ადგილობრივ არჩევნებამდე 3 თვით ადრე ოპოზიცია ორ ბანაკად იყოფა. ერთი ნაწილი ბოიკოტზე მიდის და 4 ოქტომბრის ადგილობრივ არჩევნებში მონაწილეობაზე მტკიცე უარს აცხადებს, მეორე კი მიიჩნევს, რომ ბრძოლის გასაგრძელებლად საჭიროა არჩევნებში ჩართვა. პოლიტოლოგი პეტრე მამრაძე ოპოზიციის წინასაარჩევნო კონფიგურაციებზე საუბრობს და აღნიშნავს, რომ ამ მხრივ მნიშვნელოვანი იქნება დასავლეთის პოზიცია, თუ ოპოზიციის რომელ ნაწილს დაუჭერს მხარს. მისი ვარაუდით, დასავლეთი არჩევნებში ოპოზიციის მონაწილეობას მიესალმება

იმ ფონზე, როდესაც საქართველოს ხელისუფლება ცდილობს სირია აფხაზეთისა და ე.წ. სამხრეთ ოსეთის დამოუკიდებლობის აღიარების უკან გაწვევაზე დაითანხმოს, სირიაში დე ფაქტო აფხაზეთის ე.წ. საგარეო საქმეთა მინისტრი ოლეგ ბარციცი ჩავიდა. გაიმართა შეხვედრები სირიის ახალი ხელისუფლების ოფიციალურ პირებთან და სოხუმში გარკვეულმა წრეებმა ეს ფაქტი უკვე შეაფასეს, როგორც „აფხაზური დიპლომატიის გამარჯვება“. თუმცა, ამავე დროს, აფხაზურ საზოგადოებაში გაჩნდა კითხვაც - რატომ არ იყო „ოფიციალური“ შეხვედრებისას წარმოდგენილი ე.წ. აფხაზეთის დროშა.

პრეზიდენტ მიხეილ ყაველაშვილის განცხადებამ ოპოზიციაში პროტესტი და ვნებათაღელვა გამოიწვია. გამოითქვა სხვადასხვა მოსაზრებები შეწყალებასთან დაკავშირებით ამ შეთავაზების მიზეზებსა და ფარულ მიზნებზე. ამ განცხადებიდან მცირე ხანში კი „ლელომ" ოფიციალურად მიიღო 4 ოქტომბრის ადგილობრივ არჩევნებში მონაწილეობის გადაწყვეტილება და ამის საფუძველზე ოპოზიციურ ძლებს შორის ახალი მწვავე დაპირისპირება დაიწყო.

ენმ-ს პოლიტსაბჭოს თავმჯდომარე ლევან ხაბეიშვილი "ლელოს" მიმართავს, ბოიკოტს შეუერთდეს, რადგან "ორივე მხარეს ყოფნა არ გამოვა". ხაბეიშვილი მიიჩნევს, რომ როცა მუნიციპალურ არჩევნებში ერთვები, ბიძინა ივანიშვილის მხარეს ხარ. "ძლიერი საქართველო" და გახარიას პარტია კი ამ დრომდე ძველ პოზიციაზე არიან.

პარლამენტის საგამოძიებო კომისიის დასკვნის საფუძველზე, ჩვენ გვაქვს იმედი, რომ მომზადდება სარჩელი საკონსტიტუციო სასამართლოსთვის, რომლის საფუძველზეც დაიწყება მსჯელობა კონკრეტული პარტიების არაკონსტიტუციურად გამოცხადებაზწ, - ამის შესახებ პრემიერმა ირაკლი კობახიძემ განაცხადა. კონსტიტუციონალისტი ვახტანგ ხმალაძე „რეზონანსთან" განხილავს, თუ როგორ ხდება ეს პროცესი და აღნიშნავს, რომ კონსტიტუციაში გაწერილი პირობები პარტიის აკრძალვის შესახებ არ შეესაბამება დღევანდელობას.

პარლამენტის თავმჯდომარე სიცრუეს და დეზინფორმაციას უწოდებს მედიაში გავრცელებულ ინფორმაციას, რომ პორტოს დეკლარაციისთვის, რომელშიც საუბარია ქვეყანაში დემოკრატიულ უკუსვლაზე, „ქართულ ოცნებას" კი პოლიტპატიმრების გათავისუფებას და ახალი არჩევნების ჩატარებისკენ მოუწოდებს, მმართველი პარტიის მხარდაჭერა აქვს. შალვა პაპუაშვილის თქმით, დოკუმენტს „ოცნების" მხარდაჭერა ექნებოდა, რომ არა აღნიშნული ინიციატივა.

უკვე მეორე დღეა გახარია-წულუკიანის დებატები განხილვის თემაა, ნაწილი ანალიტიკოსებისა ამბობს, რომ თეა წულუკიანისთვისა და ზოგადად კომისიისთვის იყო პოლიტიკურად მომგებიანი ეს ჩართვა, ნაწილი კი გიორგი გახარიას მომგებიან სვლებზე საუბრობს.

ვფიქრობ, ოპოზიციის ბოიკოტი არ არის სწორი, რადგან ხელისუფლება ზუსტად ეს უნდა - აზრთა გაყოფა. ამიტომ უკეთესი ვარაინტი იქნებოდა გაერთიანება და იმ რუსურსის გამოყენება, რასაც ჰქვია არჩევნები, აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

მმართველი პარტია და ოპოზიცია ეუთო-ს გენდივნის ხმაურიან განცხადებას აფასებენ, „ოცნებაში" მიაჩნიათ, რომ ფერიდუნ სინირლიოღლუმ 2024 წლის საპარლამენტო არჩევნების „მაღალ დონეზე ჩატარება" აღიარა, ოპოზიციონერები კი გენმდივნის კრიტიკას არ იღებენ.

ყოფილი პრემიერისა და პარტიის „გახარია საქართველოსთვის" თავმჯდომარე გიორგი გახარიასა ჩართვამ პარლამენტის საგამოძიებო კომისიის სხდომაზე, როგორც მოსალოდნელი იყო, ცხარე კამათის და ურთიერთშელაპარაკებების ფონზე ჩაიარა. მთავარი კითხვა, რაც კომისიის წევრებს ყოფილ შს მინისტრთან ჰქონდათ იყო - რატომ დაიკარგა ჩორჩანას ტყეში ერთი მილიონი კვადრატული მეტრი ტერიტორია, მას შემდეგ, რაც გახარიამ კოორდინაციის გარეშე საოკუპაციო ხაზთან საგუშაგო ჩადგა. კომისიის წევრებს ფურცლებზე სპეციალურად ამობეჭდილიც კი ჰქონდათ ეს ოკუპირებული ტერიტორია, თანაც გახარიას პარტიის ფერებში.

ოპოზიციის იმ ნაწილს, რომელმაც 4 ოქტომბრის ადგილობრივ არჩევნებს ბოიკოტი გამოუცხადა, საბოლოო მიზნად არჩევნების ჩაშლა აქვს დასახული. ამის მისაღწევად კი რამდენიმე მიმართულება აქვთ დასახული. პირველი, ესაა არჩევნების დელეგიტიმაცია - ამომრჩევლებთან მუშაობა და მათი დარწმუნება, რომ არ წავიდნენ არჩევნებზე; მეორეა ქუჩის პროტესტის გაძლიერება და ბრძოლა „ქუჩის მოსაგებად"; და ბოლოს - უშუალოდ არჩევნების დღეს თბილისში, „დინამოს" სტადიონზე ეროვნული ყრილობის გამართვა.

პარტიის ლიდერების პატიმრობის ფონზე, ჯერჯერობით ისევ გაურკვეველია მიიღებს თუ არა „ლელო“ მონაწილეობას 4 ოქტომბრის ადგილობრივ არჩევნებში. პარტიაში ამბობენ, რომ საბოლოო გადაწყვეტილებას უახლოეს დღეებში გამოაცხადებენ და მათ პოზიციას პრინციპული მნიშნელობა ექნება როგორც ბოიკოტის, ისე არჩვნებში მონაწილეობის მომხრე ოპოზიციური ძალებისთვის.