კახა კალაძეს აქვს გამოხატული ინტერესი, რომ კიდევ ერთხელ იყოს მერობის კანდიდატი, ზოგადი განწყობაც გუნდში გასაგებია, მაგრამ მაინც დაველოდოთ ფორმალური პროცედურების დასრულებასაც, რადგან რეალურად არის იმის შესაძლებლობაც, რომ სხვა კანდიდატურის წარდგენა მოხდეს, - ამის შესახებ „ქართული ოცნების" დეპუტატმა, ლევან მახაშვილმა ჟურნალისტებთან თვითმმართველობის არჩევნებში თბილისის მერის კანდიდატურაზე საუბრისას განაცხადა.

"გააძლიერე წინააღმდეგობა" - ბოიკოტში მყოფი პარტიები მოქალაქეებს მოუწოდებენ ამ სპეციალურ პლატფორმაზე დარეგისტრირდნენ შემდგომი მოქმედებებისთვის. მათი შეფასებით, რაც უფრო ორგანიზებული და შეკრული იქნება ხალხი, მით უფრო გაუწეევს წინააღმდეგობას და "უფრო დეზორგანიზებული და დასუსტებული იქნება რეჟიმი".

საქართველოს საგანგებო და სრულუფლებიანმა ელჩმა, თამარ ტალიაშვილმა, ამერიკის შეერთებული შტატების პრეზიდენტ დონალდ ტრამპს თეთრ სახლში რწმუნებათა სიგელები გადასცა. ელჩის მიერ გამოქვეყნებულ წერილში ხაზგასმულია, რომ ქართულმა მხარემ აშშ-ის ახალ ადმინისტრაციას თავისი გზავნილები გადასცა. დაიწყება თუ არა ორ ქვეყანას შორის სტრატეგიული პოლიტიკური ურთიერთობა და რა შეთავაზებები აღმოჩნდა ოვალური კაბინეტის „სავაჭრო მაგიდაზე", საკვანძო კითხვებად რჩება.

"ქართული ოცნება" ევროკავშირის განცხადებას აკრიტიკებს და რუსული იარლიყის მიკერების ტაქტიკას უწოდებს ბლოკის საგარეო საქმეებისა და უსაფრთხოების პოლიტიკაში პრესსპიკერის ანუარ ელ ანუნის აქცენტებს, სადაც ნათქვამია, რომ ევროკავშირი-საქართველოს ურთიერთობებისთვის "რუსული სტილის შეთქმულების თეორიებითა და გახლეჩის შემომტანი ნარატივებით ძირის გამოთხრა მხოლოდ მათ არგებს, ვინც საქართველოს დემოკრატიულ და ევროპულ გზას ეწინააღმდეგება.

ევროპარლამენტი აცხადებს, რომ საქართველო ვერ გაწევრიანდება ევროკავშირში მანამ, სანამ მისი მთავრობა ავტორიტარულ კურსს არ შეცვლის. მმართველ პარტიაში უკვე აღარ უკვირთ მსგავსი განცხადებები. ოპოზიციაში კი ამბობენ, რომ „ოცნების" მხრიდან ევროპარლამენტის იგნორირება დიდი შეცდომაა.

„ოცნება" ლევან ხაბეიშვილს უსვამს კითხვას, თუ საიდან აპირებს იმ თანხების მოძიებას, რომელიც თავის სკანდალურ განცხადებაში გააჟღერა. საქმე ეხება ენმ-ს ყოფილი თავმჯდომარის მიმართვას ძალოვანი უწყებისა და გდდ-ს თანამშრომლებისადმი, სადაც ხაბეიშვილი ძალოვნებს მოუწოდენს, რომ 4 ოქტომბრის არჩევნებისთვის გაერთიანდნენ, ხოლო ის სამართალდამცველები, რომლებიც „იარაღს არ ისვრიან", ჯილდოს სახით 200 000 დოლარს მიიღებენ.

„ქართულ ოცნებას" ადგილობრივ არჩევნებზე გამარჯვების პრობლემა კი არა აქვს, არამედ დასწრების, რადგან მათი ბევრი მომხრე ფიქრობს, რომ მმართველი პარტია ისედაც მოიგებს და ამიტომ საარჩევნო უბნებზე გამოცხადებით თავს არ იწუხებენ, რაც ბევრ რამეს აფუჭებს, აცხადებს პოლიტოლოგი პეტრე მამრაძე, რომელსაც „რეზონანსი" ქვეყანაში მიმდინარე პროცესებზე ესაუბრა.

„მეგობარი" აქტის მიღება შეჩერდა, რომელიც საქართვლოს ხელისუფლების მაღალი თანამდებობის პირებისთვის სანქციებსა და სავიზო შეზღუდვებს ითვალისწინებს. ცნობილი ხდება, რომ სამმა სენატორმა ეს დოკუმენტი ე.წ. ჩუმი მოსმენის დროს დაბლოკა. „ოცნება" აცხადებს, რომ დოკუმენტის მიღებამ შესაძლოა დიდი ხნით გადაიწიოს, ოპოზიციაში კი დარწმუნებულები არიან, რომ ეს მხოლოდ ტექნიკური შეფერხებაა და აქტს ამ წლის ბოლომდე მიიღებენ.

მმართველი პარტია ადგილობრივი თვითმართველობის არჩევნებისთვის ემზადება. თბილისის მერმა, კახა კალაძემ განაცხადა, რომ „ოცნების" კანდიდატი ის იქნება, თუმცა ოფიციალური წარდგენა უახლოეს მომავალში არის დაგეგმილი. მანამდე ვრცელდებოდა ხმები, თითქოს კობახიძის გუნდი კალაძის სხვა კანდიდატით ჩანაცვლებას გეგმავდა, თუმცა ბოლო დროს ამ ხმების ინტენსივობა მინავლდა.

ახლა პოლიტიკური ველი ფაქტიურად სამადაა გაყოფილი - ერთის მხრივ ხელისუფლება, მეორეს მხრივ კი ორ ფლანგად გაშლილი ოპოზიცია. ბოიკოტის მომხრეები აგვისტოში პროტესტის უწყვეტად გაგრძელებას და წინააღმდეგობის კერების შექმნას აანონსებენ, სექტემბერში კი პროტესტის დიდ ტალღას ელოდებიან. ხელისუფლება და ოპოზიციის ნაწილი არჩევნებისთვის ემზადებიან.

არის მცდელობა, უვიზო მიმოსვლის საკითხი გამოყენებულ იქნას საქართველოზე პოლიტიკური ზეწოლის ინსტრუმენტად, რომლის მიზანიც, საბოლოო ჯამში, არის ხელისუფლების შეცვლა, - ამის შესახებ პარლამენტის თავმჯდომარემ, შალვა პაპუაშვილმა განაცხადა.

ბარიერგადალახული ოპოზიციის ორივე ფლანგს 4 ოქტომბრის მუნიციპალური არჩევნებისთვის საკუთარი გეგმები აქვთ - ბოიკოტის მომხრე 8 პარტია და მათი აქტივისტები რეგიონებში „წინააღმდეგობის წევრების ორგანიზებას" იწყებენ. არჩევნებში ჩართვის მომხრეები კი, თავის მხრივ მონაწილეობისთის ემზადებიან, მიუხედავად მათი ლიდერების ციხეში ყოფნისა.