ნარკოტიკების ზედოზირებით გარდაცვლილთა რეალური მაჩვენებელი ბოლო წლებში გაზრდილია. სპეციალისტების თქმით, ლეტალური შემთხვევები უფრო მეტად 35-40 ასაკობივ ჯგუფზე მოდის. მათი შეფასებით, აღრიცხვიანობის სისტემური ხარვეზები, ოჯახების მიერ პრობლემის მიჩქმალვა და ხელისუფლების მხრიდან არასაკმარისი რეაგირება არსებულ სურათს კიდევ უფრო ამძიმებს, რაც ეროვნული რეესტრის შექმნასა და გადაუდებელ პრევენციულ ნაბიჯებს სასიცოცხლოდ აუცილებელს ხდის.

ენმ-ს მიერ 1-ელ ოქტომბერს დაანონსებული აქცია გაიმართა, თუმცა შეკრებამ მასშტაბური სახე ვერ მიიღო - ამფითეატრში რამდენიმე ათეული ადამიანი შეიკრიბა. აქციის მთავარი მოთხოვნა მიხეილ სააკაშვილისა და პატიმრობაში მყოფი ენმ-ის სხვა წევრების გათავისუფლება იყო. შეკრების დაწყებამდე და უშუალოდ აქციის წინ შინაგან საქმეთა სამინისტრომ ორგანიზატორებსა და მონაწილეებს ორჯერ მოუწოდა, არ შესულიყვნენ რიყის დოქების მიმდებარე ტერიტორიაზე და არ შეეშალათ ხელი „თბილისობა 2026"-ის მოსამზადებელ სამუშაოებისთვის.

იმის გამო, რომ ბენზინისა და დიზელის საწვავი გაძვირდა, ფერმერები ხილ-ბოსტნეულის გაძვირებასაც ვარაუდობენ. ახლა მთავარია, რა კონკრეტულ ნაბიჯებს გადადგამს სახელმწიფო, როგორც ადგილობრივი ბაზრის, ასევე ფერმერების დასაცავად. სპეციალისტების შეფასებით, გამოსავალი არსებობს - სიტუაციის დასარეგულირებლად აუცილებელია კომპლექსური ღონისძიებების გატარება, როგორც დიზელის საწვავის აქციზის დროებით შემცირება, ასევე თანამედროვე სასოფლო-სამეურნეო ტექნიკის ენერგოდამზოგი ტექნოლოგიების შემოტანა, პარალელურად ალტერნატიული საწვავის გამოყენებაც. 

დუბაი-თელ ავივის რეისის თვითმფრინავი, სადაც მეორე პილოტი კაპიტანს დანით თავს დაესხა, კინაღამ ჩამოვარდა. დაჭრილი კაპიტნის და შესაბამისად მთელი ხომალდის გადარჩენასა და პირველად სამედიცინო დახმარებაში გადამწყვეტი როლი ბორტზე მყოფმა ქართველმა-ებრაელმა ექიმ-სტომატოლოგმა, შოთა მუსაევმა ითამაშა. ლაინერი საუდის არაბეთში ავარიულად დაეშვა. შემთხვევას ტერაქტის კვალიფიკაცია მიენიჭა. 174 მგზავრის გადარჩენის გამო ისრაელის პრესა და ოფიციალური პირები, კაპიტნისა და ექიმის გარდა, კიდევ რამდენიმე ადამიანს ასახელებენ, რომლებმაც სავარაუდო ტერორისტი გააუვნებელყვეს.

ირაკლი კობახიძემ გაეროს გენერალურ ასამბლეაზე საქართველოს ფუნქცია უმთავრესად ევროპასა და აზიას შორის დამაკავშირებელი, სატრანზიტო ქვეყნის კონტექსტში წარმოაჩინა. თუმცა, სწორედ ამ გზავნილმა გააჩინა კითხვები, მათ შორის ოპოზიციაშიც - რატომ არ იყო მკაფიოდ გამოკვეთილი ევროინტეგრაციის პოლიტიკური დღის წესრიგი და ხომ არ ცდილობს ხელისუფლება დასავლეთთან ურთიერთობისთვის ახალი არგუმენტის შექმნას, სადაც საქართველოს სატრანზიტო მნიშვნელობა შესაძლოა დიალოგის აღდგენის ერთ-ერთ საფუძვლად განიხილებოდეს?

როგორც მოსალოდნელი იყო, პენსია 2027 წელსაც გაიზრდება. 70 წლამდე ასაკის პენსიონერებისთვის - 20 ლარით, ხოლო 70 წელზე ზევით პენსიონერებისთვის - 60 ლარით. მართალია, 2021 წლიდან პენსია ინდექსაციის წესით ყოველწლიურად მატულობს, მაგრამ 70 წლამდე პენსიონერებისთვის 20-ლარიანი ბიჯი დიდი შეღავათი არ არის. ეკონომისტებსაც მიაჩნიათ, რომ ეს არარეალურია, რადგან 5%-იანი ინფლაციის პირობებში, 20-ლარიანი მატება მინიმალურ საჭიროებას ვერ დააკმაყოფილებს. 

დაბალშემოსავლიანი მოქალაქეებისთვის სესხის მაქსიმალური ლიმიტი და ყოველთვიური გადასახადი მცირდება. ახალი ინიციატივა ბანკების აგრესიული პოლიტიკის შესაზღუდად იგეგმება. ეს ნაბიჯი ერთგვარი ბარიერია, რომელიც მოქალაქეებს საშუალებას მისცემს, თავიდან აირიდონ ჭარბვალიანობა და საკუთარი ქონების დაკარგვის რისკი.

ირანმა სამშვიდობო წინადადებაზე აშშ-ის პასუხი მიიღო, - ინფორმაციას „როიტერსი" წყაროზე დაყრდნობით ავრცელებს. გამოცემის ინფორმაციით, ირანმა კატარელი შუამავლების მეშვეობით აშშ-ის პასუხი მიიღო შვიდდღიან გეგმაზე, რომელიც მხარეებს შორის ნდობის აღდგენას ისახავს მიზნად. წყაროს თქმით, ირანის საგარეო საქმეთა მინისტრი, აბას არაღჩი აშშ-ის პასუხს თეირანში, ირანელ ოფიციალურ პირებთან განიხილავს.

"ნაციონალური მოძრაობა" ექსპრეზიდენტ მიხეილ სააკაშვილის მხარდასაჭერ აქციას 1-ელ ოქტომბერს, რიყის პარკში მაინც გამართავს. პარტიაში ისევ ძველ პოზიციაზე არიან და მიუხედავად შსს-ს მიერ ორგანიზატორებისთვის ლოკაციის შეცვლის რეკომენდაციისა, დაგეგმილ დროსა და ადგილზე შეიკრიბებიან.

უკრაინამ ოქტომბრისთვის შორი მანძილის დარტყმები დაამტკიცა. ამის შესახებ ინფორმაციას უკრაინის პრეზიდენტი, ვოლოდიმირ ზელენსკი სოციალურ ქსელში ვიდეომიმართვაში ავრცელებს. ზელენსკის თქმით, თავდაცვის სამინისტროსთან, სამხედროებთან და უკრაინული იარაღის წარმოებაზე პასუხისმგებელ პირებთან თათბირის შემდეგ დამტკიცებულ იქნა შორი მანძილის ოპერაციები ოქტომბრისთვის.

რუსეთის პრეზიდენტი ვლადიმერ პუტინი ოკუპირებული აფხაზეთის დე ფაქტო პრეზიდენტ ბადრა გუნბას „გამარჯვებისა და დამოუკიდებლობის დღეს" პირადად ულოცავს და მოსკოვის მხრიდან სოხუმის მხარდაჭერის გაგრძელებაზე საუბრობს. პარალელურად, ე.წ. ლიდერის მტკიცებით, საქართველოს მხრიდან "საფრთხეა", ამიტომ ე.წ. ხელისუფლება "მზადყოფნას" ინარჩუნებს და რუსეთთან სამხედრო-ტექნიკურ თანამშრომლობას ავითარებს.

საქართველოში ბენზინი - 31 თეთრამდე, ხოლო დიზელი - 50 თეთრით გაძვირდა. სიტუაცია არასახარბიელოა და როგორც ნავთობის ბაზრის ანალიტიკოსები ვარაუდობენ, ფასის მატება მომავალშიც გაგრძელდება. ეს კი, დომინოს პრინციპით, სხვა სახის ყველა პროდუქტის გაძვირებას გამოიწვევს, თუმცა გამოსავალი არსებობს. ექსპერტების შეფასებით, მთავარია აქციზის გადასახადის დროებით შემცირება, ქართული ნავთობის გადამუშავება და კონკურენციის სააგენტოს მკაცრი კონტროლი.