ევროსაბჭოს კონგრესმა 26 მარტს კრიტიკული რეზოლუცია მიიღო, სადაც საქართველოში „სწრაფ და დრამატულ დემოკრატიულ უკუსვლაზეა" საუბარი. ეს ერთგვარი პროლოგია იმ ამბების, რაც სტრასბურგში აპრილში უნდა დატრიალდეს, როცა საპარლამენტო ასამბლეის საგაზაფხულო სესიაზე საქართველოს საკითხს განიხილავენ. ოპოზიციურ სპექტრში მიაჩნიათ, რომ საქართველოს დელეგაციას, რომელმაც იანვრის სესიაზე მუშაობის შეწყვეტა გამოაცხადა, შეიძლება საერთოდ დაატოვებინონ ევროსაბჭო.

„კოალიცია ცვლილებებისთვის" წევრი გედევან ფოფხაძე აცხადებს, რომ ხელისუფლებასთან საჭიროა „უფრო რადიკალური ნაბიჯების გადადგმა" და ოპოზიცია უნდა შეთანხმდეს გადამწყვეტი ბრძოლის დღეზე, როცა ვამბობთ, რომ „ვიწყებთ და დღის ბოლოს რეჟიმს ვასრულებთ".

ომის ვეტერანმა, ლაშა ქოიავამ 27 მარტს ნაციონალური მოძრაობის ხელისუფლების საქმიანობის შემსწავლელ დროებით საგამოძიებო კომისიასთან სკანდალური განცხადებები გააკეთა, მათ შორის ის, რომ 2008 წლის თებერვალში უკვე ვარაუდობდნენ, რომ მალე რუსეთთან საბრძოლო მოქმედებები დაიწყებოდა.

„ნაციონალური მოძრაობის" ხელისუფლების საქმიანობის შემწავლელი პარლამენტის დროებითი საგამოძიებო კომისიის თავმჯდომარე თეა წულუკიანი არ გამორიცხავს, რომ მიხეილ სააკაშვილი დაიბარონ და თავად უპასუხოს იმ კითხვებს, რაც მასთან კომისიას აქვს.

პროკურატურამ, „ნაციონალური მოძრაობის" ხელისუფლების საქმიანობის შემსწავლელი პარლამენტის დროებითი საგამოძიებო კომისიის სხდომაზე გამოუცხადებლობის გამო, „ძლიერი საქართველოს" ლიდერ მამუკა ხაზარაძის საქმეზე გამოძიება დაიწყო.

ხუთშაბათს სენატის საგარეო ურთიერთობათა კომიტეტში "მეგობარი აქტის" განხილვაა დაგეგმილი, კანონპროექტს მხარს 8 რესპუბლიკელი და 10 დემოკრატი კონგრესმენი უჭერს. აქტში ერთის მხრივ საუბარია ხალხთა შორის კავშირების გაძლიერებაზე, მეორეს მხრივ კი ურთიერთობის სრულ გადასინჯვაზე და "ქართული ოცნების" მაღალჩინოსნებისთვის სანქციების დასწესებას მოითხოვს.

სოხუმის აეროპორტიდან რეისები მაისიდან განხორციელდება. ოკუპირებული აფხაზეთის რესპუბლიკის საგარეო საქმეთა სამინისტრომ საქართველოს სამოქალაქო ავიაციის სააგენტოს კომენტარს, რომ სოხუმის აეროპორტის ოპერირება უკანონოა, 26 მარტს კრიტიკით უპასუხა. ე.წ. საგარეო საქმეთა სამინისტროს განცხადებაში წერია, რომ ქართულმა მხარემ საჭიროა კონფრონტაციულ რიტორიკაზე უარი თქვას

აშშ-ს პრეზიდენტ დონალდ ტრამპისგან ცნობილი გახდა, რომ რუსეთმა შავ ზღვაზე ცეცხლის შეწყვეტის სანაცვლოდ 5-6 პირობა წამოაყენა, მოთხოვნებს კი მისი ადმინისტრაცია განიხილავს. კრემლი ოფიციალურ განცხადებაში ცეცხლის შეწყვეტის წინაპირობად სანქციების ნაწილის მოხსნას ასახელებს. კიევი კი ვაშინგტონთან შეთანხმდა, რომ რუსეთის მხრიდან დარღვევის შემთხვევაში, მტკიცებულებებს წარადგენს, რის შემდეგაც აშშ ზომებს მიიღებს.

მმართველი პარტია „დაპირებულ გრანტებზე" ალაპარაკდა, რომელიც ქვეყანას ევროკავშირის წევრობის კანდიდატის სტატუსის მიღების შემდეგ უნდა მიეღო. ამის შესახებ განცხადება ორშაბათს დედაქალაქის მერმა და მმართველი პარტიის გენმდივანმა კახა კალაძემ გააკეთა. მისი თქმით, კანდიდატის სტატუსთან დაკავშირებით ხელისუფლების ოპონენტები ხშირად მანიპულირებდნენ გრანტების თემით და აცხადებდნენ, რომ საქართველო მნიშვნელოვანი თანხებს კარგავდა.

პარლამენტის დროებითი საგამოძებო კომისია „ძლიერი საქართველოს" ერთ-ერთი ლიდერის, მამუკა ხაზარაძის საქმეთან დაკავშირებით პროკურატურას მიმართავს. კომისიამ ხაზარაძე გამოკითხვაზე დაიბარა, თუმცა ის არ გამოცხადდა. როგორც კომისიის მდივანმა, სოზარ სუბარმა განაცხადა, ეს არის სისხლის დანაშაული, რომელიც 1 წლამდე პატიმრობას ითვალისწინებს. საქმე ეხება ბიზნესმენ ჯემალ ლეონიძის ბრალდებას, რომელიც წინა ხელისუფლების მაღალჩინოსნებთან ერთად, ქონების წართმევაში მამუკა ხაზარაძეს ადანაშაულებს.

სანქციების ახალი ტალღა ბერლინიდან - გერმანიამ ქვეყანაში შესვლა კიდევ რამდენიმე თანამდებობის პირს აუკრძალა. ჯერჯერობით უცნობია მათი ვინაობა ან რაოდენობა, თუმცა 24 მარტს გამოქვეყნებულ განცხადებაში ხაზგასმით წერია, რომ სანქცირებული პირები „პროტესტის ჩახშობაზე არიან პასუხისმგებელი". „ოცნებაში" ამბობენ, რომ „სანქციებით ვერ შეაშინებენ", ოპოზიციაში კი იმედოვნებენ, ეს სანქციები სხვა დასავლური სახელმწიფოებისთვის „გადამდები ეფექტის" იქნებa.

„უცხოური აგენტების რეგისტრაციის აქტის", იგივე ამერიკული „ფარა"-ს ანალოგის მესამე და საბოლოო მოსმენით მიღებას პარლამენტი უახლოეს დღეებში აპირებს. არასამთავრობო ორგანიზაციების ნაწილი აცხადებს, „ფარა"-ს მოქმედება არასამთავრობო სექტორზე წესით არ უნდა გავრცელდეს, თუკი კანონის ქართული ვარიანტი „ისეთივე კეთილსინდისიერად აღსრულდება, როგორც აშშ-ში".