ორად გაყოფილ ოპოზიციას ბრძოლის გასაგრძელებლად განსხვავებული გეგმა აქვს. არჩევნების ბოიკოტის მომხრეები რეჟიმის ჩამოსაშლელად წინააღმდეგობას აანონსებენ და ხალხს ქუჩაში გამოსვლისკენ მოუწოდებენ. პარტიებს „ლელოსა" და „გახარია-საქართველოსთვის" კი სწორ ნაბიჯად არჩევნებში მონაწილეობა მიაჩნიათ. ანალიტიკოსები ოპოზიციის სავარაუდო გეგმებსა და მიზნებზე საუბრობენ და არ გამორიცხავენ, რომ რომელიმე პოლიტიკურმა ჯგუფმა აზრი შეიცვალოს.

მესამე წრე: პოლიტიკური კარიერის გადამწყვეტი რაუნდი თუ მორიგი გამარჯვების მექანიკური გაგრძელება? - „ქართული ოცნების" მერობის კანდიდატი კვლავ კახა კალაძეა - მმართველმა პარტიამ ის უკვე ოფიციალურად წარადგინა. ოპოზიციური პარტიები, რომლებიც ადგილობრივი თვითმმართველობის არჩევნებში მონაწილეობენ, მის სახელს კორუფციასთან აკავშირებენ და მხარდამჭერებს მობილიზაციისკენ მოუწოდებენ. მმართველ პარტიაში კი კალაძეზე ფსონი კვლავ მაღალია.

მმართველი პარტიის გენერალური მდივანი კახა კალაძე ზედიზედ მესმედ იყრის კენჭს დედაქალაქის მერობაზე. ბოლო არჩევნებისას, 2021 წელს, საბოლოო გამარჯვებისთვის მას მეორე ტური დასჭირდა. წელს კი, ოპოზიციის დაქსაქსულობის ფონზე, ანალიტიკოსთა უმრავლესობა მის იოლ გამარჯვებას პროგნოზირებს.

ოპოზიციის ნაწილი თვითმმართველობის არჩევნებამდე ორი თვით ადრე დიდ აქციასა და 4 ოქტომბერს „ისტორიული გამარჯვების დღედ“ აანონსებს. ამ ინიციატივამ უკვე სკეპტიციზმი გამოიწვია ოპოზიციის მეორე ნაწილში, რომლებიც მიიჩნევენ, რომ რევოლუციური სცენარების გაჟღერება ამ ეტაპზე უბრალოდ კომიკურად გამოიყურება და არასწორ მოლოდინებს ქმნის. ანალიტიკოსები ამბობენ, რომ 4 ოქტომბრის აქცია „განწირული პერფორმანსია“, რომელიც მმართველი პარტიის წისქვილზე ასხამს წყალს.

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა თაღლითობის ბრალდებით „ერთიანი ნაციონალური მოძრაობის" პოლიტიკური საბჭოს წევრი ლაშა ცანავა დააკავეს. მმართველ პარტიაში ამბობენ, რომ ნებისმიერი ადამიანი, რომელიც უკანონო მიგრაციის ხელშემწყობია, კანონის მთელი სიმკაცრით დაისჯება, ოპოზიციაში კი აცხადებენ, რომ ცანავა სუს-ის მიერ მოწყობილი პროვოკაციის მსხვერპლია.

პარლამენტის თავმჯდომარე შალვა პაპუაშვილი ჟენევაში, პარლამენტების თავმჯდომარეთა მსოფლიო კონფერენციის ფარგლებში გამართული გენერალური დებატების დროს სიტყვით გამოვიდა. მან რამდენიმე საკითხზე ისაუბრა და განსაკუთრებით დიდი ყურადღება უცხოურ ჩარევებზე გაამახვილა.

ოპოზიცია ისევ დუმს - არჩევნებამდე ორი თვეა დარჩენილი, თუმცა, ოპოზიციური პარტიები, რომლებიც ადგილობრივი თვითმმართველობის არჩევნებში უკვე დაზუსტებით მონაწილეობენ, მერობის კანდიდატთან დაკავშირებით ინფორმაციას კვლავ არ ავრცელებენ. ამბობენ, რომ საბოლოო პასუხი 31 ივლისს იქნება. მმართველ პარტიაში მიანიშნებენ, რომ მათი წარმომადგენელი კვლავ კახა კალაძეა, ვინ იქნება ოპოზიციიდან მერობის სავარაუდო კანდიდატი და შეძლებს თუ არა საზოგადოებაში მხარდაჭერის მოპოვებას.

„ნაციონალური მოძრაობის" პოლიტსაბჭოს თავმჯდომარე ლევან ხაბეიშვილი ამტკიცებს, რომ შინაგან საქმეთა სამინისტროს ოფიციალურ გვერდზე თითქოს გამოქვეყნდა ინფორმაცია, უნდა დააკავონ და ამის დასტურად სკრინშოტს აქვეყნებს. ანალიტიკოსები ამას სერიოზულად ვერ აღვიქვამენ და ამბობენ, რომ სანამ ხაბეიშვილი ციხეში მოხვედრის გზას იპოვის, იქამდე „დევნილის გვირგვინს" მოირგებს.

თავდაცვის სამინისტროს რამდენიმე ყოფილ მაღალჩინოსანს აღკვეთის ღონისძიების სახით პატიმრობა შეეფარდათ. ანალიტიკოსები ამ ფაქტს კლანური დაპირისპირების გამოხატულებად მიიჩნევენ და აცხადებენ, რომ ექსპრემიერი ირაკლი ღარიბაშვილის დროინდელი კადრების წმენდა ჯერ დასრულებული არ არის.

მმართველი პარტიის ოპონენტების მანტრად ქცეულ ბრალდებებს, რომ „ქართული ოცნება" რუსულ საქმეს აკეთებს პარლამენტის თავმჯდომარე ეხმაურება და ამ ნარატივის გავრცელებაში „ენჯეოებსა" და მოსყიდულ პოლიტიკოსებს ადანაშაულებს. შალვა პაპუაშვილი იმასაც აღნიშნავს, რომ ლიეტუვის მიერ საქართველოს კიდევ ათი მოქალაქის მიმართ სავიზო სანქციების დაწესება პოსტსაბჭოური ფენომენია და მათი პოლიტიკური ელიტის სიღრმისეულ ბოღმას უკავშირდება.

ოპოზიცია კვლავ გაერთიანებაზე საუბრობს. „სტრატეგია აღმაშენებლის" ერთ-ერთი ლიდერი, გიორგი ვაშაძე საპატიმროდან წერილს აქვეყნებს და ამბობს, რომ სთავაზობს ყველა პროდასავლურ პარტიას, სამოქალაქო მოძრაობას, საპროტესტო ჯგუფებს, დროზე დაიწყონ კონსულტაციები ერთიანი წინააღმდეგობის ცენტრის შესაქმნელად.

მმართველი გუნდის რეიტინგის და სოციოლოგიური ციფრების ირგვლივ მწვავე პოლემიკაა - „ქართული ოცნების" მხარდაჭერის 56,2%-იან მაჩვენებელს პარლამენტის თავმჯდომარე შალვა პაპუაშვილი საზოგადოებრივ ნდობაზე დაფუძნებულ მანდატად აფასებს, ხოლო ოპოზიცია - ცინიკურ მანიპულაციად, „გორბის" კვლევას გაყალბებულად მიიჩნევს. რა განწყობები იკვეთება არჩევნებამდე 2 თვით ადრე საზოგადოებაში და როგორი იქნება ფინალური სცენარი.