რას შეეცვლის უკრაინის ფრონტის ხაზზე ამერიკის მიერ გამოყოფილი 61 მილიარდი და შეიტანს თუ არა ომში რამე სახის გარდატეხვას? უკრაინაზე რუსეთის მოსალოდნელი მასშტაბური თავდასხმების გამო და მრავალთვიანი დისკუსიების შემდეგ აშშ-ის კონგრესის წარმომადგენელთა პალატამ უკრაინისთვის 61 მილიარდი დოლარის დახმარების გამოყოფას მხარი უკვე დაუჭირა. 

ბოლო რამდენიმე  დღეა, ლარის კურსი საგრძნობლად ირყევა. გარკვეულწილად ეს პროცესი ქვეყნის შიდა პოლიტიკურ ვითარებას უკავშირდება. როგორც სპეციალისტები განმარტავენ, მაკროეკონომიკური პარამეტრები წესრიგშიაა და წესით, გაუფასურებას არ უნდა იწვევდეს. დიდი ალბათობით, კომპანიებს და მსხვილ სუბიექტებს დოლარში გადაჰყავთ თავიანთი რეზერვები, რაც კურსზე ნეგატიურად მოქმედებს. მით უმეტეს, მომავალ კვირას ორივე მხარე (მმართველი პარტია და ოპოზიცია) აქციებს გამართავს, რაც არასტაბილურობის განცდას იწვევს.

ადგილობრივი წარმოების პროდუქცია სავაჭრო ქსელებში ძალიან მცორე დოზით არის წარმოდგენილი. მონოპოლიასა და კორუფციაზე საუბრობენ ასოციაციებში. მათი ინფორმაციით, ქსელურ მარკეტებში ქართული პროდუქცია უმეტესად იბლოკება და უდიდესი აქცენტი იმპორტირებულ საკვებს ენიჭება.

საქართველოს პრემიერ-მინისტრი ირაკლი კობახიძე ბუდაპეშტში გაემგზავრა, ის მონაწილეობას მიიღებს და სიტყვით გამოვა „კონსერვატიული პოლიტიკური მოქმედების კონფერენციაში", რომელიც 25 აპრილს გაიხსნება, ასევე, დაგეგმილია შეხვედრა მის უნგრელ კოლეგა ვიქტორ ორბანთან. ანალიტიკოსთა შეფასებით, ვიზიტი „დიდი პოლიტიკის ნაწილია". საქართველო-უნგრეთის მთავრობების ბოლოდროინდელი დაახლოების მიზეზი კი „საერთო ღირებულებებია".

რუსული სახელმწიფო გამოცემა „ტასი" სამართალდამცავ ორგანოებზე დაყრდნობით წერს, რომ რუსუთში თავდაცვის მინისტრის მოადგილე ტიმურ ივანოვი ქრთამის აღების ბრალდებით დააკავეს. ანალიტიკოსების შეფასებით, რაც რუსეთში ხდება ყველაფერი უკრაინის ომთანაა დაკავშირებული, მათ შორის ეს. როგორც ისინი აღნიშნავენ, შესაძლოა საქმე გვქონდეს სახელმწიფო ღალატსა და საიდუმლოებების გაყიდვასთან.

ნატოს გენერალურმა მდივანმა იენს სტოლტენბერგმა პოლონეთში, გაერთიანებული სამეფოს პრემიერ-მინისტრ რიში სუნაკთან ერთობლივ პრესკონფერენციაზე განაცხადა, რომ რუსეთთან კონფლიქტისკენ არ ისწრაფვიან, მაგრამ, საჭიროების შემთხვევაში ყველა მოკავშირეს დაიცავენ. პარალელურად რუსეთის საგარეო საქმეთა სამინისტროს პრესსპიკერი, მარია ზახაროვა კი აცხადებს, რომ ფინეთში დაგეგმილი ალიანსის სამხედრო წვრთნა მათ წინააღმდეგ ჰიბრიდული ომის ნაწილია და მოსკოვი „კოლექტიური დასავლეთის აგრესიულ ქმედებებს" აკვირდება.

„ქართული ოცნება" პარლამენტის წინ შეკრებისთვის ემზადება, პარალელურად კი კვლავ უწყვეტია „უცხოური გავლენის გამჭვირვალობის შესახებ" კანონის მოწინააღმდეგეთა აქციები. ჯერჯერობით უცნობია, ვიხილავთ თუ არა ორ პარალელურ აქციას 29 აპრილს, თუმცა, როგორც ანალიტიკოსები ამბობენ, თუ კანონის მოწინააღმდგეები ორშაბათსაც გამოვიდნენ და აქციები ახლო ლოკაციებზე ჩატარდა, პროვოკაციები და დაპირისპირებები მოსალოდნელია.

ავიაბილეთების ფასი, დროის გასვლასთან ერთად, სულ უფრო მეტად ძვირდება. ასეთია მსოფლიო ტენდენცია, რომელსაც საქართველო არ ჩამოუვარდება. ქვეყანაში ჩამოსვა და საქართველოდან გამგზავრებაც მგზავრისთვის დიდ ხარჯთან არის დაკავშირებული, ამიტომ ბილეთებზე ფასის ზრდა საბოლოო ჯამში ტურიზმზე ახდენს უარყოფით გავლენას.

რა იქნება 29 აპრილს „ქართული ოცნების“ საპატიო თავმჯდომარის ბიძინა ივანიშვილის მთავარი გზავნილი საზოგადოებისთვის და რა საკითხებზე გააკეთებს ძირითად აქცენტს? მმართველი გუნდი ადასტურებს, რომ ივანიშვილი ორშაბათს დაგეგმილ აქციაზე სიტყვით გამოვა. რამდენად შესაძლებელია, რომ მის საჯაროდ გამოჩენას რაიმე მნიშვნელოვანი პოლიტიკური გადაწყვეტილება, ან საკადრო გადაადგილება მოჰყვეს?

2023 წლისგან განსხვავებით წელს შესაძლოა, საქართველომ ელექტროენერგიის ექსპორტის პოტენციალი სრულად ვერ აითვისოს და ენერგოობიექტებს გაზაფხულსა და ზაფხულში ჭარბი წყლის დაღვრა მოუწიოთ. ამის მიზეზი თურქეთში ელექტროენერგიაზე მოთხოვნისა და ფასების შემცირებაა. როგორც ირკვევა, მთავარ საექსპორტო ქვეყანაში მოთხოვნა 15%-ით არის დაკლებული, 1 კვტ/სთ-ს ფასი კი 6-7 ცენტამდე დაეცა.

რუსეთის სახელმწიფო სათათბიროს უსაფრთხოებისა და ანტიკორუფციული კომიტეტის ხელმძღვანელი, ვასილი პისკარევი საქართველოში მცხოვრებ რუსეთის მოქალაქეებს მოუწოდებს, „უცხოური გავლენის გამჭვირვალობის შესახებ" კანონის საწინააღმდეგო აქციებში მონაწილეობისგან თავი შეიკავონ. მისი ცნობით, რუსები ამ დღეებში მასიურად მონაწილეობენ ქუჩის საპროტესტო აქციებში, თუმცა, „არაა საჭირო ქართველების სტუმართმოყვარეობის ბოროტად გამოყენება".

აშშ-ის სახელმწიფო დეპარტამენტმა ადამიანის უფლებების შესახებ 2023 წლის ანგარიში გამოაქვეყნა, რომელშიც საქართველოზეც არის საუბარი. ოპოზიციის შეფასებით, ეს არის საქართველოში არსებული სიტუაციის ერთ-ერთი ყველაზე მძიმე შეფასება ბოლო წლების განმავლობაში. მმართველი გუნდი კი კვლავ იმაზე საუბრობს, რომ ამერიკელი პარტნიორები შეცდომაში არიან შეყვანილი.