უკრაინის ფრონტზე მძიმე ბრძოლები 4 მიმართულებით გრძედება. უკრაინამ უკვე დაადასტურა, რომ კონტრშეტევითი და თავდაცვითი მოქმედებები მიმდინარეობს. უკრაინის გენშტაბის ინფორმაციით, რუსებს ბახმუტის მიმართულებით განსაკუთრებულად დიდი დანაკარგები აქვთ. ასევე, რამდენიმე დღის განმავლობაში რამდენიმე სოფლის აღება შეძლეს. ხოლო რუსეთს ძირითადი ძალისხმევა კონცენტრირებული აქვს აღმოსავლეთში - ლიმანის, ბახმუტის, ავდეევკის და მარინკის მიმართულებებით, სადაც მძიმე ბრძოლა გრძელდება და გასულ 24 საათში 25 შეტაკება მოხდა. 

6 ივნისს კახოვკის ჰიდროელექტრო სადგურის აფეთქების შედეგად დაწყებული წყალდიდობა უკვე შეფასდა, როგორც ბოლო ათწლეულების ყველაზე მასშტაბური ეკოლოგიური კატასტროფა. შავ ზღვაში უკვე დიდი რაოდენობით ჩაედინება საყოფაცხოვრებო ნარჩენები და მომწავლელი ნივთიერებები, რაც, სპეციალისტთა შეფასებით, უარყოფითად აისახება ზღვის ეკოსისტემაზე და სანაპიროზე მდებარე დასახლებებსაც სერიოზულ პრობლემებს შეუქმნის. ერთ-ერთი მთავარი საფრთხე კი ზღვის წყლის გამტკნარებაა, რომელიც, უკრაინული მედიის ცნობით, ქალაქ ოდესის სანაპიროსთან უკვე დაიწყო.

შესაძლოა „ნაციონალურ მოძრაობაში“ ახალი დაპირისპირება დაიწყოს. პარტიის მმართველობიდან ჩამოშორებული ნიკა მელიასა და მისი გუნდის გარდა, ენმ-ის თავმჯდომარე ლევან ხაბეიშვილს შესპრეზიდენტ მიხეილ სააკაშვილის ოჯახი და მისი ბიძა თემურ ალასანია დაუპირისპირდეს, რომელსაც პარტიაში თავისი გუნდიც ჰყავს და საკმარისი გავლენაც. 

უკრაინის თვდაცვის სამინისტროს ინფორმაციით, ნატოს ვილნიუსის სამიტზე, უკრაინა ალიანსში გაწევრიანების ალგორითმს მიიღებს. ანალიტიკოსთა შეფასებით, რაც დრო გადის, უკრაინა სულ უფრო უახლოვდება ნატოს და ვილნიუსის სამიტზე უკვე კონკრეტული გადაწყვეტილების მიღება ლოგიკური იქნება, ხოლო ეს ალგორითმი კი შესაძლოა სხვადასხვა მექანიზმებს გულისხმობდეს, მათ შორის მაპ-ს (ნატოში გაწევრიანების სამოქმედო გეგმა), ან სპეციფიური მოდელის უკრაინა-ნატოს საბჭოს შექმნას.

რუსეთი ამტკიცებს, რომ უკრაინა კონტრშეტევაზე გადავიდა, რაც მათ წარმატებით მოიგერიეს და მოიერიშე ჯავშან-კოლონები გაანადგურეს, მათ შორის გერმანული „ლეოპარდის“ ტიპის ტანკები. უკრაინა ამას უარყოფს და ირწმუნება, რომ დიდი კონტრშეტევა ჯერ არ დაწყებულა. ასევე ფიქრობენ თბილისშიც, სადაც მიაჩნიათ, რომ უკრაინელები რუსების პოზიციებს სუსტი ადგილების გამოსავლენად ზვერავენ, ამის შემდეგ კი ამ ადგილებზე მასობრივ იერიშს მიიტანენ. თანაც ამატებენ, რომ უახლოეს დღეებში მოხდება, რადგან მერე ამინდი უარესდება, რაც კონრტშეტევას შეაფერხებს.

პრემიერი ირაკლი ღარიბაშვილი გერმანიის ფედერალურ კანცლერს ოლაფ შოლცს ბერლინში, სამუშაო ვიზიტის ფარგლებში შეხვდა. მთავრობის ადმინისტრაციის ინფორმაციით, შეხვედრაზე ირაკლი ღარიბაშვილმა ოლაფ შოლცს საქართველოს მიერ ევროინტეგრაციის გზაზე გადადგმული ნაბიჯები, განხორციელებული რეფორმები და ევროკომისიის 12 რეკომენდაციის შესრულების კუთხით არსებული მნიშვნელოვანი პროგრესი გააცნო.

ოპოზიციის გაერთიანების პერსპექტივა არ არსებობს, რადგან ისინი იდეების გარშემო კი არ ერთიანდებიან, არამედ რევანშიზმის და პოლიტიკური სკამების მოპოვების იდეით, რაც მათთვის დამღუპველია. მით უმეტეს ატარებენ პოლიტიკურ ნეგატიურ კამპანიას, რომელიც პოლიტტექნოლოგიაში არ არის მომგებიანი. უნდა იყო ძალიან პოზიტიური და პოზიტივით მოიზიდო ამომრჩეველი. ნეგატიური ნარატივის წყალობით კი გადაუწყვეტელი ამომრჩევლის რიცხვი კიდევ უფრო გაიზარდება, აცხადებს ანალიტიკოსი გია აბაშიძე ოპოზიციის გაერთიანების პერსპექტივაზე საუბრისას.

სოხუმის რეჟიმი ისევ ალაპარაკდა ძალის არგამოუყენებლობაზე, თანაც ისე, რომ ამის სანაცვლოდ არავითარ დათმობაზე წასვლას არ აპირებს, სტატუსზე კი საერთოდ ლაპარაკიც არ სურს. საგარეო საქმეთა დე ფაქტო მინისტრ ინალ არძინბას განცხადებით, ჟენევის დისკუსიებზე განიხილება საკითხი საქართველოს მიერ ძალის არგამოყენების შეთანხმების ხელმოწერაზე. მისი თქმით, საქართველო დოკუმენტს არ აწერს, რადგან მიიჩნევს რომ საქართველოს ტერიტორიები რუსების მიერ არის ოკუპირებული.

წვრილი ოპოზიციური პარტიების მიმხრობის შანსი „ნაციონალურ მოძრაობას" მეტი აქვს, ვიდრე „ლელოს". თუმცა ყველაფერი საბოლოოდ იმაზე იქნება დამოკიდებული, რომ როგორი იქნება საარჩევნო ბარიერი. ასე ეხმაურებიან ანალიტიკოსები დაწყებულ დისკუსიას იმის შესახებ, თუ სად არის „ქართული ოცნების" დამარცხების გასაღები და როგორ ოპოზიურ გაერთიანებას ექნება არჩევნებზე წარმატების მეტი შანსი - ენმ-ის გარეშე, თუ ენმ-ის მონაწილეობით შექმნილს.

ერთბაშად რამდენიმე წყარო იტყობინება, რომ უკრაინამ ხუთშაბათს, 8 ივნისს დაიწყო დიდი ხნის წინ დაანონსებული კონტრშეტევა. ოთხშაბათის ღამეს მასშტაბური იერიში იქნა მიტანილი რუსული არმიის პოზიციებზე ზაპოროჟიეს ოლქში. ამ ინფორმაციას მოსკოვშც ადასტურებენ. ინტენსიური ბრძოლა ახლაც გრძელდება და მისი შედეგი ჯერ კიდევ გაურკვეველია. ამის ფონზე კი მსოფლიო კვლავ იმის გაანალიზებაშია, თუ რა მოხდა კახოვკის ჰეს-ზე, რა ეკოლოგიური შედეგები ექნება მის აფეთქებას და როგორ აისახება მომხდარის გამო დაწყებული მასშტაბური წყალდიდობა ომის მიმდინარეობაზე.

ნატო-ს წევრმა გარკვეულმა ქვეყნებმა, შესაძლოა, უკრაინაში თავისი ჯარების გაგზავნის გადაწყვეტილება მიიღონ, თუკი ვილნიუსში დაგეგმილ ნატოს სამიტზე კიევს უსაფრთხოების ხელშესახებ გარანტიებს არ მისცემენ, - ამის შესახებ ნატო-ს ყოფილმა გენერალურმა მდივანმა, ანდერს ფოგ რასმუსენმა განაცხადა, რომელიც ამჟამად, უკრაინის უსაფრთხოების გარანტიების საკითხებზე მომუშავე საერთაშორისო სამუშაო ჯგუფის თანათავმჯდომარეა. საქართველოს ყოფილი საგარეო საქმეთა მინისტრი ირაკლი მენაღარიშვილი მიიჩნევს, რომ ეს განცხადება, სავარაუდოდ, კონკრეტულ ინფორმაციას ეფუძნება, ხოლო უკრაინისა და საქართველოს საკითხი ვილნიუსის სამიტზე შესაძლოა დადებითად გადაწყდეს.

ევროკავშირის ელჩი პაველ ჰერჩინსკი დადებითად აფასებს საქართველოს კავშირს ევროკავშირის წევრი ქვეყნების დედაქალაქებთან და ევროკავშირის წევრი ქვეყნების წარმომადგენლების ვიზიტებს საქართველოში, რადგან მოხდეს სწორი გადაწყვეტილების მიღება საქართველოს კანდიდატის სტატუსის მინიჭებასთან დაკავშირებით. მისი თქმით, მნიშვნელოვანია ევროკომისიის ოქტომბრის შუალედური დასკვნა, სადაც შემუშავდება გარკვეული რეკომენდაციები წლის ბოლომდე გასათვალისწინებლად. თუმცა, ელჩი ფიქრობს რომ საქართველო კანდიდატის სტატუსს იმსახურებს.