სალომე ზურაბიშვილის საპრეზიდენტო ვადის ამოწურვის შემდეგ, ქვეყანა მომავალ პრეზიდენტს უკვე 300-კაციანი კოლეგიით აირჩევს. თავად ზურაბიშვილი თანახმაა, რომ მეორეჯერაც იყაროს კენჭი. უნდა აღინიშნოს, რომ შანსები მას ეძლევა საპარლამენტო არჩევნებში ოპოზიციის გამარჯვების შემთხვევაში, თუმცა აქაც პრობლემაა, რადგან ენმ-ში აცხადებენ, რომ პრეზიდენტის მიდგომა - „ჯერ ოპოზიციამ გაიმარჯვოს და მერე მომაკითხეთ", გამართლებული არაა.

„ქართულმა ოცნებამ" ოქტომბრის არჩევნებში სიის პირველ ნომრად პარტიის საპატიო თავმჯდომარე ბიძინა ივანიშილი წარადგინა. ჯერ ცნობილია მხოლოდ ოცეული, სადაც შედიან, როგორც ოლიმპიური მედალოსანი სპორტსმენები, ისე ცნობილი თუ ახალი პოლიტიკური სახეები. ოპოზიცია ოცეულს აკრიტიკებს და აცხადებს, რომ ივანიშილის სათავეში მოქცევა და ცნობილი მედალოსნების შეყვანა ნიშნავს, რომ მმართველ პარტიას გაუჭირდა.

შესაძლოა ევროკავშირმა გაფართოების ანგარიში საქართველოში დაგეგმილ 26 ოქტომბრის საპარლამენტო არჩევნებამდე გამოაქვეყნოს. ანგარიშში შეფასებული იქნება იმ ქვეყნების მიერ მიღწეული პროგრესი, რომლებიც ბლოკში გაერთიანებისკენ ისწრაფვიან, დოკუმენტში საქართველოს მიერ ევროკომისიის მიერ განსაზღვრული 9 დათქმაზე იქნება საუბარი და რაც მთავარია, იქნება რეკომენდაცია ევროკავშირში გაწევრიანებაზე მოლაპარაკების გახსნასთან დაკავშირებით.

რატომ გადაწყვიტა ხელისუფლებამ ბიუჯეტიდან არასამთავრობო ორგანიზაციების დაფინანსება და რა არის რეალურად ამ შეთავაზების მიზანი? ანალიტიკოსებს ამაზე განსხვავებული მოსზრებები აქვთ. ნაწილი ფიქრობს, რომ ასეთი შეთავაზება „ოცნებას“ ჯერ კიდევ 2012 წელს უნდა გაეკეთებინა და ახლა არ გვექნებოდა ასეთი მწვავე დაპირისპირება ხელისუფლებასა და არასამთავრობო სექტორს შორის. მეორე ნაწილის აზრით კი, ხელისუფლებამ „გამჭვირვალობის კანონით“ ის შედეგი ვერ მიიღო, რასაც ელოდა და ახლა გამოსავალს ეძებს.

არჩევნებამდე თვენახევრით ადრე, პოლიტიკურ პარტიებს შორის „პლაკატების ომი" დაწიყო. „ქართული ოცნება" ვიდეომასალას ავრცელებს, სადაც, მათი ინფორმაციით, „ახალის" ახალგაზრდული ორგანიზაციის წევრები „ოცნების" პლაკატებს ანადგურებენ. მმართველ პარტიაში ამბობენ, რომ ეს არის საარჩევნო კამპანიაში ხელის შეშლის პირდაპირი მტკიცებულება და სადამკვირვებლო ორგანიზაციებს რეაგირებისკენ მოუწოდებენ. ბრალდებას „ახალიდან" ჯერჯერობით არავინ უპასუხა.

მთავრობასა და პრეზიდენტს შორის დაპირისპირება სპორტის სფეროზეც იწყებს გავრცელებას. სალომე ზურაბიშვილი 13 სექტემბერს გეგმავს ოლიმპიელებისა და პარალიმპიელების დაჯილდოებას, რაც პრეზიდენტის რეზიდენციასთან სახალხო ზეიმის ფორმატში გაიმართება. არადა მთავრობამ 15 აგვისტოს ოლიმპიელებს უკვე მოუწყო საზეიმო შეხვედრა, რომელსაც პრეზიდენტი პროტესტის ნიშნად არ დაესწრო.

მელია-გვარამიას კოალიცია „ცვლილებებისთვის" გამოდის ინიციატივით, ყველა ოპოზიციურმა პარტიამ დაადასტუროს ხელმოწერით, რომ არჩევნების შემდეგ, მთავრობის ფორმირების პროცესში „ქართულ ოცნებასთან" არ ითანამშრომლებენ, იდეას იზიარებს პლატფორმები „ერთიანობა ნაციონალური მოძრაობა" და „ძლიერი საქართველო". „გახარია საქართველოსთვის" კი აცხადებს, რომ მათთვის წითელი ხაზია, როგორც „ოცნება", ისე ენმ.

ოქტომბრის არჩევნებს უჩვეულოდ ბევრი დამკვირვებელი გაუწევს მონიტორინგს, ესენი იქნებიან, ადგილობრივი თუ საერთაშორისო ორგანიზაციების წარმომადგენლები. ასევე, მოქმედებენ გრძელვადიანი და მოკლევადიანი მისიები. როგორც ანალიტიკოსები აცხადებენ, ბევრ დამკვირვებელს არჩევნების ხარისხზე და მის შედეგებზე თავისთავად ექნება გავლენა.

უკრაინის საგარეო საქმეთა სამინისტროს ახალმა ხელმძღვანელმა, ანდრეი სიბიგამ საქართველოში უკრაინის საქმეთა დროებითი რწმუნებულის, მიხაილო ხარიშინის გაწვევის გადაწყვეტილება მიიღო, - ამის შესახებ სიბიგამ უკრაინის ელჩებთან და გენერალურ კონსულებთან შეხვედრის შემდეგ „ფეისბუქზე" დაწერა.

7 სექტემბერს რეგიონებში საუბნო საარჩევნო კომისიების არჩევის პროცესი ხმაურისა და დაპირისპირების ფონზე წარიმართა, ენმ კომისიების ხელმძღვანელი პირებისა და წევრების ობიექტურობას კითხვის ნიშნის ქვეშ აყენებს და აცხადებს, რომ მათ უმეტესობას მმართველ პარტიასთან აქვს კავშირი. „ქართული ოცნება" ოპოზიციას წინასწარ დაგეგმილ პროვოკაციაში ადანაშაულებს. ცესკო კი აცხადებს, რომ არსებული საარჩევნო კანონმდებლობა მანიპულაციისთვის სივრცეს არ ტოვებს. რასთან გვაქვს საქმე და როგორ იმოქმედებს ეს პროცესი საბოლოოდ არჩევნების ლეგიტიმურობაზე?

საკონსტიტუციო სასამართლოს განმწესრიგებელი სხდომიდან თითქმის ერთი კვირა გავიდა და ისევ უცნობია გადაწყვეტილება „გამჭვირვალეობის კანონთან“ დაკავშირებით - მიიღებს თუ არა სასამართლო მას წარმოებაში და შეჩერდება თუ არა კანონის მოქმედება საბოლოო გადაწყვეტილებამდე. რატომ ჭიანურდება ამ გადაწყვეტილების გამოცხადება და რა მოხდება იმ შემთხვევაში, თუ მოსამართლეთა ხმება თანაბრად - 4/4-ზე გაიყო? 

რუსეთის საგარეო საქმეთა მინისტრი სერგეი ლავროვი საქართველოს მთავრობის პოლიტიკას იწონებს და ამბობს, რომ ლიბერალური დემოკრატიის ღირებულებების დაწესება ქართველ ხალხს არ გამოადგება. ოპოზიციაში ამბობენ, რომ გასაკვირი არაა, როცა „ოცნების" და კრემლის ინტერესები ერთმანეთს ემთხვევა. როგორ აღიქმება საქართველოში მიმდინარე პროცესები მოსკოვში და რა გავლენას ახდენს ქართველ ამომრჩევლებზე ის ფაქტი, რომ რუსეთის ხელისუფლება „ოცნების" მიმართ სიმპატიითაა განწყობილი?