სპეციალური სამხედრო ოპერაციისას რუსეთთან ერთად მებრძოლი აფხაზეთის 70-ზე მეტი მოქალაქე დაიღუპა" , - ამის შესახებ ოკუპირებული აფხაზეთის ე.წ. საგარეო საქმეთა მინისტრმა, ოლეგ ბარციცმა რუსულ მედიასთან ინტერვიუში 7 ივნისს განაცხადა, ერთი დღით ადრე კი ბარციცი რუსეთის საგარეო საქმეთა მინსიტრს მოსკოვში ეახლა, სადაც ყურადღება უსაფრთხოებისა და თავდაცვის საკითებზე გამახვილდა.

ბოიკოტში მყოფი ოპოზიცია, ადგილობრივ არჩევნებში ჩართვის მომხრეებს პირდაპირ ეთერში დებატებს სთავაზობს - "კოალიცია ცვლილებებისთვის" ერთ-ერთმა ლიდერმა ელენე ხოშტარიამ "ძლიერი საქართველოს" ლიდერ მამუხა ხაზარაძეს საჯაროდ მიმართა, რომ მზადაა პირდაპირ ეთერში პუნქტობრივად დაასაბუთოს რატომ ემხროობა მუნიციპალური არჩევნების ბოიკოტს.

ფრაქცია "ქართული ოცნება" მოქალაქეებს სოციალურ ქსელში გამოქვეყნებული უხამსი გამონათქვამების გამო, შინაგან საქმეთა სამინისტროში უჩივის იმ კანონის საფუძველზე, რომელიც 2025 წლის თებერვლიდან ამოქმედდა. ოპოზიციაში მიიჩნევენ, რომ ესაა გამოხატვის თავისუფლების შეზღუდვა, პროტესტანტები კი აცხადებენ, რომ ამის მერე „უფრო მეტ წინააღმდეგბას მიიღებენ".

რუსეთის საგარეო საქმეთა მინისტრმა, სერგეი ლავროვმა მოსკოვში გამართულ შეხვედრაზე ოკუპირებული აფხაზეთის ე.წ. საგარეო საქმეთა მინისტრ ოლეგ ბარციცს ახალ „თანამდებობაზე" წარმატება უსურვა და განაცხადა, „ჩვენი ქვეყნები არიან მოკავშირეები მრავალსაუკუნოვანი ისტორიით, ახლა ვქმნით უსაფრთხოებისა და თავდაცვის ერთიან სივრცეს". ანალიტიკოს გია აბაშიძის შეფასებით, მოსკოვი აგრძელებს ჩვეულებრივ თამაშს, რასაც წლების განმავლობაში აკეთებდა.

ანა დოლიძემ კოალიცია „ძლიერი საქართველო" დატოვა. როგორც თვითონ წერს, დამოუკიდებელ საქმიანობას უბრუნდება. ანალიტიკოსები ვარაუდობენ, რომ კოალიცია ალეკო ელისაშვილის პარტია „მოქალაქეებმაც" დატოვოს. ისინი არც იმას გამორიცხავენ, რომ სხვა გაერთიანებებსაც იგივე ბედი ეწიოთ.

აშშ-ის ელჩის, რობინ დანიგანის პენსიაზე გასვლის შესახებ 6 ივნისს მოულოდნელად გაკეთებულმა განცხადებამ საქართველოში განსხვავებული პოლიტიკური ინტერპრეტაციები გამოიწვია: ოპოზიცია აცხადებს, რომ ელჩის წასვლა მოცემულობას არ ცვლის და არც აშშ-ის მხრიდან „ხისტი პოლიტიკის" გატარებას არ გამორიცხავენ, ხოლო „ქართული ოცნება" დანიგანს ორ ქვეყანას შორის ურთიერთობების გაღრმავებისთვის საკუთარი შესაძლებლობების სათანადოდ არგამოყენებლობას მიაწერს და ვარაუდობს, მისი წასვლა შეიძლება ტრამპის წერილის გაუვრცელებლობას უკავშირდებოდეს.

რუსეთიდან ისევ ისმის ბრალდებები, თითქოს უცხოური ძალები ცდილობენ „ოცნების" ხელისუფლების დამხობას და ამისთვის ძალისხმევას არ იშურებენ. საგარეო დაზვერვის სამსახურის ინფორმაციით, დიდ ბრიტანეთს „ქართული ოცნების" ხელისუფლებიდან ჩამოშორების მიზნით ბრძოლის ახალი რაუნდის დაწყება სურს. ევროპული კვლევების დირექტორი კახა გოგოლაშვილი ამბობს, რომ „ერთი სიტყვით შეიძლება ვთქვათ, ეს არის პროვოკაცია და მეტი არაფერი".

ამ ხელისუფლებას ასეთი რაღაცეებით ვერ ჩამოაგდებენ და თუ ასე გააგრძელეს, პროტესტიც მინავლდება და მთავრობა ლეგიტიმურობას გაიმყარებს, განაცხადა პოლიტოლოგმა იგორ კვესელავამ ადგილობრივი არჩევნების მიმართ ოპოზიციის დამოკიდებულების კომენტირებისას. საგარეო პოლიტიკაზე საუბრისას კი ამბობს, რომ, მისი აზრით, „ოცნება" და ამერიკა ერთად ვერ მოძოვენ და შეიძლება საქართველოზე პრეზიდენტმა ტრამპმა ისეთი განცხადებები გააკეთოს, რაც თბილისში არ მოეწონებათ.

ადგილობრივი არჩევნების ბოიკოტი იმდენად არასწორი გადაწყვეტილებაა, რომ ეჭვი ჩნდება, ამის ავტორები „ოცნებასთან" ხომ არ არიან შეკრულნი, აცხადებს ყოფილი სახელმწიფო მინისტრი პაატა ზაქარეიშვილი. მისი აზრით, კონსოლიდაციის შემთხვევაში ოპოზიციას სულ მინიმუმ დიდ ქალაქებში მაინც სერიოზული შედეგის ჩვენება შეუძლია, მაგრამ თუ ბოლოს მაინც ბოიკოტისტებმა გაიმარჯვებს, ისე გამოჩნდება, რომ „ოცნება" არჩევნებს გაყალბების გარეშე იგებს და ამას დასავლეთიდან შესაბამისი რეაგირება მოჰყვება.

მიუხედავად იმ დიდი ზეწოლისა, რომელიც იყო ბოლო წლების განმავლობაში, ხელისუფლებამ მოახერხა საქართველოში მშვიდობის შენარჩუნება და არა მხოლოდ შეინარჩუნა, არამედ საქართველო მუდმივად ახერხებს მშვიდობის მხარდაჭერას რეგიონშიც, აცხადებს პრემიერი ირაკლი კობახიძე, თბილისის მდგრადი განვითარების რეგიონულ ფორუმზე სიტყვით გამოსვლისას.

ევროპარლამენტის საგარეო საქმეთა კომიტეტის ახალ ანგარიშში, რომელიც საქართველოს ეხება, ევროპარლამენტარები ოპოზიციას მუწოდებენ, რომ გამოიყენონ 2025 წლის ადგილობრივი არჩევნების შესაძლებლობა, რათა ასახოს ქართველი ხალხის ერთიანობა დემოკრატიისა და კანონის უზენაესობის მხარდაჭერაში, რაც "უკვე დადასტურდა ოქტომბრის არჩევნების შემდეგ მშვიდობიანი საპროტესტო აქციებით". ამავე დროს, 2024 წლის არჩევნები ნახსენებია, როგორც "მანკიანი კენჭისყრა".

ნატოსა და ევროკავშირის შესახებ საინფორმაციო ცენტრი იშლება - 17-წლიანი ფუნქციონირების შემდეგ ორგანიზაცია რეორგანიზაციას ეტაპზეა , საინფორმაციო ცენტრის დირექტორი აცხადებს, რომ საინფორმაციო ცენტრის ფუნქციებს საგარეო საქმეთა სამინისტროს ცენტრალური აპარატის ევროინტეგრაციის დეპარტამენტი განახორციელებს.