რუსეთი მზად არის უკრაინის საკითხზე კონსულტაციებისთვის აშშ-ის არჩეული პრეზიდენტის, დონალდ ტრამპის ადმინისტრაციასთან და იმედოვნებს, რომ თეთრი სახლი კონფლიქტის ძირეულ მიზეზებს ჩაუღრმავდება, - ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა. არის თუ არა მზად რუსეთი შეთანხმებისთვის და რა შესაძლო შედეგებით დასრულდება, ამაზე ანალიტიკოსების მოსაზრებები სხვადასხვაგვარია

რუსეთსა და უკრაინას შორის ომი 2025 წელს ან სამშვიდობო მოლაპარაკებების გზით, ან ერთ-ერთი მეომარი მხარის განადგურებით დასრულდება, - ამის შესახებ უნგრეთის პრემიერ-მინისტრმა, ვიქტორ ორბანმა გაზეთ Magyar Nemzet-თან ინტერვიუში განაცხადა.

22 დეკემბერს ვლადიმის პუტინმა სლოვაკეთის პრემიერ-მინიტრს, რობერტ ფიცოს,  კრემლში უმასპინძლა. ფიცო იმ ევროპელ ლიდერებს შორის ერთ-ერთია, რომელიც უკრაინის ომის შემდეგ პუტინთან თანამშრომლობას აგრძელებს. საუბარი რუსეთის ბუნებრივი აირის მიწოდებას შეეხო. კრემლში ამ ვიზიტს უკრაინის პრეზიდენტი გამოეხმაურა. მისი თქმით, ფიცო საფრთხეს უქმნის მთელს ევროპას.

აშშ-ის არჩეული პრეზიდენტის, დონალდ ტრამპის განცხადებით, მას სურს, რომ რუსეთ-უკრაინის ომი რაც შეიძლება სწრაფად დაასრულოს, - ინფორმაციას „სი ენ ენი" ავრცელებს. ამასთან, ტრამპის განცხადებით, რუსეთის პრეზიდენტს, ვლადიმერ პუტინს მასთან რაც შეიძლება მალე შეხვედრა სურს. ასევე, უნგრეთის პრემიერმა ვიქტორ ორბანმა თქვა, რომ მსოფლიო შეიცვლება, როდესაც ტრამპი თანამდებობას დაიკავებს.

ოთხი დაღუპული, მათ შორის ერთი ბავშვი და 60-ზე მეტი დაშავებული. გერმანიის ქალაქ მაგდებურგში საშობაო ბაზრობაზე მანქანა შევარდა. თავდამსხმელი იდენტიფიცირებულია, მაგრამ, მოტივი ჯერჯერობით უცნობია. გერმანული გამოცემა dpa-ის ცნობით, ქალაქ მაგდებურგში მომხდარი ინციდენტის შემდეგ მძღოლი პოლიციამ დააკავა. AFP აღნიშნავს, რომ 60-80- ადამიანი დაშავდა.

„ბილდის" ანალიტიკოს იულიან რიოპკეს განცხადებით, უკრაინის თავდაცვის ძალები დონეცკის რეგიონის ქალაქ კურახოვოდან გავიდნენ. რიოპკეს თქმით, ცოცხალი ძალის ნაკლებობის გამო, უკრაინელი სამხედროები იძულებული გახდნენ, დაეტოვებინათ ქალაქი.

რუსეთის ლიდერი მზადაა კომპრომისებისთვის, თანახმაა ამერიკის მომავალ პრეზიდენტს მოელაპარაკოს და ომი უკრაინაში დასრულდეს, „თუ სურვილი მეორე მხრიდანაც იქნება".

მოსკოვში რუსეთის შეიარაღებული ძალების რადიაციული, ქიმიური და ბიოლოგიური დაცვის ჯარების მეთაური იგორ კირილოვი და მისი თანაშემწე ააფეთქეს, ორივე მკვდარია. ეფ-ეს-ბეს ცნობით, ტერაქტის მოწყობაში ეჭვმიტანილი, 29 წლის უზბეკი მამაკაცი უკვე დაკავებულია.

ამერიკის მომავალი პრეზიდენტი, დონალდ ტრამპი აქტიურად საუბრობს იმაზე, რომ ის უკრაინაში მალე ომს დაასრულებს. მისგან განსხვავებული პოზიცია აქვს უკრაინის პრეზიდენტს ვოლოდიმირ ზელენსკის, რომელიც ამბობს, რომ ისინი უბრალოდ დანებებას და ომის არასასურველი ფორმით დასრულებას არ აპირებენ.

უკრაინაში მშვიდობის მიღწევა მხოლოდ კომპრომისებით, მათ შორის ტერიტორიული დანაკარგებითაა შესაძლებელი, - ამის შესახებ სლოვაკეთის პრეზიდენტმა პიტერ პელეგრინმა განაცხადა. უკრაინული მედიის ინფორმაციით, პიტერ პელეგრინმა ადგილობრივ ტელეკომპანიასთან ინტერვიუში განაცხადა, რომ უკრაინას დათმობაზე წასვლა მოუწევს.

სირიაში 14 წელს მიმდინარე სამოქალაქო ომი პრეზიდენტ ბაშარ ალ ასადის რეჟიმის დამხობით დასრულდა. 8 დეკემბერს დილით მეამბოხეთა რაზმები უბრძოლველად შევიდნენ დედაქალაქ დამასკოში. ასადის ზუსტი ადგილსამყოფელი უცნობია. ქვეყნის მოქმედი პრემიერი მუჰამად გაზი ალ-ჯალალი დედაქალაქში დარჩა და აცხადებს, რომ მზადაა ითანამშრომლოს ახალი ხელისუფლებასთან, რომელსაც სირიელი ხალხი აირჩევს. ანალიტიკოსთა შეფასებით, ამით რუსეთმა თავისი ერთ-ერთი ყველაზე მნიშვნელოვანი მოკავშირე დაკარგა და ეს ყველაფერი დიდ გავლენას მოახდენს არა მხოლოდ რეგიონზე, არამედ საქართველოზეც თუნდაც იმის გამო, რომ ასადის რეჟიმი ერთ-ერთი იყო იმ რამდენიმე ქვეყნიდა, ვინც აფხაზეთისა და ცხინვალის რეგიონის დამოუკიდებლობა აღიარა.

რუსეთის კურსკის ოლქში 11 ათასზე მეტი ჩრდილოეთ კორეელი ჯარისკაცია და მათ უკვე მიიღეს მონაწილეობა უკრაინის ძალების წინააღმდეგ ბრძოლებში, - ამის შესახებ ინფორმაცია უკრაინის შეიარაღებული ძალების გენერალურმა შტაბმა გაავრცელა. უკრაინული მედიის ცნობით, ეს შეიარაღებული ძალების გენერალური შტაბის ხელმძღვანელმა, ანატოლი ბარგილევიჩმა თქვა.