28-29 სექტემბერს ესპანეთის ქალაქ მურსიაში ევროკავშირის წევრი ქვეყნების მინისტრების არაფორმალური შეხვედრები იმართება, სადაც 36 ქვეყნამდე შესაძლო გაფართოებისთვის მომზადებაზე მსჯელობენ. 5 ოქტომბერს კი ესპანეთშივე ევროპული პოლიტიკური საზოგადოების შეხვედრაზე ზუსტად ეს იქნება ცენტრალური საკითხი. ასევე ცნობილი ხდება, რომ გაერთიანებას კანდიდატ და ევროპული პერსპექტივის მქონე ქვეყნებზე მათ შორის საქართველოზე ახალი ხედვა და პაკეტი აქვს.

როგორ დალაგდება პოლიტიკური სპექტრი და ვინ შეიძლება იყოს „ოცნების" მთავარი კონკურენტი მომავალ საპარლამენტო არჩევნებში, ამ საკითხზე „რეზონანსი" პოლიტოლოგ იგორ კვესელავას ესაუბრა, რომელიც უახლოეს პერიოდში ქართულ პოლიტიკურ ველზე რადიკალურ ცვლილებას ვარაუდობს, „ოცნების" სერიოზულ მეტოქედ კი ამ არჩევნებში პრეზიდენტი სალომე ზურაბიშვილი მიაჩნია.

„ნაციონალური მოძრაობა“ შესაძლოა ოქტომბერში ორად გაიყოს. ამის ალბათობა უკვე რეალურია, რადგან პოლიტიკური მოძრაობის ყოფილი თავმჯდომარე, საბოლოო გადაწყვეტილებას პარტიის დატოვების თაობაზე 7 ოქტომბერს თანაგუნდელებთან ერთად დაგეგმილ შეკრებაზე მიიღებს. ნიკა მელიას მიერ ახალი პლატფორმის შექმნაზე განსხვავებული დამოკიდებულებაა ოპოზიციაში. მმართველ გუნდში კი დარწმუნებული არიან, რომ არც ცალკე და არც რომელიმე პარტიასთან გაერთიანებით, მელიას გუნდს არჩევნებში წარმატების შანსი არ აქვს.  

რატომ აპირებს ნიკა მელია „ნაციონალური მოძრაობის“ დატოვებას? - ყოფილი  თავმჯდომარე  ამ გადაწყვეტილებაზე  საუბრობს. 

„ოცნება" აცხადებს, რომ იმ სახელმწიფოთა ლიდერებთან, სადაც პრეზიდენტი იმყოფებოდა, საუბრები არა კანდიდატის სტატუსის მონიჭებაში მხარდაჭერაზე, არამედ სანქციების დაწესების მუქარაზე იყო, ამიტომაც მმართველ გუნდს მიაჩნია, რომ სალომე ზურაბიშვილის მიმართ იმპიჩმენტის პროცესის წამოწყება „მნიშვნელოვანი გადაწყვეტილება იყო". საწინააღმდეგოს ფიქრობს ოპოზიცია და იმასაც ღიად ამბობენ, რომ იმპიჩმენტის საბოლოო გაფორმებისთვის პარლამენტში კენჭისყრაში მონაწილეობას არ მიიღებენ. შესაბამისად, ნაკლებად სავარაუდოა, „ოცნებამ" საამისოდ საჭირო 100 ხმის მოგროვება შეძლოს.

ერაყში საბრძოლო მისიით ნამყოფი და პენტაგონის მიერ სპეციალური მედლით დაჯილდოვებული სამხედრო მზვერავ როინ შავაძის მკვლელობის საქმეზე თბილისის საქალაქო სასამართლოში 18 სექტემბერს ჩანიშნული წინა სასამართლო სხდომა არ გამართულა; დაცვის მხარემ სხდომის ორი თვით გადადება მოითხოვა, რასაც ბრალდების მხარე არ დაეთანხმა; სასამართლომ კი მკვლელობაში ბრალდებულების ადვოკატების ეს მოთხოვნა ნაწილობრივ დააკმაყოფილა და წინა სასამართლო სხდომის თარიღად 2023 წლის 25 ოქტომბერი ჩანიშნა. ამ სტატიაში გიამბობთ გასული 15 წლის განმავლობაში შავაძის მკვლელობის საქმის ირგვლივ განვითარებულ მოვლენებზე.

სომხეთის საპარლამენტო კომისიის დღის წესრიგში რომის სტატუტის რატიფიცირების საკითხი შევიდა, ქვეყნის მთავრობა კი მოითხოვს, რომ რუსებმა გიუმრში სამხედრო ბაზისთვის გადასახადი გადაიხადონ. როგორც ანალიტიკოსები ამბობენ, მოსკოვსა და ერევანს შორის სიტუაცია უფრო მეტად გამწვავდება, რადგან კრემლს რომის ქარტიის რატიფიცირებაზე მწვავე რეაქცია უკვე ჰქოდა.

ეროკავშირი უკვე კონკრეტულ თარიღს ასახელებს თუ როდიდან შეიძლება დაიწყოს უკრაინის წევრობაზე მოლაპარაკება - ევროპარლამენტის პრეზიდენტი, რობერტა მეცოლა ამბობს, რომ ეს კონკრეტული დრო ამა წლის შობამდეა. მისი განცხადებით, ევროკავშირმა თავისი ინსტიტუტების რეფორმირება უნდა განახორციელოს იმისთვის, რომ გაფართოების შემდეგი ტალღებისთვის მოემზადოს და ორგანიზაციაში გაწევრიანების საკითხზე უკრაინასთან ფორმალური მოლაპარაკებები დაიწყოს.

პოლიტიკური სეზონი დაიწყო, თუმცა, ჯერ-ჯერობით პოლიტიკურ ძალთა ქმედებებში რადიკალური ცვლილებები არჩანს, თუ არ ჩავთლით ცალკეულ პოლიტიკოსთა მხრიდან გაკეთებულ ხმაურიან განცხადებებს, რომ 2024 წელი იქნება სწორედ საქართველოს მომავლის განმსაზღვრელი.

აშშ-ის მიერ სანქცირებული ოთარ ფარცხალაძის მოქალაქეობასთან დაკავშირებული სკანდალის შემდეგ, სულ უფრო ხშირად კეთდება მინიშნებები, რომ მმართველი პარტიის მიერ წამოწყებულ პრეზიდენტის იმპიჩმენტის პროცედურას საპარლამენტო ოპოზიციაშიც ჰყავს მხარდამჭერები. შეძლებს თუ არა „ქართული ოცნება“ იმპიჩმენტისათვის საჭირო 100 ხმის მოგროვებას? ანალიტიკოსები ამაზე წინასწარ ვერაფერს ამბობენ, თუმცა აცხადებენ, რომ წესით პრეზიდენტის გადაყენება არც „ოცნებას“ უნდა აწყობდეს და არც ენმ-ს.

ყარაბაღის მოვლენებს ცხინვალსა და სოხუმში შეშფოთებით ადევნებენ თვალს. სეპარატისტული რეჟიმების განხილვის მთავარი საგანია ახალი, შეცვლილი გეოპოლიტიკური რეალობა რეგიონში და მათი პერსპექტივა ასეთ ვითარებაში. ანალიტიკოსი პაატა ზაქარეიშვილი „რეზონანსთან" აცხადებს, რომ ამ მსჯელობისას ხშირად საუბრობენ მოვლენების განვითარების ორ შესაძლო სცენარზე, რომელიც, სეპარატისტთა შეფასებით, საკმაოდ რეალურია და რომლისაც ყველაზე მეტად ეშინიათ.

პარტიამ „საქართველოსთვის", პარლამენტში შს მინისტრის ინტერპელაციის შემდეგ, პოზიცია შეიცვალა და შოვის ტრაგედიაზე პარლამენტში საგამოძიებო კომისიის შექმნას მხარს დაუჭერს. სავარაუდოდ, ასეთ შემთხვევაში ოპოზიციას კომსიის შექმნისათვის საჭირო 50 ხმის მოგროვება არ გაუჭირდება, თუმცა, როგორც ანალიტიკოსი რამაზ საყვარელიძე „რეზონანსთან" აცხადებს, ოპოზიციას მაინც გაუჭირდება „ოცნების" პოლიტიკურ პასუხისმგებლობამდე მიყვანა.

ბოლო პერიოდში სოციოლოგიური კვლევები არ გამოქვეყნებულა და და ჯერჯერობით უცნობია მოცემულ მომენტში რა რეიტინგი აქვთ პოლიტიკურ ველზე მყოფ აქტორებს, თუმცა, როგორც ანალიტიკოსები ამბობენ, დღეისათვის „ქართული პოლიტიკა გაღარიბებულად გამოიყურება" და თუ პოლიტიკური ჯგუფები სათანადოდ არ გააქტიურდნენ, 2024 წელს არჩევნებზე ორი-სამი პარტიის გარდა, 5%-იანი ბარიერის გადალახვა გაუჭირდებათ.