მომავალ დღეებსა და კვირებში საქართველოს საკითხს ევროპარლამენტი, ევროკავშირის საგარეო საქმეთა მინისტრები და ლიდერები განიხილავენ. ეს კი თბილისში ევროკავშირის ელჩის პაველ ჰერჩისნკის თქმით, "კარგის ნიშანი არ არის".

უნდა გავაგრძელოთ „ჰეზბოლაზე" ზეწოლა და მტრისთვის დამატებითი და გრძელვადიანი ზიანის შექმნა; შესვენების გარეშე და დაჯგუფებისთვის შემსუბუქების გარეშე", -ამის შესახებ ისრაელის თავდაცვის ძალების შტაბის უფროსმა, ჰერზი ჰალევიმ განაცხადა.

უკრაინის შეიარაღებული ძალების გენერალური შტაბის უფროსი, ანატოლი ბარგილევიჩი და ვიცე-პრემიერი ოლგა სტეფანშინა ვაშინგტონში იმყოფებიან, რათა პარტნიორებთან ერთად გამარჯვების გეგმის დეტალები განიხილონ, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

"ქართულმა ოცნებამ" პრეზიდენტ სალომე ზურაბიშვილის იმპიჩმენტის პროცედურა კიდევ ერთხელ წამოიწყო. გადაწყვეტილების მიზეზად კვლავ უნებართვო ვიზიტები სახელდება, რომელიც ზურაბიშვილმა ბოლო პერიოდში ევროპული ტურნეს ფარგლებში განახორციელა და პრემიერი ირაკლი კობახიძე აცხადებდა, რომ მას მთავრობის თანხმობა არ ჰქონია.

არჩევნებამდე სამ კვირაზე ნაკლები დარჩა, პოლიტიკიური ძალები აქტიურად ატარებენ წინასაარჩევნო კამპანიას რეგიონებსა და დედაქალაქში. ცალკეული ანალიტიკოსები და პოლიტიკოსებიც მიუთითებენ, რომ ეს პროცესი, სხვა წინა არჩევნებთან შედარებით, უჩვეულოდ მშვიდად მიმდინარეობს და თუ ცალკეულ უნმიშვნელო ექსცესებს არ ჩავთვლით, სერიოზული ჯერჯერობით არაფერი მომხდარა. რა არის ეს - სიმშვიდე გარდაუვალი ქარიშხალის წინ, თუ მოქალაქეებში თუ პოლიტიკური კულტურის ზრდის მაჩვენებელი?

თეირანი ისრაელისგან პასუხის პასუხს ელოდება და არ გამორიცხავენ, რომ ეს იყოს ირანის ბირთვულ ობიქებეტზე მასშტაბური დარტყმა. აშშ-ში აცხადებენ, რომ ისრაელს გარანტია არ მიუცია ვაშინგტონისთვის, რომ ამას არ გააკეთებენ, რაც, ანალიტიკოსების თქმით, ასეთი შეტევის ალბათობას ზრდის და არაა გამორიცხული, რომ ეს ყველაფერი ისრაელმა სიმბოლურად დაამთხვიოს „ჰამასის" მასშტაბური ტერაქტის წლისთავს - 7 ოქტომბერს, რაც ახლო აღმოსავლეთში მკვეთრი ესკალაციის კატალიზატორი გახდა.

საზღვარგარეთ მყოფმა ამომრჩევლებმა, რომელთა რეგისტრაციის მისამართი ოკუპირებულ ტერიტორიაზეა ან გაურკვეველია, რეგისტრაცია, არჩევნებში მონაწილეობის მიზნით, 7 ოქტომბრის ჩათვლით უნდა გაიარონ. ამის შესახებ საგანგებო განცხადება ცესკოს თავმჯდომარე გიორგი კალანდარიშვილმა შაბათს გამართული ხმაურიანი სხდომის შემდეგ გააკეთა. ცესკოს ამ გადაწყვეტილებას ოპოზიცია თავის გამარჯვებად მიიჩნევს.

საპარლამენტო არჩევნებამდე სამი კვირით ადრე, საქართველოს პრეზიდენტი სალომე ზურაბიშვილი ოპოზიციასთან კონსულტაციების ახალ სერიას იწყებს. მას სურს „ქართულ ქარტიაზე“ ხელმომწერ პარტიებს გააცნოს და შესთავაზოს მის მიერ შერჩეული პრემიერობის კანდიდატი, რომელიც, არჩევნებზე ოპოზიციის გამარჯვების შემთხვევაში, ე.წ. ტექნიკურ მთავრობას ჩაუდგება სათავეში. სავარაუდოდ ვისი კანდიდატურა შეარჩია პრეზიდენტმა და რამდენად მისაღები იქნება იგი „ქარტიაზე“ ხელმომწერი პარტიებისათვის?

ენმ-სა და „ახალის" შორის წინასაარჩევნოდ, შესაძლოა, სერიოზულ დაპირისპირება მოხდეს, რასაც რამდენიმე მიზეზი იქნება - ამის შესახებ „ფედერალისტების" ერთ-ერთი ლიდერი თამარ ჩერგოლეიშვილი საუბრობს. იგი იმაზეც მიანიშნებს, რომ „ახალმა" მხარდამჭერების ნაწილთან ერთად „ნაციონალურ მოძრაობას" დამფინანსებლებიც წაართვა. რამდენად შესაძლებელია ეს ამ ორ პოლიტიკური ძალას შორის დაპირისპირების მიზეზი გახდეს?

მარნეულში ბიზნესმენ შამო ორუჯოვის სახლს  5 ოქტომბერს გამთენიისას 16 ტყვია ესროლეს. სახლში იმყოფებოდნენ როგორც თავად ბიზნესმენი, ასევე მისი ოჯახის წევრები და მათ შორის მცირეწლოვანი ბავშვები. მომხდარის შედეგად არავინ დაშავებულა, თუმცა სროლის ხმა ყველამ გაიგო  და პოლიციაში დარეკეს. ადგილობრივები ამბობდენ, რომ რაიონში ბიზნესმენების ტერორიზებამ და მათთვის ფულის გამოძალვამ სისტემატური ხასიათი მიიღო და ამას ერთი და იგივე კრიმინალური ჯგუფი აკეთებს.

თუ არჩევნები არ ჩატარდება თავისუფალ და სამართლიან გარემოში, ჩვენ მზად ვიქნებით პასუხისთვის - ამის შესახებ საქართველოში ევროკავშირის ელჩმა, პაველ ჰერჩინსკიმ განაცხადა. პირდაპირ ამბობს, რომ თუ საქართველო გახდება ადგილი, სადაც პოლიტიკური ოპოზიცია აიკრძალება, სამოქალაქო საზოგადოებას დასჭირდება საზღვარგარეთ წასვლა და იქედან მუშაობა, თუ ადამიანის ძირეული უფლებები და უმცირესობის უფლებები არ იქნება დაცული, საქართველო ვერ გახდება ევროკავშირის წევრი. 

ბაღდათის მუნიციპალიტეტის სოფელ როხში ოჯახი დააყაჩაღეს - წაღებულია 10 000 ლარი და ძვირადღირებული ნივთები. როგორც ადგილობრივები ყვებიან, ცეცხლსასროლი იარაღით შეიარაღებული პირები სანიკიანების ოჯახში შეიჭრნენ და თანხასა და ძვირფასეულობას ითხოვდნენ.  უარის მიღების შემდეგ კი მათ ფიზიკურად გაუსწორდნენ. ნაცემი  ოჯახის ერთ-ერთი წევრი, შუახნის კაცი, კლინიკაში გადაიყვანეს.