პარლამენტმა „სიტყვისა და გამოხატვის თავისუფლების შესახებ" კანონში ცვლილება და„საქართველოს სამოქალაქო საპროცესო კოდექსში" ცვლილებები მესამე მოსმენით, დაჩქარებული წესით მიიღო. კანონში ცვლილება კერძო პირისა და საჯარო პირის ცილისწამებასთან დაკავშირებულ საკითხებს ეხება.

პარასკევს კიდევ ერთი ოპოზიციონერი, თავდაცვისა და უშიშროების კომიტეტის ყოფილი თავმჯდომარე გივი თარგამაძე დააპატიმრეს, პარლამენტის დროებითი საგამოძიებო კომისიის მოთხოვნის შეუსრულებლობის ფაქტზე, სასამართლომ დამნაშავედ ცნო და 7 თვით თავისუფლების აღკვეთა მიესაჯა. დღესვე წინასწარ პატიმრობაში მყოფი "კოალიცია ცვლილებების" ლიდერის ნიკა მელიას განაჩენიც გამოცხადდა და ასევე კომისიაზე გამოუცხადებლობის გამო 8 თვით პატიმრობა განესაზღვრა.

საქართველო, დადექი! - ამ ლოზუნგით არასამთავრობო სექტორი მასშტაბურ აქციას კიდევ ერთხელ აანონსებს - 29 ივნისს პარლამენტის წინ აქტივისტები, ენჯეოები და ოპოზიციონერები ისევ შეიკრიბებიან, რათა ლიდერების დაკავება გააპროტესტონ. ისინი საზოგადოებას მოუწდებენ, პროტესტს შეუერთდნენ.

ექსპრემიერი გიორგი გახარია კვლავ ქვეყნის ფარგლებს გარეთ იმყოფება, მისი გუნდის სადეპუტატო მომავალი კი კითხვის ნიშნის ქვეშ დგას - 30 ივნისს საპროცედურო კომიტეტი პარტიის 12 დეპუტატისთვის უფლებამოსილების შეწყვეტის საკითხს განიხილავს. საგამოძიებო კომისიის სხდომაზე გახარიას გამოჩენა ისევ გაურკვეველია. მისი გუნდის წევრები საზოგადოებას კონკრეტულ პასუხს არ აძლევენ, ოპოზიციის ნაწილი ექსპრემიერს დაბრუნებას არ ურჩევს, მმართველი გუნდს კი მოლოდინის რეჟიმი ისევ ჩართული აქვს.

„კოალიცია ცვლილებებისთვის" ერთ-ერთი ლიდერი, ზურაბ ჯაფარიძე ციხიდან ვრცელ წერილს ავრცელებს და აღნიშნავს, რომ "პოლიტიკური პროცესისთვის ონლაინ პლატფორმა უნდა შეიქმნას, სადაც დარეგისტრირდება ყველა მოქალაქე, რომელიც ითხოვს რეჟიმის ცვლილებას". იმედი აქვს, რომ მოქალაქეების უმრავლესობა ამ პლატფორმაზე დარეგისტრირდება, ხოლო მათ, ვინც ამას არ იზამს, მონებად შერაცხავს.

პარლამენტის დროებით საგამოძიებო კომისიის ოთხშაბათის სხდომაზე კიდევ რამდენიმე ოპოზიციონერის გვარმა გაიჟღერა, რაც ნიშნავს, რომ ახლო მომავალში, შესაძლოა, ისინიც დაიბარონ კომისიაზე. ბოლო რამდენიმე კვირის პრაქტიკიდან გამომდინარე კი, გამორიცხული არაა ისინიც პატიმრობაში აღმოჩდნენ. რამდენად შორს აპირებენ წასვლას ამ მიმართულებით კომისია და მისი ხელმძღვანელი თეა წულუკიანი, ამაზე ანალიტიკოსებს ზუსტი პროგნოზის გაკეთება უჭირთ. თუმცა, აღსანიშნავია, რომ წულუკიანმა კიდევ ერთი თვით - 5 აგვისტომდე მოითხოვა კომისიის უფლებამოსილების ვადის გახანგრძლივება და პარლამენტი ამ საკითხს ახლო მომავალში განიხილავს.

საქართველოს პარლამენტი დაჩქარებული წესით, 27 ივნისამდე, განიხილავს საკანონმდებლო პაკეტს, რომელიც მკვეთრად ზღუდავს მედიის შესაძლებლობებს სასამართლო პროცესების გაშუქებისას - სასამართლოს შენობაში, დარბაზში და ეზოში ფოტო-ვიდეო გადაღება, ტრანსლაცია და აუდიო ჩაწერა მხოლოდ მოსამართლის ნებართვით იქნება დაშვებული. სახალხო დამცველი კანონპროექტს უკან გადადგმულ ნაბიჯად აფასებს და აცხადებს, რომ ეს ცვლილებები ქვეყანაში 2007-2013 წლებში მოქმედ ჩაკეტილ სასამართლო სისტემას აბრუნებს, როდესაც პროცესების საჯაროობა სერიოზულად შეზღუდული იყო.

ლიდერების დაკავებისა და მოახლოებული ადგილობრივი არჩევნების ფონზე, ოპოზიციას ახლა რეალურად რამდენიმე სამოქმედო ვარიანტი აქვს - თანხმდებიან ბოიკოტზე, ერთიანდებიან და საერთო სიებითა და კანდიდატებით გადიან არჩევნებზე, ან ნაწილი ბოიკოტის რეჟიმში რჩება და ნაწილი არჩევნებში მიიღებს მონაწილეობას. ყველა პარტია გაერთიანების აუცილებლობაზე საუბრობს, თუმცა, კონკრეტულად რა იგულისხმება ამ გაერთიანებაში, ხშირ შემთხვევაში დაკონკრეტებული არ არის.

ბოლო საპარლამენტო არჩევნებზე ბარიერგადალახული ოპოზიციური ძალების პრაქტიკულად ყველა ლიდერი ან უკვე ციხეშია, ან ახლო მომავალში ემუქრება ასეთი პერსპექტივა. ეს ნიშნავს, რომ 4 ოქტომბრის ადგილობრივ არჩევნებზე გასვლა იმ ოპოზიციურ პარტიებს, ვინც მასში მონაწილეობას გადაწყვეტს, ლიდერების გარეშე მოუწევთ. როგორ მოქმედებს დაკავებების ეს სერია შიდა პოლიტიკურ სიტუაციაზე, რა გავლენა ექნება მას პარტიების რეიტინგებზე და რა პოლიტიკურ სურათს მივიღებთ ამის შედეგად შემოდგომაზე?

საქართველოს ეკონომიკისა და მდგრადი განვითარების მინისტრი ლევან დავითაშვილი 24 ივნისს თანამდებობიდან წავიდა. ის ირაკლი ღარიბაშვილის პრემიერობიდან მთავრობაში შემორჩენილი ბოლო მინისტრი იყო და ახლა ხელისუფლება, პრაქტიკულად მთლიანად, მთავრობის სათავეში ირაკლი კობახიძის მოსვლის შემდეგ დანიშნული კადრებით შედგება. ანალიტიკოსთა ნაწილი ამ პროცესს ღარიბაშვილის კადრებისგან მმართველი გუნდისგან წმენდას უწოდებს, ნაწილი კადრების გადახარისხებაზე საუბრობს, მთავრობა კი ამ პროცესს „ეფექტიანობის გაზრდის" მცდელობად წარმოაჩენს.

ოკუპირებული აფხაზეთის ე.წ. ტურიზმის სამინისტრო სკანდალში გაეხვა. საქმე ეხება „სამინისტროს" წარმომადგენლის ქრისტინა ლაკერბაიას მიერ რუსი ტურისტებისადმი დამამცირებელ განცხადებას, რომელსაც მოსკოვიდან საყვედურები და მისი გადაყენების მოთხოვნა მოჰყვა, რაც სოხუმში მორჩილად შეასრულეს.

პარტიის „გახარია საქართველოსთვის" ლიდერს, ექსპრემიერ გიორგი გახარიას ახლა უკვე 2 ივლისამდე აქვს ვადა, რომ პარლამენტის საგამოძიებო კომისიის სხდომაზე გამოცხადდეს. წინააღმდეგ შემთხვევაში კომისია პროკურატურას მიმართავს. მისი თანაგუნდელები აცხადებენ, რომ გახარია არც 2 ივლისს არ იქნება თბილისში. მათთვის გაუგებარია რატომ ამბობს კომისია გახარიას დისტანციურად გამოკითხვაზე უარს და რატომ ითხოვს მისგან ფიზიკურად კომისიის სხდომაზე მისვლას. ყოველივე ამან და სხვა გარემოებებმა გააჩინა ეჭვი, რომ ექსპრემიერი, შესაძლოა, არც აპირებს ქვეყანაში დაბრუნებას, რაც ნიშნავს, რომ ის პრაქტიკულად გაიქცა.