც აქვს საკუთარი მოსაზრების დაფიქსირების უფლება, თუმცა სპეციალისტები ამბობენ, რომ ზეწოლა და წნეხი დაუშვებელია. 

პირველი დარგი, რომელმაც პოლიტიკური ქაოსის გამო დარტყმა მიიღო, ტურიზმია. განსაკუთრებით სასტუმროები დაზარალდნენ, სადაც ვიზიტორების მკვეთრი კლებაა. ცენტრალურ უბანში მდებარე სასტუმროებთან ერთად, დანაკარგს განიცდიან პერიფერიებსა და რეგიონებში  მდებარე ობიექტები, სადაც ჯავშნები ერთიმეორის  მიყოლებით უქმდება.