რუსეთის გადაწყვეტილებას მარცვლეულის ექსპორტის შესახებ შეთანხმებიდან გასვლაზე, უკრაინის პრეზიდენტის ოფისის ხელმძღვანელი ანდრეი ერმაკი შანტაჟად აფასებს და წერს:
"რუსული შანტაჟის პრიმიტიულობა ყველაფერში. ბირთვული შანტაჟი, ენერგია, საკვები...ფიქციები „ბინძურ ბომბზე", რომელზეც მთელი მსოფლიო იცინის.
ფიქტიური ტერაქტები საკუთარ ობიექტებზე...
ყველაფერი ძალიან პრიმიტიული და პროგნოზირებადია.
კრიმინალების აგონია, რომლებიც ვერ ხვდებიან, რომ ინფანტილური ულტიმატუმებით ვერაფერს მიაღწევენ და რომ მათი დრო დასასრულს უახლოვდება." წერს ერმაკი ტელეგრამზე.
შეგახსენებთ, რუსეთი მარცვლეულის ექსპორტის შესახებ შეთანხმებიდან გადის. გადაწყვეტილება დღეს გახდა ცნობილი. მიზეზად თავდაცვის უწყება სევასტოპოლში, შავი ზღვის ფლოტის გემებზე „თავდასხმებს" ასახელებს.