დარწმუნებული ვართ, რომ გაფართოება ინვესტიციაა მშვიდობაში, უსაფრთხოებასა და კეთილდღეობაში - ეს ძალიან ძლიერი პოლიტიკური მესიჯია, რომელსაც ევროპელ, კანდიდატი ქვეყნების მოქალაქეებსა და მსოფლიოს ვუგზავნით, - ამის შესახებ ევროპული საბჭოს პრეზიდენტმა შარლ მიშელმა პრესკონფერენციაზე განაცხადა.
შარლ მიშელის თქმით, ეს „ნათელი არჩევანია".
"სამიტს, რომელიც დასრულდა, ისტორიული განზომილება ჰქონდა, ვინაიდან, გადავწყვიტეთ უკრაინასთან და მოლდოვასთან მოლაპარაკებები გავხსნათ და კანდიდატი ქვეყნის სტატუსი მივცეთ საქართველოს. ასევე, გადავწყვიტეთ მოლაპარაკებები გავხსნათ ბოსნია-ჰერცეგოვინასთან მას შემდეგ, რაც კრიტერიუმებთან შესაბამისობის საჭირო დონეს მიაღწევენ...
ჩვენ ვხელმძღვანელობდით იმედის ლოგიკით, თავდაჯერებულობის ლოგიკით, და ეს ნათელი არჩევანია, ვინაიდან სრულიად დარწმუნებული ვართ, რომ გაფართოება ინვესტიციაა მშვიდობაში, უსაფრთხოებასა და კეთილდღეობაში. ეს ძალიან ძლიერი პოლიტიკური მესიჯია, რომელსაც ჩვენს ევროპელ მოქალაქეებს, კანდიდატი ქვეყნების მოქალაქეებსა და დანარჩენ მსოფლიოს ვუგზავნით", - განაცხადა მიშელმა.