რამშტეინის მომდევნო სამიტზე, რომელიც ბრიუსელში 15 ივნისს გაიმართება, კიევი და უკრაინის მოკავშირეები განიხილავენ "მოიერიშე თვითმფრინავების კოალიციის" დეტალებს, კერძოდ, უკრაინელი მფრინავების მომზადებასა, ტექნიკის შეკეთების საკითხებსა და აღჭურვილობის ჰაბების გახსნას. შეხვედრას უხელმძღვანელებს აშშ-ის თავდაცვის მდივანი ლოიდ ოსტინი.

უკრაინულმა არმიამ ბოლო დღეების განმავლობაში ფრონტზე რამდენიმე ადგილას უკვე გადალახა რუსების პირველი თავდაცვის ხაზი, თუმცა ეს ფრონტის გარღვევას არ ნიშნავს. დანაკარგები ორივე მხრიდან დიდია. კიევში ოფიციალურად დაადასტურეს ზაპოროჟიეს ოლქში ბრძოლებისას გერმანიიდან მიღებული პირველი „ლეოპარდის" განადგურება. ანალიტიკოსები კი „რეზონანსთან" საუბრისას იმაზე მსჯელობენ, თუ სად იქნება უკრაინელთა კონტრშეტევის მთავარი დარტყმა და რომელი მიმართულებებია ამ მხრივ ყველაზე პერსპექტიული.

პარასკევს სოჭში ვლადიმერ პუტინმა ბელარუსის პრეზიდენტ ლუკაშენკოსთან შეხვედრისას „მეგობარი რესპუბლიკის" ტერიტორიაზე რუსული ბირთვული ტაქტიკური იარაღის განლაგების დაწყების თარიღი დაასახელა. ამბობს, რომ ეს ერთ თვეში მოხდება. გადამდგარი გენერალი ვახტანგ კაპანაძე მიიჩნევს, რომ ტაქტიკური ბირთვული იარაღის დასავლეთით რამდენიმე კილომეტრით გადაწევა უფრო სიმბოლური პოლიტიკური ჟესტია, ვიდრე სამხედრო მნიშვნელობის გადაწყვეტილება.

უკრაინის საგარეო საქმეთა სამინისტრო მოუწოდებს საერთაშორისო თანამეგობრობას მკაცრად დაგმოს რუსეთის მიერ ხერსონის რეგიონში კახოვკას კაშხლის აფეთქება და აამოქმედოს ახალი სანქციები. ანალიტიკოსები „რეზონანსთან" აცხადებენ, რომ ეს არის კაცობრიობის წინაშე ჩადენილი დიდი დანაშაული, და თუ რუსეთის ბრალეულობა დამტკიცდება, დასავლეთი მწვავე რეაგირებას მოახდენს აგრესორის წინააღმდეგ.

მდინარე დნეპრზე კახოვკას დიდი კაშხლის აფეთქებას რუსეთი და უკრაინა ერთმანეთს აბრალებენ, თუმცა საერთაშორისო საზოგადოება პირდაპირ მოსკოვს ადებს ხელს. ეს ლოგიკურიცაა, რადგან სწორედ რუსეთის ჯარს აძლევს ხელს დნეპრის გასწვრივ ტერიტორიების დატბორვა უკრაინელების დიდი კონტრშეტევის წინ. თუმცა ორივე მხარე თანხმდება, რომ ზაპოროჟიეს ეტომურ ელექტროსადგურში კატასტროფის საფუძველი ამ ეტაპზე არ არის, რისი დიდი რისკიც იყო და რასაც ჩერნობილის ტრაგედიაზე უფრო ძლიერი დესტრუქციის გამოწვევა შეეძლო.

უკრაინის ხელისუფლება აცხადებს, რომ კონტრშეტევისათვის ყველაფერი მზადაა და შესაბამისი სამხედრო გეგმაც დამტკიცებულია. ამის ფონზე კი უკიდურესად იძაბება ვითარება სხვადასხვა რუსულ სამხედრო ფორმირებებს შორის. ე.წ. კერძო სამხედრო კომპანია „ვაგნერის" ხელმძღვანელ ევგენი პრიგოჟინს ერთის მხრივ ჩეჩნეთის ლიდერ რამზან კადიროვის სამხედრო დაჯგუფებასთან აქვს კონფლიქტი და მეორეს მხრივ, რუსეთის თავდაცვის სამინისტროსთან. ანალიტიკოსთა შეფასებით, ეს ხელ-ფეხს უხსნის უკრაინის შეიარაღებულ ძალებს და ზრდის ალბათობას, რომ მათი კონტრშეტევა წარმატებული იქნება.

მოსალოდნელი კონტრშეტევის წინ უკრაინის არმია და პუტინის ხელისუფლების მოწინააღმდეგე რუსული სამხედრო ჯგუფები რუსეთის ტერიტორიებს სულ უფრო ხშირად ესხმიან თავს. „რუსეთის მოხალისეთა კორპუსმა“ და „რუსეთის თავისუფლების ლეგიონმა“ 1 ივნისს გამოაცხადეს, რომ იწყებდნენ მორიგ რეიდს რუსეთის სიღრმეში. მთავარი სამიზნე ბელგოროდის ოლქია, რის გამოც ოფიციალური მოსკოვი იძულებულია, უკრაინის მოსაზღვრე რაიონებიდან მოსახლეობის ევაკუაცია დაიწყოს. 

უკრაინის პრეზიდენტი ვოლოდიმირ ზელენსკი მოლდოვაში ევროპელი ლიდერების სამიტზე ჩავიდა, სადაც მას მოლდოვის პრეზიდენტი მაია სანდუ დახვდა. ანალიტიკოსები „რეზონანსთან" უკრაინის მეთაურის მოლდოვაში ვიზიტის და სამიტის მოსალოდნელ დადებით ეფექტებზე საუბრობენ. მათი თქმით, ის იქნება სიკეთის მომტანი ორივე სახელმწიფოსთვის საერთაშორისო პოლიტიკურ ასპექტში, განსაკუთრებით გლობალური უსაფრთხოების კუთხით.

კრემლმა ოთხშაბათს გაავრცელა ინფორმაცია, რომ რუსეთის პრეზიდენტი ვლადიმერ პუტინი და მისი თურქი კოლეგა რეჯეფ თაიფ ერდოღანი უახლოეს მომავალში შეხვდებიან, თუმცა ჯერ შეთანხმებული არ არის, როდის და სად გაიმართება შეხვედრა. „რეზონანსთან" ანალიტიკოსების შეფასებით პრეზიდენტები ერთმანეთს მოკავშირეების სტატუსით ხვდებიან. თურქეთს კი სურს აიმაღლოს თავისი საერთაშორისო პრესტიჟი რუსეთ-უკრაინის კონფლიქტში მედიატორის როლში.

მოსკოვზე 30 მაისის განხორციელებული საჰაერო დარტყმის შემდეგ, რუსულ საზოგადოებასა და პოლიტიკურ ელიტაში სერიოზული პანიკის ნიშნები შეიმჩნევა. სოციალური ქსელებით ვრცელდება მომხდარის ვიდეოკადრები შეშფოთებულ მოქალაქეთა კომენტარებით. პრეზიდენტმა ვლადიმირ პუტინმა მომხდარიდან რამდენიმე საათში გააკეთა განცხადება, რაც აქამდე არ მომხდარა. ხელისუფლების წარმომადგენლებმა კი საგანგებოდ გააფრთხილეს ყველა, რომ ამ ინცინდეტზე ყალბი ცნობების გავრცელება მკაცრად დაისჯება და მედიამ მხოლოდ ოფიციალური ინფორმაციით უნდა იხელმძღვანელოს, როს გამოც ინფორმაცია სამშაბათის მოვლენებზე მწირია.

უკრაინის შეიარაღებული ძალების სახმელეთო ჯარების მეთაური ალექსანდრ სირსკი ლიმანის ტერიტორიაზე უკრაინელი სამხედროების პოზიციებზე იმყოფებოდა. მან ახლო მომავალში უკრაინის მხრიდან კონტრშეტევა დაანონსა, რისთვისაც უკრაინის სამხედრო ძალები მოემზადებიან. როგორც სირსკიმ თავის თელეგრამ-ზე დაწერა, ის შეხვდა ქვედანაყოფების მეთაურებს, რომლებიც ახლა ყველაზე „ცხელ წერტილებში" ასრულებენ დავალებებს. მან ასევე აღნიშნა, რომ მალე უკრაინელი სამხედროები კონტრშეტევაზე გადავლენ.

უკრაინის ჯარების მთავარსარდლის, ვალერი ზალუჟნის მიერ ორი დღის წინ „ტელეგრამზე" გამოქვეყნებული განცხადება ანალიტიკოსთა ნაწილმა უკრაინელთა კონტრშეტევის დაწყების ნიშნად მიიჩნია. თუმცა, ფრონტზე ჯერჯერობით მნიშვნელოვანი გააქტიურება არ შეიმჩნევა და მხარეები ძირითადად ერთმანეთზე საჰაერო დარტყმებს ახორციელებენ.