ქართული კურორტების უმეტესობა არასწორად ვითარდება. სექტორში ბევრი პრობლემაა, რაც განვითარებას აფერხებს და კონკურენტუნარიანობაზე ნეგატიურად მოქმედებს. სამწუხაროდ, ხშირია შემთხვევები, როდესაც ეკონომიკური ფაქტორის წინა პლანზე წამოწევა ხდება, რაც აფერხებს დასასვენებელი ადგილების იერსახისა და დანიშნულების შენარჩუნებას.

სწავლის დაწყებისას სტუდენტებს შესაძლოა, საცხოვრებელი სახლის მოძიება, წინა წლების მსგავსად, ამჯერადაც გაუჭირდეთ. მართალია, წელს უძრავი ქონების ბაზარზე მიგრანტების ეფექტი ნაკლებია, თუმცა სფეროში მოლოდინი შეიცვალა და ითქვა, რომ უცხო ქვეყნის მოქალაქებიის მხრიდან მოთხოვანა შესაძლოა, ისევ გაიზარდოს, რაც ქართველ სტუდენტებს ბინის დაქირავების ან დაგირავების მხრივ პრობლემებს შეუქმნის. 

საზღვაო კურორტებზე წელს არნახულად დიდი მოთხოვნაა. სასტუმროების უმეტესობა მაღალი დატვირთვით მუშაობს, რამაც გარკვეული გავლენა ფასებზეც მოახდინა და დაახლოებით 20%-ით გააძვირა. განსაკუთრებით ეს იგრძნობა ზღვისპირა კურორტებზე, მთიან რეგიონებში ამ მხრივ ცვლილება არ არის, რაც გარკვეულწილად, გამოწვეულია იმითაც, რომ ზღვასთან შედარებით, ამ სეგმენტში ნაკლები აქტივობაა.

საცობი, თბილისის მსგვასად, ბათუმისთვისაც ყოველდღიურობად იქცა. განსაკუთრებული პრობლემა ტურისტულ სეზონზეა, თუმცა შავი ზღვისპირეთში გადატვირთული მოძრაობა სხვა პერიოდშიც ხშირია. ამიტომ სპეციალისტები ამბობენ, რომ ქალაქის განტვირთვა აუცილებელია. ითქვა, რომ ბათუმის შემოვლითი გზა, რომლის მშენებლობაც მიმდინარეობს, გადატვირთულ მოძრაობას 40%-ით შეამსუბუქებს. 

თბილისში ათასობით ჯართად ქცეული ავტომობილია, რომელიც საპარკინგზე ადგილს იკავებს. მდგომარეობა განსაკუთრებით მწვავეა საცობების ფონზე, რასაც მერია ჯერჯერობით ვერაფერს შველის. მართალია, ტექნიკური შემოწმების ვალდებულება არსებობს და საკმაოდ მკაცრი კონტროლია, მაგრამ კანონმდებლობაში ჯერ კიდევ არ არის განსაზღვრული, რა უნდა გაკეთდეს იმ ავტომობილებისთვის, რომელიც რეალურად ვერსადროს იმოძრავებს, მაგრამ სივრცეს კი იკავებს.

საქართველოში ხორბლის მოსავალი თითქმის აღებულია. ქართული მარცვლეული ხარისხობრივად წელს უკეთესია, თუმცა მისი ღირებულება იმპორტირებულთან შედარებით მაინც ნაკლებია და წისქვილკომბინანტები რუსეთიდან შემოტანილ ხორბალს უფრო ძვირად ყიდულობენ. განსხვავებული ფასებია უშუალოდ ქართულ მარცვლეულშიც, რეგიონებში მისი ჩაბარება - 55 თეთრად, თბილისში კი 60-65 თეთრად ხდება. 

მიმდინარე წლის ინფლაცია მზარდია. უკვე საუბარი და მოლოდინია იმის შესახებ, რომ წლის ბოლოსთვის მისი მაჩვენებელი სამიზნე ნიშნულს (3%) დანამდვილებით გადააჭარბებს. კიდევ უფრო რთული ვითარება იქნება 2025 წლის დასაწყისში, როდესაც ფასების ინდექსი, სავარაუდოდ, კიდევ მოიმატებს. იმ შემთხვევაში, თუ მზარდი ტენდენცია წლის მეორე ნახევარში მართლაც შენარჩუნდება, მოლოდინი, რომელიც ეკონომისტებს აქვთ, რეალობად იქცევა. 

მსოფლიო ბაზარზე ნავთობი გაიაფებას განაგრძობს. ბოლო რამდენიმე კვირაა ასეთი ტენდენცია იკვეთება და დღეისათვის "ბრენტის" ტიპის საწვავის ღირებულება 76 დოლარის ფარგლებშია. მსოფლიოს დღის წესრიგს საქართველოზე, როგორც იმპორტდამოკიდებულ სახელმწიფოზე, ასახვა ყოველთვის აქვს, მით უფრო მაშინ, როდესაც ქვეყანაში რუსული ნავთობპროდუქტები ვეღარ შემოდის, შავი ოქროს გაიაფება მეტად მნიშვნელოვანია. 

შუა დერეფანში შეიძლება ახალი მარშრუტი შეიქმნას და საქართველოს როლი შესუსტდეს. აშშ უკვე განიხილავს შესაძლებლობას, რომ ცენტრალური აზიის ქვეყნებიდან მსოფლიო ბაზრებზე ტვირთის მისაწოდებლად ახალი სახმელეთო მარშრუტი შექმნას, რომელიც რუსეთსა და ჩინეთს გვერდს აუვლის. ასეთი გადათამაშება, ცხადია, შუა დერეფანში საქართველოს სარგებელს მნიშვნელოვნად შეზღუდავს, თუმცა თვითონ იდეას სკეპტიკურად უყურებენ ქართველი სპეციალისტები, რომელთა შეფასებითაც, დამატებითი დერეფნის ჩამოყალიბებას წინ ბევრი დაბრკოლება ახლავს, რაც მის განხორციელებას ხელს უშლის. 

შავი ზღვის წყალქვეშა კაბელის პროექტის კვლევა გრძელდება. პროცესი რამდენიმე ეტაპისგან შედგება და სავარაუდოდ, 2-3 წელიწადში დასრულდება. მთლიანად პროექტს კი შესაძლოა, 6-7 წელიწადი დასჭირდეს. მასშტაბური პროექტის მიმართ ევროპის ინტერესი კვლავ შეუცვლელია, შესაბამისად, ეჭვქვეშ არ დგას სარგებელი, რომელსაც საქართველო წყალქვეშა კაბელის პროექტის განხორციელებით მიიღებს. როგორც სპეციალისტები აღნიშნავენ,  ელექტროგადამცემი ხაზით ჩვენი ქვეყანა პირველად დაუკავშირდება ევროპას, გააჩენს იმის შესაძლებლობას, რომ საქართველოს ელექტროსისტემა  ევროპულ ენერგოსისტემასთან ჩაერთოს. 

შენობების მდგრადობის საკითხი სერიოზულ ეჭვს იწვევს. გარდა იმისა, რომ ძველი, საბჭოური კორპუსები უკვე ყავლგასულად მიიჩნევა და თითქმის მასობრივად სჭირდება გამაგრებითი სამუშაოები, ვერც ახალი შენობებია მდრადი. ბოლო დროს ამის თვალსაჩინო მაგალითს წარმოადგენს ვაშლიჯვარში ერთ-ერთ კორპუსთან დაკავშირებული გახმაურებული შემთხვევა, როცა 5 წლის წინ აგებული შენობიდან მოსახლეობის გაყვანა გახდა საჭირო. სავარაუდოდ, პრობლემა გაცილებით მასშტაბურია, მით უმეტეს იმ ფონზე, როცა მიწისძვრები საქართველოს მასშტაბით გახშირდა და ასეთ დროს კორპუსის სიმყარეს გადამწყვეტი როლი აკისრია.

რთველის წლევანდელ სეზონზე სახელმწიფოს მხარდაჭერის პოლიტიკა არ შეცვლილა და დარგს სახელმწიფო სუბსიდიით ეხმარება. ფაქტობრივად ყველა პირობაა, რომ მოსახლეობამ გარანტირებულად მიიღოს შემოსავალი და დახმარება, რათა გაუყიდავი მოსავალი არ დარჩეს. ხელისუფლების წარმომადგენლებმა მიმდინარე სეზონთან დაკავშირებით თითქმის ყველა დეტალი გაასაჯაროვეს, მევენახეები და სამეწარმეო ბიზნესი კი იმაზე დავობს, რამდენად სჭირდება დარგს სუბსიდია.