პარტია „ქართული ოცნების" აღმასრულებელი მდივანი მამუკა მდინარაძე ნიკა მელიას ახალ პოლიტიკურ გეგმებზე გაკეთებულ განცხადებებს გამოეხმაურა.
„შესაძლოა, მთლად ხაბეიშვილის დონე ვერ აწიოს, აი, ხაბეიშვილამდე რაღაც დონეს დაიჭერს, აუცილებლად. ხაბეიშვილამდე რაც კი „ლეველი" არსებობს, ყველაფერს შეძლებს, ამის რწმენა გვაქვს ჩვენ, იქიდან გამომდინარე, რომ ხაბეიშვილს ვერ დაეწევა, გასაგებია", - განაცხადა მდინარაძემ.
ნიკა მელია „ნაციონალურ მოძრაობას" ჯერ არ ტოვებს, თუმცა დამოუკიდებელ მოქმედებებს იწყებს და საკუთარ ოფისებსაც ხსნის. „ქრონიკის" ინფორმაციით, მელიას უერთდებიან ბაჩო დოლიძე, ნუგზარ წიკლაური და აკაკი მინაშვილი. ასევე, პასუხს ელოდებიან ეკა ხერხეულიძისა და ხატია დეკანოიძისგან.