„ნაციონალური მოძრაობის“ თავმჯდომარეობის კანდიდატებს შორის დაპირისპირება ახალ ფაზაში გადადის. პარტიის მოქმედი თავმჯდომარე ნიკა მელია აცხადებს, რომ საარჩევნო კამპანიის დაწყების შემდეგ ისაუბრებს გულწრფელად ყველა თემაზე. მისი მთავარი კონკურენტი ლევან ხაბეიშვილი კი აცხადებს, რომ „მელია ბნელ ოთახში შავ კატას ეძებს“. ანალიტიკოს რამაზ საყვარელიძის აზრით, ეს აჩენს მოლოდინს, რომ არჩევნებზე მწვავე დაპირისპირება იქნება როგორც კანდიდატებს გორის, ისე ენმ-ს მხარდამჭერებში.

ექსპრეზიდენტ მიხეილ სააკაშვილის ადვოკატი აცხადებს, რომ უახლოეს დღეებში ამერიკელი სპეციალისტებისგან ტოქსიკოლოგიური კვლევის შედეგებს ელოდებიან და არაა გამორიცხული, რომ კვირის ბოლომდე დასკვნა პრეზიდენტ სალომე ზურაბიშვილს პირადად გააცნონ. ამის პარალელურად ზურაბიშვილმა განაცხადა, რომ არ სურს სააკაშვილი ციხეში გარდაიცვალოს, თუმცა დასძენს, რომ განაჩენის გამოტანამდე შეწყალების უფლება არ აქვს.

საქართველოს პრეზიდენტს სალომე ზურაბიშვილს მიხეილ სააკაშვიის შეწყალება შეუძლია მხოლოდ სასჯელის მისჯის შემდეგ, სააკაშვილს კი კვლავ ასამართლებენ. პოლიტოლოგი ნიკა ჩიტაძე არ გამორიცხავს, რომ „ოცნებამ“ სააკაშვილის სასამართლო პროცესები გააჭიანუროს, რათა პრეზიდენტს არ მისცეს სამართლებრივი საფუძველი შეიწყალოს სააკაშვილი.

უკრაინის ხელისუფლება პარტნიორებს აფრთხილებს, რომ რუსეთთან მოლაპარაკებაში „სინდისთან, ტერიტორიულ მთლიანობასთან და სუვერენიტეტთან" კომპრომისი არ იქნება, რადგან ნებისმიერი დათმობა ვლადიმერ პუტინის გამარჯვება იქნება და ომს საერთაშორისო ურთიერთობების იარაღად აქცევს. ანალიტიკოსები არ გამორიცხავენ იმას, რომ დასავლეთის ქვეყნების მხრიდან კიევის მოლაპარაკებებში ჩასართავად რაღაცა ტიპის ზეწოლა იყოს, თუნდაც ირიბი, თუმცა, დღეის მდგომარეობით, უკრაინა ამაზე არანაირად არ წავა.

რუსეთის პრეზიდენტი ვლადიმერ პუტინი ერევანში ჩადის, სადაც კოლექტიური უსაფრთხოების ხელშეკრულების ორგანიზაციის სამიტის ფარგლებში სომხეთის პრემიერ-მინისტრ ნიკოლ ფაშინიანთან შეხვედრაა დაგეგმილი. ანალიტიკოსთა შეფასებით, უკრაინაში ომისა და დასავლური სანქციების ფონზე, სიტუაცია შეიცვალა, რუსეთი ახლა მოკავშირეებს ეძებს და ქვეყნებს ახლა უკვე თავად სტუმრობს.

რუსეთის სამიზნე უკრაინაში კვლავ ენერგოობიექტებია. გარდა ამის, რუსული ავიაცია ინტენსიურად სამოქალაქო ობიექტებს ბომბავს. ბოლო 24 საათში უკრაინის თავდაცვის ძალებმა რუსი ოკუპანტების თავდასხმები უკრაინის აღმოსავლეთში მდებარე რამდენიმე ოლქში მოიგერიეს.      

ოპოზიციის ნაწილი მიიჩნევს, რომ მესამე პრეზიდენტის მიხეილ სააკაშვილის საზღვარგარეთ სამკურნალოდ გადაყვანა მოხდება მხოლოდ იმ შემთხვევაში თუ მიღწეული იქნება შეთანხმება და "ნაციონალური მოძრაობა" და სხვა ოპოზიციური პარტიები 12 პუნქტის შესრულებას აღიარებენ. ამ ინიციატივით გამოდის "გირჩის" ერთ-ერთი ლიდერი იაგო ხვიჩია, რომელიც აცხადებს, რომ ეს არის ერთდერთი გამოსავალი.

ბოლო ერთი კვირაა უკრაინაში ფრონტზე მნიშვნელოვანი ძვრები არ შეინიშნება. ამინდის მკვეთრი გაუარესების გამო, ორივე მხარე პასიური ტიპის საბრძოლო მოქმედებებზე გადავიდა. თუმცა, ისევ მასიურად იბომბება უკრაინის ენერგოობიექტები და ოფიციალური ცნობით, მათი ნახევარი მწყობრიდან გამოვიდა. მოსკოვში არც მალავენ, რომ ამ დარტყმების მიზანია უკრაინის დათანხმება მოლაპარაკებაზე. პარალელურად კი თავად რუსეთში ფარულად გრძელდება რეზერვისტების მობილიზაცია.

მთავარი ბრძოლა „ნაციონალურ მოძრაობაში“, როგორც ჩანს, ლევან ხაბეიშვილსა და ნიკა მელიას შორის გაიმართება. ერთ-ერთი კანდიდატის, გიორგი ჩალაძის მიერ კანდიდატურის მოხსნას ანალიტიკოსები დავით კეზერაშვილის ფრთასა და სააკაშვილის ოჯახს შორის გარკვეული გარიგების შედეგად მიიჩნევენ. თუმცა, მათი შეფასებით, ხაბეიშვილი მელიას სრულფასოვან კონკურენციას ვერ გაუწევს.

ორი დღეა ექსპრეზიდენტ მიხეილ სააკაშვილის დედა და ადვოკატები საუბრობენ იმაზე, რომ მესამე პრეზიდენტი შესაძლოა მოწამლეს და უცხოელი ტოქსიკოლოგის დასკვნას ელოდებიან. პენიტენციურმა სამსახურმა ამასთან დაკავშირებით საგანგებო განცხადება გაავრცელა სადაც წერია, რომ სააკაშვილის ადვოკატის მიერ მისი დაცვის ქვეშ მყოფი პირის შესაძლო მოწამვლის შესახებ გავრცელებული ინფორმაციის უტყუარობის დამადასტურებელი ოფიციალური დასკვნა უწყებისთვის არავის მიუწოდებია. როგორც ანალიტიკოსი ვახტანგ ძაბირაძე „რეზონანსთან" აცხადებს, თუ სააკაშვილის მოწამვლის ფაქტი დადასტურდა, ეს ქვეყნის შიგნით სერიოზულ საპროტესტო ტალღას არ გამოიწვევს, თუმცა დასავლეთისგან ზეწოლა გაძლიერდება ხელისუფლების მისამართით. ამასთან არ ჰგონია, რომ მოწამვლის ფაქტი „სერიოზულმა ექსპერტიზამ დაადასტუროს".

უკრაინის პრეზიდენტის ვოლოდიმირ ზელენსკის განცხადებით, რუსეთი ახლა ეძებს ხანმოკლე ზავს - შესვენებას ძალების აღსადგენად. მისი თქმით, შეიძლება ვინმემ ამას ომის დასრულება უწოდოს, მაგრამ ასეთი შესვენება მხოლოდ გააუარესებს სიტუაციას. სამხედრო ექსპერტი, პოლკოვნიკი ლაშა ბერიძე „რეზონანსთან“ ამბობს, რომ რუსეთს შესვენება ახალი გადაჯგუფებებისა და შეტევების დაგეგმვისთვის სჭირდება.

განცხავავებული პოლიტიკური შეხედულებების მქონე ორი ანალიტიკური ორგანიზაცია თანამშრომლობას აპირებს. საქართველოს სტრატეგიული ანალიზის ცენტრმა (GSAC) და ანალიტიკურმა ორგანიზაციამ „ჯეოქეისმა" „ეროვნული თანხმობის დეკლარაცია" გააფორმეს. ანალიტიკოს რამაზ საყვარელიძის შეფასებით, მათი ეს გადაწყვეტილება მისასალმებელი და მისაბაძია, თუმცა, ანალიტიკურ წრეებში პოლარიზაცია იმ ხარისხით არასდროს არის, რა ხარისხითაც პოლიტიკოსებში. ამასთან, არც იმხელა გავლენები აქვთ, რომ მათმა თანამშრომლობამ პოლიტიკურ ჯგუფებში ურთიერთობების სერიოზული ნორმალიზება გამოიწვიოს.