დროებითი საგამოძიებო კომისია უახლოეს დღეებში მიმართავს პარლამენტის ბიუროს, რომ ერთი თვით კიდევ გაუხანგრძლივონ უფლებამოსილება, მანამდე კომისიამ მანდატი გაიფართოვა და გამოსაკვლევ საკითხად განისაზღვრება 2003 წლიდან დღემდე პერიოდი.

ევროპარლამენტმა რეზოლუცია - „მედიის თავისუფლება საქართველოში, განსაკუთრებით მზია ამაღლობელის საქმე" მიიღო. რეზოლუციას მხარი 324 ევროპარლამენტარმა დაუჭირა, 25 წინააღმდეგ წავიდა, ხოლო 87-მა თავი შეიკავა. ამას თბილისში პოლიტიკური შეფასებები უკვე მოჰყვა.

პროკურატურაში გამოძიება დაწყებულია „საქართველოს წინააღმდეგ საბოტაჟის საქმეზე", რომლის ერთ-ერთი ნაწილი 2019 წელს ჩორჩანასთან საგუშაგოს ჩადგმის ეპიზოდია. პრემიერი ირაკლი კობახიძე, რომელიც ორიოდე წლის წინ ყოფილ თანაგუნდელზე ამბობდა, რომ „ბუზი ბევრი ბზუოდა, მაგრამ გახარიასთან ყველა ტყუოდა", ახლა ყოფილ პრემიერს, არც მეტი არც ნაკლები, სამშობლოს ღალატში ადანაშაულებს.

პოლიტოლოგი იგორ კვესელავა ფიქრობს, რომ საუბარი, თითქოს ამერიკისა და ევროპის სანქციები მხოლოდ პოლიტიკურ ელიტას დააზიანებს და არა ხალხს, გამართლებული არ არის, რადგან ნებისმიერ შემთხევაში ის უბრალო ადამიანებზეც ნეგატიურად აისახება. ამიტომ, ის კურსი, რასაც „ოცნების" მთავრობა დასავლეთის მიმართ ატარებს, მისი აზრით, კონტრპროდუქტიულია.

მიუხედავად იმისა, რომ თვითმმართველობის არჩევნებამდე ოთხ თვეზე ნაკლები რჩება, ხელისუფლებას ჯერ კიდევ არ გაუგზავნია ოფიციალური მოწვევა ეუთო/ოდირის მისიისთვის - საერთაშორისო ორგანიზაციისთვის, რომელიც წლების განმავლობაში საქართველოს არჩევნებზე დაკვირვების ერთ-ერთ მთავარ გარანტად ითვლება. მმართველ პარტიაში აცხადებენ, რომ „მუნიციპალური არჩევნებისთვის მათი დატვირთვა ზედმეტი იქნება", თუმცა პირდაპირ არ ამბობენ, მოხდება თუ არა მისი მოწვევა. ბრიტანეთის საელჩოს საჯარო მოწოდებას, მოიწვიონ ოდირი რაც შეიძლება მალე, „ოცნება" უცხოურ ჩარევად აფასებს და ამბობს, რომ ეს საქართველოს შიდა საქმეა.

გასულ წელს მიღებული „გამჭვრივალეობის კანონის" სიმკაცრეს მისი შეუსრულებლობა აკომპენსირებდა, ამიტომ გაჩნდა მოლოდინი, რომ წელს ამოქმედებული „ფარა", რომელიც კიდევ უფრო მკაცრია, ასევე სრულად ან ნაწილობრივ იგნორირებული იქნებოდა მთავრობის მხრიდან. თუმცა ოთხშაბათს პირველი სიმპტომები უკვე გამოჩნდა, როცა რამდენიმე დიდმა და ხელისუფლების მიმართ გამოკვეთილად ოპოზიციურმა ენჯეომ განაცხადა, რომ ანტიკორუპციული ბიურო მათგან ბენეფიციარებზე ინფორმაციას ითხოვს.

ევროკავშირში შეთანხმდნენ ახალ კრიტერიუმებზე, თუ დამატებით რა შემთხვევაში შეიძლება შეუჩერდეს ამა თუ იმ ქვეყანას უვიზო მიმოსვლა. გარდა ამისა, მუშაობენ უვიზო მიმოსვლის შეჩერების ახალ სქემაზე, რომლის მიხედვითაც უვიზო მიმოსვლა შეიძლება მთლიანად კონკრეტული ქვეყნისთვის, არამედ მხოლოდ მისი ხელისუფლების წარმომადგენლებისა და დიპლომატებისთვის შეჩერდეს. ამის ფონზე კი სამშაბათს ცნობილი გახდა, რომ ევროკავშირის წევრი სახელმწიფოების საგარეო საქმეთა საბჭო 23 ივნისის სხდომაზე საქართველოს საკითხს განიხილავს.

2025 წლის 1-ლი სექტემბრიდან საქართველოს ეროვნული უსაფრთხოების საბჭო უქმდება. შესაბამისი საკანონმდებლო წინადადებით პარლამენტს მთავრობა მიმართავს, რომლის ხედვით, საბჭოს ლიკვიდაციის შემდეგ, „საპარლამენტო მმართველობის მოდელის შესაბამსად", მის უფლებამოსილებას მთავრობა განახორციელებს. რამდენად გამართლებულია ამ ორგანოს გაუქმება და როგორ აისახება ეს ქვეყნის უსაფრთხოებაზე?

„დედაქალაქიდან უნდა დაიწყოს ქვეყნის დეოკუპაცია" - „ლელოს" ლიდერი მამუკა ხაზარაძე თბილისის სამოქალაქო შტაბის შექმნის ინიციატივით გამოდის და ზეპარტიული პლატფორმის ფორმირებას ითხოვს, რომელიც 4 ოქტომბრის ადგილობრივ არჩევნებზე დედაქალაქში ერთიან საარჩევნო სიასა და მერობის ერთიან კანდიდატს წარადგენს. მისი შეფასებით, თბილისში „ქართული ოცნების" დამარცხება შესაძლებელია. რამდენად რეალურია ეს და როგორი იქნება „ლელოს" ამ შეთავაზებაზე დანარჩენი ოპოზიციის პასუხი?

„მეგობარი აქტის" მიღებიდან თითქმის თვენახევარი გავიდა და ჯერჯერობით აშშ-ის სენატი ამ საკითხს არ განიხილავს. „ქართული ოცნების" ოპონენტები განხილვის დაჩქარებას ითხოვენ და რამდენიმე დღის წინ რუსთაველზე აქციაც სწორედ ამ ლოზუნგით გაიმართა. ანალიტიკოსები სენატის მიერ განხილვის გაჭიანურებას სხვადასხვა მიზეზს უკავშირებენ და არ გამოირიცხავენ, რომ საქართველოს ხელისუფლებასა და ოფიციალურ ვაშინგტონს შორის ფარული კონსულტაციები მიმდინარეობდეს.

საქართველოს საგარეო საქმეთა მინისტრი, მაკა ბოჭორიშვილი, ამერიკის შეერთებული შტატების სახელმწიფო დეპარტამენტის უფროს მრჩეველს, უაით ტოლკეს, შეხვდა. ამის შესახებ ინფორმაცია საგარეო საქმეთა სამინისტრომ გაავრცელა. ანალიტიკოსები თანხმდებიან, რომ ეს შეხვედრა შესაძლოა ორ სახელმწიფოს შორის ურთიერთობათა ნორმალიზების პირველი ეტაპი არ არის, თუმცა, ხაზს უსვამენ მის მნიშვნელობას

ოპოზიცია კვლავ ითხოვს ახალ საპარლამენტო არჩევნებს ახალი წესებით - შეიცვალოს საარჩევნო ადმინისტრაცია და "ქართულმა ოცნებამ" უკან წაიღოს საარჩევნო კოდექსში ცვლილებები, რაც ბოლო პერიოდში მიიღო. "ოცნება" კი კვლავ ძველ პოზიციაზეა და აცხადებს, რომ არჩევნები ჩატარდება კონსტიტუციით დადგენილ ვადებში და ოპონენტებს ადგილობრივი არჩევნებში ჩართვისკენ მოუწოდებს.