უკრაინაში მიმდინარე ომის ფონზე, „მეორე ფრონტი" შესაძლოა ყარაბაღში გაიხსნას, სადაც ბოლო 24 საათში მნიშვნელოვნად დაიძაბა ვითარება აზერბაიჯანულ ნაწილებსა და რუსულ საშვიდობო კონტიგენტს შორის - ამის შესახებ „რეზონანსს" სამხედრო ანალიტიკოსმა ვახტანგ მაისაიამ განუცხადა რეგიონში შექმნილი ვითარების კომენტირებისას.

რუსეთის პრეზიდენტი ვლადიმირ პუტინი აცხდებს, რომ მოსკოვი და მინსკი ბელარუსის ტერიტორიაზე ტაქტიკური ბირთვული იარაღის განთავსებაზე შეთანხმდნენ. ამისთვის სპეციალური საწყობის მშენებლობა უკვე მიმდინარეობს და 1-ლი ივლისისთვის დასრულდება. საგარეო საქმეთა ყოფილი მინისტრისა და ანალიტიკოსის, ირაკლი მენაღარიშვილის აზრით, პუტინის შანტაჟის სტრატეგია შემდგომ მწვავე ფაზაში გადავიდა და თეორიულად დასაშვებია, რომ ასეთმა ნაბიჯებმა ადრე თუ გვიან მსოფლიოს ბირთვული დაპირისპირებისკენ უბიძგოს.

აშშ-ის ელჩი კელი დეგნანი მიიჩნევს, რომ საქართველოში მედია გარემოს დავიწროება ხდება, რაც ქმნის რისკს, რომ საზოგადოებისთვის შესაძლოა ხელმისაწვდომი აღარ იყოს სხვადასხვა ხედვები. ამასთან, ელჩის აზრით, ქვეყანაში მეტისმეტად ბევრი დრო იხარჯება ერთმანეთთან დაპირისპირებაში და უმჯობესი იქნება, თუ ეს დრო ევროკავშირის 12 რეკომენდაციის შესრულებას მოხმარდება. ანალიტიკოსი ზაალ ანჯაფარიძე „რეზონანსთან" აცხადებს, რომ მედია გარემოს დავიწროება გაზვიადებული შეფასებაა და რეალობას არ ასახავს, ხოლო დაპირისპირება და პოლარიზაცია კი ქვეყანაში მას შემდეგ გაიზარდა, რაც საქართველომ ევროკავშირის წევრობის კანდიდატის სტატუსის მისაღებად საჭირო 12 რეკომენდაცია მიიღო.

„ლელოს" ლიდერი მამუკა ხაზარაძე ოპოზიციის ნაწილს საქართველოს ევროინტეგრაციი საბოტირებაში ადანაშაულებს. მისი თქმით, „ვიღაცებს" აქვთ პოზიცია, რომ „ქართული ოცნების" ხელისუფლების პირობებში საქართველომ არ უნდა მიიღოს ევროკავშირის წევრობის კანდიდატის სტატუსი. ანალიტიკოსი ნიკა ჩიტაძე „რეზონანსთან" აცხადებს, რომ ხაზარაძე, სავარაუდოდ, პროდასავლურ პარტიებს გულისხმობდა, თუმცა მისთვის გაუგებარია რატომ წაუყენა მათ ასეთი ბრალდება „ლელოს" ლიდერმა.

24 მარტს, პარლამენტში პრემიერ ირაკლი ღარიბაშვილს რამდენიმე საათის განმავლობაში უსმენდნენ. ის უმაღლეს წარმომადგენლობით ორგანოში დაიბარა 9 ოპოზიციონერმა დეპუტატმა იმის გასარკვევად, რა ნაბიჯები გადადგა მთავრობამ უკრაინაში ომის დაწყების შემდეგ, რატომ შემცირდა თავდაცვის ბიუჯეტი მშპ-სთან შედარებით და რა კეთდება სტრატეგიულ პარტნიორებთან თავდაცვის შესაძლებლობის გასაძლიერებლად. პრემიერმა კი სხდომაზე ისაუბრა „მეორე ფრონტის“ გახსნის სურვილზე, რომელიც, მისი თქმით, აქვთ „ექსტრემისტულ“ ოპოზიციას საქართველოში და მის პარტნიორებს - საზღვარგარეთ.  

თბილისში, ბელიაშვილის ქუჩაზე მომხდარი მკვლელობის შესახებ ახალი დეტალები გახდა ცნობილი. როგორც „რეზონანს“ ადგილობრივები უყვებიან, მეზობლებს შორის გვიან ღამით დაწყებული კონფლიქტი სისხლიან ანგარიშსწორებაში გადაიზარდა, რა დროსაც 30 წლის ბიჭმა  60 წლის მემაკაცი დანით მოკლა. მეზობლები ამბობენ, რომ სავარაუდოდ, ისინი ერთ სუფრაზე იმყოფებოდნენ, ხოლო იქიდან გამოსვლის შემდეგ მათ შრის სიტყვიერი დაპირისპირება მოხდა. ახალგაზრდა კაცმა მეზობელი ბელიაშვილის ქუჩაზე საქმის გასარჩევად დაიბარა.  ადგილზე  მისულ მამაკაცს კი დანით რამდენიმე ჭრილობა მიაყენა.

საფრანგეთში მასობრივი საპროტესტო აქციები მას შემდეგ დაიწყო, რაც პრეზიდენტმა, ემანუელ მაკრონმა საპენსიო რეფორმა წარადგინა, რომელიც 2023 წლისთვის საპენსიო ასაკის ეტაპობრივად გაზრდას ითვალისწინებს 62-იდან 64 წლამდე.

აშშ-ის თავდაცვის მინისტრის, ლოიდ ოსტინის განცხადებით, ჩინეთის ლიდერის სი ძინპინის მოსკოვში ვიზიტი, სადაც ის ვლადიმერ პუტინს შეხვდა და ხელი მოაწერა რამდენიმე დოკუმენტს, აგზავნის „შემაშფოთებელ სიგნალს", რომ ჩინეთი მზად არის რუსეთის მხარდასაჭერად.

ენმ-ის ახალი მენეჯმენტი ცდილობს, არამხარდამჭერი დეპუტატები ან თამაშგარე მდგომარეობაში დატოვოს ან, უფრო უკეთესი, საერთოდ ჩამოაშოროს პარტიას, და თუ ეს პროცესი გაგრძელდება, ამას შეიძლება „ნაციონალური მოძრაობის" გახლეჩა მოჰყვეს, აცხადებს „რეზონანსთან" ანალიტიკოსი ვახტანგ ძაბირაძე მთავარ ოპოზიციურ პარტიაში მიმდინარე პროცესებტან დაკავშირებით.

საქართველოს მოსახლეობის ადგილი ევროკავშირშია. ამიტომ, ჩამოვედი კონკრეტული გზავნილით. ჩვენ გვინდა ვნახოთ საქართველო ევროკავშირში, გვინდა ქართველებმა გაამდიდრონ ევროკავშირი. ჩვენ მხარს დაგიჭერთ ამ გზაზე - ამის შესახებ გერმანიის საგარეო საქმეთა მინისტრმა ანალენა ბერბოკმა თბილისში ვიზიტის ფარგლებში კოლეგა ილია დარჩიაშვილთან შეხვედრის შემდეგ გამართულ ერთობლივ ბრიფინგზე განაცხადა.

ამერიკის შეერთებული შტატების სამხედროებმა სირიის აღმოსავლეთში განლაგებული "ირანის ისლამური რევოლუციის გუშაგთა კორპუსთან" კავშირის მქონე დაჯგუფებების კუთვნილ ობიექტებზე საჰაერო დარტყმები განახორციელეს. ამის შესახებ აშშ-ის თავდაცვის მინისტრმა, ლოიდ ოსტინმა განაცხადა.

დღეს ჩვენი სამყარო მესამე მსოფლიო ომის საფრთხის წინაშე იმყოფება და ეს არ არის გადაჭარბებული საფრთხე. ბირთვული ომის რიტორიკა დღითიდღე მატულობს, მძაფრდება და ასეთ ვითარებაში ჩვენი ხელისუფლების მთავარი საზრუნავი ჩვენი ქვეყნის გადარჩენაა - ამის შესახებ პრემიერ-მინისტრმა ირაკლი ღარიბაშვილმა საქართველოს პარლამენტში სიტყვით გამოსვლისას განაცხადა, სადაც ე.წ. ინტერპელაციის წესით მოსმენა მიმდინარეობს.