სამშაბათს პარლამენტმა მედიასთან დაკავშირებული ორი საკანონმდებლო ცვლილება მესამე - საბოლოო მოსმენით მიიღო. კანონის მიხედვით, მაუწყებლებს აკერძალათ უცხოეთიდან დაფინანსების მიღება. მეორე ცვლილებით კი შემოდის რიგი აკრძალვები და შეზღუდვები მედიისთვის. ანალიტიკოსებს ეეჭვებათ, რომ ამ ფაქტმა მოსახლეობის განწყობაზე მნიშვნელოვანი გავლენა მოახდინოს.

საკონსტიტუციო სასამართლოს შეეძლება აკრძალოს პარტია, რომლის გაცხადებული მიზანი, საქმიანობის არსი - მათ შორის პერსონალური შემადგენლობა - სასამართლოს მიერ უკვე აკრძალული პარტიის გაცხადებულ მიზანს, საქმიანობის არსსა და პერსონალურ შემადგენლობას იმეორებს. მმართველმა პარტიამ „მოქალაქეთა პოლიტიკური გაერთიანებების შესახებ" კანონში შესაბამისი ცვლილებები უკვე წარადგინა პარლამენტში. ანალიტიკოსები თანხმდებიან, რომ ამით „ოცნება" პრაქტიკულად "ნაციონალური მოძრაობის" აკრძალვის შემდგომი პერიოდისთვის ემზადება, თუმცა ამ ცვლილებამ მომავალში შეიძლება თავად „ოცნებას" შეუქმნას სამართლებრივი პრობლემები

"შევთავაზე [პარტიებს] რომ შეიქმნას პროევროპული პოლიტიკური სპექტრის მონაწილეობით წინააღმდეგობის პლატფორმა" , - ამ სიტყვებით მიმართა სალომე ზურაბიშვილმა 31 მარტის აქციაზე შეკრებილებს. თუმცა ექსპრეზიდენტის გამოსვლამ ხალხის გულისწყრომა და აღშფოთება გამოიწვია. „თითქმის დივერსია მოუწყვეს ხალხს.“ - კატეგოტიული იყო პაატა ბურჭულაძე.

31 მარტს "2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი" პარლამენტის დროებით საგამოძიებო კომისიის რიგით მე-8 სხდომაზე სკანდალური განცხადებები გაკეთდა. სხდომაზე მიწვეული იყვნენ: ემზარ კვიციანი, გიორგი კაპანაძე, მარიამ რატიანი, გიორგი თარგამაძე და გიორგი კანდელაკი.

აშშ-ს პრეზიდენტი დონალდ ტრამპი რუსეთის პრეზიდენტ ვლადიმერ პუტინზე "ძალიან გაბრაზებულია" და თუ უკრაინაში სისხლისღვრის შეჩერებაზე შეთანხმებას ვერ მოახერხებს და ეს იქნება რუსეთის ბრალი, სანქციების დაწესებით იმუქრება. ანალიტიკოსები მიიჩნევენ, რომ პუტინს ახლა ომის დასრულება არ აწყობს, რადგან რუსეთის ეკონომიკა მთლიანად ომზე გახდა დამოკიდებული, ტრამპი კი იძულებული იქნება, რომ საპასუხო ნაბიჯები გადადგას, მათ შორის იმიტომაც, რომ ცეცხლის შეწყვეტის ინიციატივის ჩაშლა მის რეპუტაციას ეხება.

ოპოზიცია 31 მარტის აქციისთვის ემზადება. მეხუთე პრეზიდენტი სალომე ზურაბიშვილისა და ოპოზიციის ლიდერთა ბოლო შეხვედრა კვირას გაიმართა, რის შედეგადაც გაირკვა, რომ ოპოზიციის ერთობა საბოლოოდ დარღვეულია და ორშაბათს ზურაბიშვილი არ წარმოადგენს ერთობლივი მოქმედების რაიმე გეგმას, რაც ადრე იყო დაანონსებული. ცალკეული ოპოზიციონერები კი უკვე ღიად საუბრობენ, რომ ყველამ თავისი პარტიული პლატფორმით უნდა დაიწყოს მოქმედება.

28 მარტს საქართველოს პარლამენტში „ნაციონალური მოძრაობის“ საქმიანობის შემსწავლელი დროებითი საგამოძიებო კომისია 4 საათის განმავლობაში უსმენდა გენერალ მამუკა ყურაშვილს. კომისიის ეს სხდომა, რომელიც რიგირთ მე-7 იყო, განსაკუთრებით სკანდალური გამოდგა მასზე გაკეთებული განცხადებების შინაარსისა და ტონის გამო, რასაც საზოგადოებაში არაერთგვაროვანი რეაქცია მოჰყვა.

მას შემდეგ, რაც 27 მარტს აშშ-ს სენატის საგარეო ურთიერთობათა კომიტეტმა „მეგობარი აქტს" მხარი დაუჭირა, მმართველი პარტია აქტიურად საუბრობს, რომ ეს გადაწყვეტილება მიზნად 31 მარტის აქციისთვის „სულის ჩადგმას" ისახავს. „ოცნების" ოპონენტები კი ხაზგასმით ამბობენ, რომ ამ აქტის მიღებით ამერიკელები ქართველ ხალხს მხარდაჭერას უცხადებენ და ხალხს 31 მარტს ქუჩაში გამოსვლისკენ მოუწოდებენ.

„ქართულ ოცნებას“ გადაწყვეტილი აქვს, წინა ხელისუფლების საქმიანობის შემსწავლელი კომისიის მიერ შეგროვილი მასალების საფუძველზე, საკონსტიტუციო სასამართლოს „ნაცმოძრაობის“ აკრძალვის მოთხოვნით მიმართოს. უკვე კეთდება მინიშნება, თუ  კონსტიტუციის რომელ მუხლს შეიძლება დაეფუძნოს მმართველი პარტიის საკონსტიტუციო სარჩელი.

ამერიკის შეერთებული შტატების სენატის საგარეო ურთიერთობათა კომიტეტმა „მეგობარი აქტს" მხარი დაუჭირა. „ოცნებაში"აცხადებენ, რომ ეს გადაწყვეტილება დიფ სტეიტის მუშაობის შედეგია და საქართველოში ოპოზიციური მუხტის გამოცოცხლებას ემსახურება, ოპოზიციაში კი იმედოვნებენ, რომ აშშ-ს პრეზიდენტი დოკუმენტს ხელს მოაწერს და ის მალე ამოქმედდება.

„ქართულმა ოცნებამ" დააინიცირა კანონპროექტი, რომელიც „კოლექტიური ნაცმოძრაობის და მისი მემკვიდრე პარტიების არაკონსტიტუციურად გამოცხადებას" ეხება. ძირითადად ოთხ პარტიაზეა საუბარი, რაზედაც ანალიტიკოსები ამბობენ, რომ დიდი ალბათობით იგულისხმება 2024 წლის ოქტომბრის არჩევნებზე ბარიერგადალახული ძალები.

„ნაციონალური მოძრაობის" აკრძალვა ძალიან დიდი შეცომაა, რომელიც დიდ რეზონანსს გამოიწვევს არამარტო საქართველოში, არამედ მის ფარგლებს გარეთაც და ეს უფრო გაართულებს ვითარებას", - ასე ეხმაურება პოლიტოლოგი იგორ კვესელავა „ქართული ოცნების" გეგმას, მიმართოს საკონსტიტუციო სასამართლოს „ნაციონალური მოძრაობის" და „მისი სატელიტი" პარტიების არაკონსტიტუციურად გამოცხადებაზე.